రాష్ట్రీయం
విజయవాడకు మారిన కాలేజీల వార్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 7: హైదరాబాద్‌లో కార్పొరేట్ కాలేజీలు నారాయణ, వెలాసిటీల మధ్య కొట్లాట విజయవాడకు మారింది. వెలాసిటీలో పనిచేస్తూ అదృశ్యమయ్యారని చెబుతున్న అశ్వత్థరావు మంగళవారం విజయవాడలో ప్రత్యక్షమయ్యారు. అశ్వత్థరావు కోసం అనే్వషించిన వెలాసిటీ బృందం తెలంగాణ ప్రాంత నారాయణ కాలేజీల జిఎం కాట్రగడ్డ శ్రీనివాస్, రాయలసీమ ఇన్‌చార్జి విజయభాస్కర రెడ్డిలపై మంగళవారం ఒత్తిడి తేవడంతో, కాట్రగడ్డ శ్రీనివాస్ ఇంటికి తాళాలు వేసుకుని అదృశ్యమయ్యారు. మరోపక్క వెలాసిటీ సంస్థ ఫిర్యాదుతో పోలీసులు రంగప్రవేశం చేశారు. దీంతో వ్యవహారం రసవత్తరంగా మారింది. వెలాసిటీలో కీలకమైన ముగ్గురు ఫ్యాకల్టీ సభ్యులూ తొలుత నారాయణ, తర్వాత శ్రీచైతన్య అనంతరం చైనా బ్యాచ్‌కు పనిచేసిన వారే. అంతేకాదు, అక్కడ సిఇఓగా పనిచేస్తున్న సొహైల్ సైతం తొలుత శ్రీచైతన్య, తర్వాత నారాయణ విద్యాసంస్థల్లో పనిచేసి వెలాసిటీలో చేరారు. అశ్వత్థరావును తాము ఎత్తుకురాలేదని, ఆయన స్వచ్ఛందగా వచ్చారని నారాయణ విద్యాసంస్థల ప్రతినిధి ఒకరు చెప్పారు. అశ్వత్థరావు వెలాసిటీ విద్యాసంస్థలో కోటి రూపాయిలకు పైగా వేతనానికి అగ్రిమెంట్ చేసుకున్నారని చెబుతున్నారు. అందులో అపుడే 50 లక్షలు అడ్వాన్స్ తీసుకున్నారని, అడ్వాన్స్ తీసుకున్నారు కనుక తమ సంస్థలో పనిచేయమని అంటున్నామని వెలాసిటీ ప్రతినిధి ఒకరు పేర్కొన్నారు. వెలాసిటీలో మూడు పాఠశాలలకు చెందిన ముగ్గురు అధినేతలు భాగస్వామ్యులుగా ఉన్నారు. వారిలో ఒకరు తెరాస మంత్రికి అత్యంత సన్నిహితులు కావడంతో కేసును పోలీసులు సైతం తేలిగ్గా తీసుకోలేదు. అందరినీ పిలిపించి హైదరాబాద్‌లో కూర్చోబెట్టి సామరస్యంగా పరిష్కరించుకోవల్సిందిగా ఇప్పటికే సంకేతాలు పంపినట్టు సమాచారం. ప్రతి ఏటా అడ్మిషన్ల సమయంలో వేరే సంస్థ విద్యార్థులను రాయితీలు, బహుమతులిచ్చి తమ సంస్థల్లో చేరుకోవడం అలవాటుగా మారిన కార్పొరేట్ కాలేజీలు తాజాగా మంచి పేరు సంపాదించుకున్న టీచర్లను సైతం బలవంతంగా తీసుకెళ్లడం ఆనవాయితీగా మారుతోంది. గతంలోనూ నారాయణ విద్యాసంస్థల్లో పనిచేసిన ఇద్దరు ప్రముఖులను చైతన్య విద్యాసంస్థ తీసుకెళ్లగా, చైతన్య విద్యాసంస్థ నుండి ఇద్దరిని నారాయణ విద్యాసంస్థ తీసుకుని వారికి ఉపాధ్యక్ష పదవి ఇచ్చి పూర్తి అధికారాలను కట్టబెట్టింది. ఎక్కువ వేతనానికి సంస్థలు మారడం అనేది అన్నిచోట్లా ఉన్నా, సహజ రీతికి భిన్నంగా రాత్రికి రాత్రి టీచర్లను ఎత్తుకెళ్లడం, అవసరమైతే తమ ఆధీనంలో బంధించడం, అనైతికంగా బేరాలు సాగించడమే కార్పొరేట్ కాలేజీల మధ్య వివాదానికి కారణమవుతోంది. ఐఐటి రామయ్య స్టడీసర్కిల్ కోసం నిర్వహించే పోటీ పరీక్షలో టాపర్లను ఒక కార్పొరేట్ కాలేజీ తీసుకెళ్లి వారికి పూర్తి ఫీజు రాయితీ కల్పించి తమ విద్యార్థులుగా ప్రకటించుకోగా, ఢిల్లీకి చెందిన విద్యార్ధిని ఒకరిని హైదరాబాద్ తీసుకొచ్చి ఐఐటి జెఇఇ టాపర్‌గా రాష్ట్రం నుండి ఎంపికైనట్టు మరో కార్పొరేట్ కాలేజీ ప్రకటించుకుంది. టాపర్ల జాబితాలో ఎస్సీ కేటగిరి టాపర్, ఎస్టీ కేటగిరి టాపర్, పిడబ్ల్యుడి, మహిళా కేటగిరిల్లో టాపర్లను సైతం జనరల్ కేటగిరి టాపర్లుగా ప్రకటనలు విడుదల చేసి కనిపించనిచోట ఎస్సీ, ఎస్టీ అని రాయడం ద్వారా మోసాలకు పాల్పడిన విద్యాసంస్థలు తాజాగా ఫ్యాకల్టీ విషయంలో రోడ్డెక్కడం అందరికీ ఆందోళన కలిగిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.