రాష్ట్రీయం
వందేళ్ల వర్శిటీకి వైస్ చాన్సలర్ కరవు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 10: వందేళ్లు నిండుతున్న ఉస్మానియా యూనివర్శిటీకి గత రెండేళ్లుగా వైస్ చాన్సలర్ కరవుయ్యారు. 1917లోప్రారంభమైన ఉస్మానియా యూనివర్శిటీ కొద్ది నెలల్లో వందేళ్ల పండుగను చేసుకోబోతోంది. ఆ తరుణంలో కూడా వైస్ చాన్సలర్ నియామకం జాప్యం చేయడంపై విద్యార్థులు ఆగ్రహం వ్యక్తం చేస్తున్నారు. దేశంలోనే అత్యంత పురాతనమైన వర్శిటీల్లో ఉస్మానియా ఒకటి కాగా, హైదరాబాద్ స్టేట్‌లో తొలి విశ్వవిద్యాలయం. 2014 నవంబర్ 11 నుండి ఇన్‌చార్జిల పాలనతోనే వర్శిటీ నెట్టుకుంటూ వస్తోంది. ఫలితంగా 2013 పిహెచ్‌డి అడ్మిషన్లను 2016లో ప్రారంభించింది. మిగిలిన సంవత్సరాల పిహెచ్‌డి అడ్మిషన్లు ఎపుడవుతాయో తెలియని అయోమయ పరిస్థితి. ఆ మాటకొస్తే తెలంగాణలో ఉన్న ఆరు సంప్రదాయ వర్శిటీలు, మరో ఆరు స్పెషలైజ్డ్ వర్శిటీల దుస్థితి కూడా ఇదే. ఒక దశలో ఎవరిని నియమించాలో తెలియక, ఐఎఎస్ అధికారులను తెలంగాణ ప్రభుత్వం ఇన్‌చార్జి విసిలుగా నియమించింది. రెండుపడవలపై కాళ్లు వేసిన వారు తమ అసలు ఉద్యోగం వదులుకోలేక, యూనివర్శిటీల ఇక్కట్లు వినలేక పాలన స్తంభించి, వివాదాలు పతాక స్థాయికి చేరుకుని అసలు లక్ష్యాలు నీరుగారిపోయాయి. మహాత్మాగాంధీ యూనివర్శిటీని తీసుకుంటే తొలుత ప్రొఫెసర్ వి గంగాధర్ ఇన్‌చార్జిగా ఉన్నారు. ఆయన 2010లో రిటైర్ కాగానే అదే రోజు ప్రొఫెసర్ వి గోపాలరెడ్డిని ఇన్‌చార్జిగా పెట్టారు. ఆయన రిటైరయ్యాక ప్రొఫెసర్ టి తిరుపతిరావును, ఆ తర్వాత ప్రొఫెసర్ డి ఎన్ రెడ్డిని ఇన్‌చార్జిగా పెట్టారు. 2011 మే 18న ఆయన స్థానంలో రెగ్యులర్ వీసి కె నర్సింహరెడ్డిని నియమించారు. ఆయన 2014లో రిటైర్ కాగానే మరోమారు ఇన్‌చార్జిల పాలన మొదలైంది. ఏడుగురు ఇన్‌చార్జి విసిలతో విద్యాత్మక అంశాలు ,వార్షిక ప్రణాళికలు తీవ్రంగా దెబ్బతిన్నాయని విద్యార్థులు వాపోతున్నారు. అదే దుస్థితి వరంగల్‌లోని కాకతీయ యూనివర్శిటీకి పట్టింది. ముగ్గురు ఇన్‌చార్జిలు మారినా రెగ్యులర్ విసికి దిక్కులేకుండా పోయిందని ఫ్యాకల్టీ సభ్యులు వాపోతున్నారు. అంబేద్కర్ ఓపెన్ యూనివర్శిటీకి సైతం తొలుత వికాస్ రాజ్ ఇన్‌చార్జి విసిగా నియమితులుకాగా, ఆయన స్థానంలో 2015లో రంజీవ్ ఆర్ ఆచార్య బాధ్యతలు స్వీకరించారు. మిగతా యూనివర్శిటీలదీ అదే స్థితి.
వివాదాలు
విసిల నియామకానికి సంబంధించి ప్రభుత్వం ప్రస్తుతం ఉన్న యుజిసి చట్టాన్ని మార్చి కొత్త నిబంధనలను అమలుచేయాలని, చాన్సలర్‌గా గవర్నర్ స్థానే ముఖ్యమంత్రిని నియమించాలని చూడటంతో వివాదాలు మొదలయ్యాయి. దాంతో విసిల నియామకాల్లో తీవ్ర జాప్యం జరిగింది. గత ఏడాది డిసెంబర్‌లో విసిల నియామకానికి నోటిఫికేషన్ జారీ అయింది. ఇప్పటికే విసి పదవుల కోసం 2400 దరఖాస్తులు వచ్చాయి. అందులో కనీస నిబంధనలు పాటించని సగానికి పైగా అభ్యర్థుల బయోడాటాలను పక్కన పెట్టేసిన ప్రభుత్వం మిగిలిన వాటిని కొంత మంది విద్యావేత్తలకు పంపించి వారి అభిప్రాయాలను సేకరించింది. మరో పక్క సెర్చి కమిటీలకు బయోడాటాలను పంపించి వారి నివేదికలను సైతం తెప్పించుకుంది. వెనుకబాటుతనం నుండి బయటపడటానికి ప్రత్యేక రాష్ట్రం వచ్చిన సందర్భంలో విసిల నియామకాలు జరగకపోవడంతో విద్యావ్యవస్థ మరింత వెనుకబడిపోయింది. తెలంగాణ రాష్ట్రం ఏర్పాటైన తొలి రోజుల్లో సిఎం చేసిన కొన్ని నియామకాలపై తర్వాత కొంత ఆలోచనల్లో పడటం వల్ల కనీసం ఈ దశలోనైనా సమర్థులను, విద్యావేత్తలను, పరిపాలనా దక్షుల్ని విసిలుగా నియమిస్తారనే ఆశలు సర్వత్రా వ్యక్తమవుతున్నాయి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.