రాష్ట్రీయం
రాజకీయ పార్టీగా టి-జాక్?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 9: తెలంగాణ రాజకీయ జెఎసి రాజకీయ పార్టీ రూపు దాలుస్తుందా? రాజకీయ పక్షాలన్నింటిలో ఇదే చర్చ సాగుతోంది. కోదండరామ్ వ్యాఖ్యలపై టిఆర్‌ఎస్ నేతలు అనూహ్యంగా పెద్దయెత్తున దాడి ప్రారంభించడానికి కారణం కూడా ఇదేనని విశే్లషకులు అంటున్నారు. తెలంగాణ ఉద్యమ కాలంలో టిజెఎసి అంటే తెలంగాణలోని రాజకీయ పక్షాలన్నింటి రూపం. టిఆర్‌ఎస్, బిజెపి, టిడిపి, కాంగ్రెస్, న్యూడెమోక్రసీ పక్షాలన్నీ కలిపితేనే అప్పటి టిజెఎసి. కానీ ఇప్పుడు టిజెఎసిలో ఒక్క రాజకీయ పార్టీ కూడా లేదు. తెలంగాణ విద్యావంతుల వేదిక తరఫున కోదండరామ్ జెఎసికి నాయకత్వం వహించారు. ఇప్పుడు టిజెఎసిలో మిగిలింది కూడా తెలంగాణ విద్యా వంతుల వేదిక ఒక్కటే. ఈ నేపథ్యంలో టిజెఎసిని క్రమంగా రాజకీయ పక్షంగా మార్చడానికి కోదండరామ్ ప్రయత్నిస్తున్నారనే ప్రచారం బలంగా ఉంది. రెండేళ్ల టిఆర్‌ఎస్ ప్రభుత్వంపై జెఎసి చైర్మన్ కోదండరామ్ చేసిన విమర్శలపై మంత్రులు, ఎంపిలు తీవ్ర స్థాయిలో స్పందించడం చర్చనీయాంశంగా మారింది. కోదండరామ్‌పై ముఖ్యమంత్రి కెసిఆర్ ఇప్పటి వరకు ఎలాంటి విమర్శ చేయకపోయినా మంత్రులందరూ తీవ్రంగా స్పందించారు. ముఖ్యమంత్రిని టిడిపి నేతలు వ్యక్తిగతంగా దూషించినా కెసిఆర్ సహా ఎవరూ పట్టించుకోలేదు. చివరకు ఓటుకు నోటు కేసులో రెడ్ హ్యాండెడ్‌గా రేవంత్‌రెడ్డి పోలీసులకు చిక్కినప్పుడు కెసిఆర్‌ను అభ్యంతరకరమైన భాషలో తిట్టినా స్పందించలేదు. అలాంటిది కోదండరామ్ విమర్శలను పార్టీ సీరియస్‌గా తీసుకోవడం వెనుక కారణం ఏమిటా? అనే చర్చ టిఆర్‌ఎస్‌లో సాగుతోంది. తక్షణం కాకపోయినా భవిష్యత్తులో టిజెఎసిని రాజకీయ పార్టీగా మార్చేందుకు ప్రయత్నాలు జరుగుతున్నాయని, దానిని దృష్టిలో పెట్టుకునే టిఆర్‌ఎస్‌కు టిజెఎసికి ఇకపై ఎలాంటి సంబంధం లేదనే స్పష్టమైన సంకేతాలు ఇవ్వడానికే కోదండరామ్ విమర్శలపై తీవ్రంగా స్పందించినట్టు మంత్రులు తెలిపారు. పార్టీ అధినేత ఆదేశాల మేరకే మంత్రులు, పార్టీ ఎంపిలు తీవ్రంగా స్పందించారన్నది నిర్వివాదాంశం. పూర్వాశ్రమంలో నక్సల్స్ ఉద్యమంతో అనుబంధం ఉన్న ప్రొఫెసర్ కోదండరామ్‌కు మొదటి నుంచి రాజకీయాలతో అనుబంధం ఉంది. టిఆర్‌ఎస్ ఆవిర్భావంకన్నా ముందు నుంచే తెలంగాణ విద్యావంతుల వేదిక ద్వారా కార్యకలాపాలు నిర్వహించారు.
