రాష్ట్రీయం
నియంతృత్వానికి పరాకాష్ఠ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 11: కాపులకు రిజర్వేషన్ కల్పించాలని కోరుతూ ముద్రగడ పద్మనాభం దీక్ష చేపడితే, ఆయనను బలవంతంగా అరెస్ట్ చేయడం తగదని రాజ్యసభ సభ్యుడు, కేంద్ర మాజీ మంత్రి చిరంజీవి అన్నారు. ముఖ్యమంత్రి చంద్రబాబు నాయుడికి చిరంజీవి శనివారం బహిరంగ లేఖ రాశారు. దీక్ష చేస్తున్న ముద్రగడ, ఆయన కుటుంబ సభ్యులపట్ల పోలీసులు వ్యవహరించిన తీరు అమానుషంగా ఉందని వ్యాఖ్యానించారు. అరెస్ట్‌లు ఏకపక్షంగా ఉన్నాయని ఆయన అన్నారు. ఈ దృశ్యాలను ప్రసారం చేస్తున్న వార్తా ఛానళ్లను కట్టడి చేయడం ప్రభుత్వ నియంతృత్వానికి పరాకాష్టని చిరంజీవి అన్నారు. తుని ఘటనను ఎవ్వరూ సమర్థించరు. బాధ్యులను గుర్తించి చర్యలు తీసుకోవలసిందే. ఘటన జరిగిన తరువాత తను సమాచారం మొత్తాన్ని తెప్పించుకున్నానని, హింసాత్మక ఘటనల్లో గోదావరి జిల్లాల వారు ఎవ్వరూ లేరని, రాయలసీమ నుంచి వచ్చిన కొందరు ఈ చర్యలకు పాల్పడ్డారని ముఖ్యమంత్రి చెప్పారు. కానీ ఇప్పుడు గోదావరి జిల్లాలకు చెందిన వారిని దోషులుగా చూపించి అరెస్ట్ చేస్తున్నారు. దీనిని ముఖ్యమంత్రి ఏవిధంగా సమర్థించుకుంటారని చిరంజీవి ఆ లేఖలో ప్రశ్నించారు. ముఖ్యమంత్రి చంద్రబాబు పట్టువిడుపులతో సమస్యలు పరిష్కరిస్తారన్నది తన వ్యక్తిగత అభిప్రాయమని చిరంజీవి అన్నారు. కానీ ముద్రగడ విషయంలో ప్రభుత్వం మొదటి నుంచి ఘర్షణ ధోరణిలో వ్యవహరిస్తోందని ఆయన అన్నారు. ముద్రగడ దీక్షకు రాజకీయాన్ని ఆపాదించి సమస్యలను పక్కదారి పట్టించడం వలన కలిగే ప్రయోజనాలేంటో చంద్రబాబుకే తెలియాలని అన్నారు. ప్రజా సహకారాన్ని కోరుకుంటున్న ప్రభుత్వ కొన్ని సామాజికవర్గాల మనోభావాల్ని దెబ్బతీయడం మానుకోవాలని అన్నారు. తుని ఘటనపై సిబిఐతో విచారణ జరిపించి, దోషులను చట్టానికి పట్టించాలని చిరంజీవి ఆ లేఖలో డిమాండ్ చేశారు.
మంత్రిగా ఉన్నప్పుడు
చిరంజీవి ఏం చేశారు?
కాగా చిరంజీవి లేఖ రాసిన నేపథ్యంలో ఏపి మంత్రులు ఆయనపై ఎదురుదాడి ప్రారంభించారు. చిరంజీవి కేంద్ర మంత్రిగా ఉన్నప్పుడు కాపులకు ఏం చేశారని రాష్ట్ర మంత్రి నారాయణ ప్రశ్నించారు. కాపులను బిసిల్లో చేర్చేందుకు ఆయన కనీస ప్రయత్నమైనా చేశారా? అని ఆయన ప్రశ్నించారు. ఉన్నట్టుండి చిరంజీవికి కాపులు గుర్తుకు రావడం హాస్యాస్పదంగా ఉందన్నారు.
కాపుల సంక్షేమం కోసం పనిచేస్తున్న ముఖ్యమంత్రి చంద్రబాబును చిరంజీవి విమర్శించడం తగదని హోం మంత్రి చినరాజప్ప అన్నారు. కాపుల సహకారంతో రాజకీయాల్లోకి వచ్చిన ఆయన తన పార్టీని కాంగ్రెస్ పార్టీలో విలీనం చేశారని, అప్పుడు కాపుల మనోభావాలు దెబ్బతినలేదా? అని ఆయన ప్రశ్నించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.