రాష్ట్రీయం
టెక్నాలజీయే శ్రీరామరక్ష
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 11: రాష్టంలో 13 జిల్లాలు, జలవనరుల ప్రధాన ప్రాజెక్ట్‌లతో అనుసంధానమైన అత్యాధునిక వ్యవస్థతో కూడిన వీడియోకాన్ఫరెన్స్ విధానాన్ని ముఖ్యమంత్రి చంద్రబాబు నాయుడు శనివారం ప్రారంభించారు. కొత్తగా ఏర్పాటు చేసిన ఈ వీడియోకాన్ఫరెన్స్ ద్వారా ఇరిగేషన్ శాఖ అధికారులతో ఆయన మాట్లాడుతూ సాంకేతిక పరిజ్ఞానంతో వివిధ ప్రాజెక్ట్‌ల పరిధిలో జలసామర్థ్యం, భూగర్భ జల స్థాయి ఎప్పటికప్పుడు కేంద్రీకృత వ్యవస్థ ద్వారా పర్యవేక్షించేందుకు చర్యలు చేపట్టాలని కోరారు. ప్రతి ఒక్క నీటిబొట్టును సంరక్షించడంలో జలవనరుల శాఖ అధికారులు, సిబ్బంది ఇతర శాఖల అధికారులతో సమన్వయం చేసుకోవాలని ఆదేశించారు. గత రెండు సంవత్సరాలుగా మెరుగైన పనితీరు చూపుతున్నారని, మరింత సమర్థతతో కూడిన కార్యాచరణ ఉండాలని ఆయన కోరారు. రాష్ట్రంలో భూగర్భ జలాలను పెంచాల్సిన బాధ్యత మనపై ఉందని అన్నారు. సాంకేతిక పరిజ్ఞానాన్ని మరింత విస్తృతంగా వినియోగంలోకి తీసుకురావడం ద్వారా జలాశయాలు, చెరువులు, కాలువలు, భూగర్భంలో నీటి లభ్యత వంటి అనేక అంశాలను కేంద్ర కార్యాలయం నుంచి పరిశీలించవచ్చని ఆయన చెప్పారు. ఒక చోట నీరు ఎక్కువగా ఉండి, మరోచోట నీరు తక్కువగా ఉంటే, ఆ నీటిని అక్కడికి పంపేలా చెక్ డ్యామ్‌లు, హైడ్రాలిక్ లిఫ్ట్ ఇరిగేషన్ తదితర విధానాలను అనుసరించాలన్నారు. కేంద్ర కార్యాలయం నుంచే 3000 నీటి సంఘాల పరిధిలో జలవనరుల స్థాయిని సమీక్షించాల్సి ఉంటుందని సిఎం చెప్పారు. స్కాడా టెక్నాలజీని మరింత విస్తృతంగా వినియోగంలోకి తీసుకురావాలని, తద్వారా రాష్ట్రంలోని మేజర్, మైనర్ ప్రాజెక్ట్‌లతో అనుసంధాన ప్రక్రియ చేపట్టాలని సిఎం వాసన్ ల్యాబ్ బృందానికి సూచించారు. లైవ్‌స్ట్రీమింగ్ టెక్నాలజీ ద్వారా వివిధ ప్రాజెక్ట్‌లలో జరిగే పనుల ప్రత్యక్ష పరిరక్షణ సాధ్యం కాదని, ఈ విధానాన్ని మరింత విస్తృతం చేసి వీడియోకాన్ఫరెన్స్ విధానానికి అనుసంధానం చేయాలని సిఎం ఆదేశించారు. కృష్ణ పుష్కర ఘాట్‌లో పనులను పర్యవేక్షిస్తున్న అధికారులతో, పోలవరం స్పిల్‌వేరాక్ పనులను పర్యవేక్షిస్తున్న చీఫ్ ఇంజనీర్ రమేష్‌బాబుతో ముఖ్యమంత్రి వీడియోకాన్ఫరెన్స్ ద్వారా సంభాషించారు. ఒకేసారి 10 లక్షల మందితో వీడియోకాన్ఫరెన్స్ ద్వారా సంభాషించేలా సాంకేతిక పరిజ్ఞానాన్ని అందుబాటులోకి తీసుకువస్తామని ఈ సందర్భంగా వాసన్ ల్యాబ్ ప్రతినిధులు సిఎంకు చెప్పారు. ప్రాజెక్ట్ పనులను ఎప్పటికప్పుడు పర్యవేక్షించేందుకు ముఖ్యమంత్రి కార్యాలయంలో కూడా ఒక స్క్రీన్ ఏర్పాటు చేయాలని చంద్రబాబు విజ్ఞప్తి చేశారు.
చిత్రం విజయవాడలో శనివారం స్కాడా టెక్నాలజీని ప్రారంభిస్తున్న ముఖ్యమంత్రి చంద్రబాబు నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.