తెలంగాణ సంక్షేమమే టిజెఎసి లక్ష్యం అని కోదండరామ్ చెబుతున్నా అంతిమంగా రాజకీయ పార్టీగా మారుస్తారని టిఆర్‌ఎస్ నాయకత్వం భావిస్తోంది. తెలంగాణ రెండవ ఆవిర్భావ దినోత్సవానికి మూడు నాలుగు రోజుల ముందు ప్రభుత్వం పట్ల సానుకూలంగా స్పందించిన కోదండరామ్ అమెరికాలో తెలంగాణ సంఘాల సమావేశానికి వెళ్లి వచ్చిన తరువాత వెంటనే ప్రభుత్వంపై విమర్శలు చేయడం, ‘చేతకాకపోతే ప్రభుత్వం దిగిపోవాలి’ అని హెచ్చరించడం వెనుక రాజకీయం ఉందనేది టిఆర్‌ఎస్ అనుమానం.
టిఆర్‌ఎస్, కాంగ్రెస్, బిజెపి, టిడిపి, న్యూ డెమోక్రసీ వంటి పార్టీలు ఉన్నప్పుడు టిజెఎసి బలంగా ఉండేది. తెలంగాణ ఆవిర్భావం తరువాత ఒకరి తరువాత ఒకరు బయటకు వెళ్లారు. లక్షలాది సభ్యులు ఉన్న తెలంగాణ ఎన్‌జివోల సంఘం సైతం టిజెఎసిలో ఉండేది. ఇప్పుడు ఏ ఒక్క రాజకీయ పార్టీ కూడా టిజెఎసిలో లేదు. ఉద్యోగ సంఘాలు కూడా లేవు. కోదండరామ్ శనివారం నిర్వహించిన టిజెఎసి సమావేశానికి గతంలో కీలక పాత్ర వహించిన ఏ ఒక్క సంస్థ కూడా హాజరు కాకపోవడం గమనార్హం. కాగా గ్రామస్థాయిలో టిజెఎసిని పటిష్ఠపరుస్తామని కోదండరామ్ ప్రకటించారు.
గతంలో టిఆర్‌ఎస్, టిజెఎసి ఒకటే అనే భావన ఉండేది. ఇప్పుడు ఒకదానితో మరో దానికి సంబంధం లేదని తేలిపోయిన తరువాత టిఆర్‌ఎస్ వ్యతిరేకశక్తులే టిజెఎసి వైపువెళతాయి. ఇప్పటికే టిఆర్‌ఎస్‌కు వ్యతిరేకంగా వివిధ పార్టీలు ఉన్నాయి. మరో వర్గం అందులో చేరితే టిఆర్‌ఎస్ వ్యతిరేక శక్తుల్లో మరో చీలిక ఏర్పడటం అవుతుంది. దీనిని దృష్టిలో పెట్టుకునే అన్ని రాజకీయ పక్షాలు ఏకమై ఉద్యమించాలని సిపిఎం రాష్ట్ర నాయకులు తమ్మినేని వీరభద్రం సూచించారు. టిజెఎసితో టిఆర్‌ఎస్‌కు వ్యతిరేకంగా అన్ని పార్టీలు ఏకం కావాలని పిలుపు ఇచ్చారు. తెలంగాణ ఉద్యమ సమయంలో సమైక్యవాదం వినిపించిన సిపిఎం ఇప్పుడు టిజెఎసి పట్ల సానుకూల వైఖరి వ్యక్తం చేస్తోంది. దీనిలో కీలకపాత్ర వహించేందుకు వామపక్షాలు ప్రయత్నిస్తున్నాయి. వరంగల్ పార్లమెంటు ఉప ఎన్నికల సమయంలో ఇలాంటి ప్రయత్నం ప్రారంభించి, ప్రజా సంఘాలు, 12 కమ్యూనిస్టు పార్టీల ఉమ్మడి అభ్యర్థిని రంగంలో నిలిపితే కనీసం డిపాజిట్ దక్కలేదు. కోదండరామ్ విమర్శలతో కమ్యూనిస్టు పార్టీలకు మరోసారి ఆశలు చిగురించాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.