రాష్ట్రీయం
పరిశోధనలు మున్ముందుకు టి.హబ్‌తో డిఆర్‌డివో భాగస్వామ్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 12: మెరుగైన ఫలితాల కోసం టి-హబ్, డిఆర్‌డివోలు కలిసి పని చేస్తే మంచిదని కేంద్ర రక్షణ మంత్రి మనోహర్ పారికర్ అభిప్రాయపడ్డారు. రెండింటి భాగస్వామ్యంతో నగరంలో డిఫెన్స్ టెక్నాలజీ పరిశోధనలు, స్టార్టప్‌లకు మద్దతు లభిస్తుందన్న ఆశాభావం వ్యక్తం చేశారు. తెలంగాణ ఐటి ప్రగతిని అభినందిస్తూ కేంద్ర రక్షణ మంత్రి మనోహర్ పారికర్ రాష్ట్ర ఐటి మంత్రి కె తారక రామారావుకు లేఖ రాశారు. టి-హబ్‌పై ప్రత్యేక దృష్టి కేంద్రీకరించి స్టార్టప్స్‌ను బలోపేతం చేస్తున్న రాష్ట్ర ప్రభుత్వాన్ని ప్రశంసించారు. టి-హబ్‌లో భాగస్వామి కావడం ద్వారా తెలంగాణ ప్రభుత్వంతో కలిసి పని చేసేందుకు కేంద్ర రక్షణ శాఖ ఆసక్తి చూపుతోందని పారికర్ తన లేఖలో పేర్కొన్నారు.
హైదరాబాద్‌లో నెలకొన్న డిఆర్‌డివోలో మరిన్ని సాంకేతిక పరిశోధనలు చేపట్టేందుకు, ఔత్సాహిక పరిశోధనలకు అవకాశం కల్పించేందుకు టి-హబ్‌తో కలిసి పని చేస్తామన్నారు. ఈ భాగస్వామ్యంతో హైదరాబాద్ డిఫెన్స్ టెక్నాలజీ రంగంలో స్టార్టప్ ఎకో సిస్టమ్ అభివృద్ధికి అవకాశం లభిస్తుందని పారికర్ అభిప్రాయపడ్డారు. టి-హబ్‌తో భాగస్వామ్యానికి తగిన చర్యలు చేపట్టాలని డిఆర్‌డివోను ఆదేశించినట్టు పారికర్ లేఖలో పేర్కొన్నారు. ఇప్పటికే డిఆర్‌డివో బృందం టి-హబ్‌ను సందర్శించింది. రెండు మూడు విభాగాల్లో టి-హబ్‌తో భాగస్వామ్యానికి ఉన్న అవకాశాలను పరిశీలించింది. కేంద్ర మంత్రి పారికర్ లేఖపట్ల ఐటి మంత్రి కెటిఆర్ హర్షం వ్యక్తం చేశారు. నగరంలో రక్షణ రంగానికి సంబంధించిన కేంద్ర సంస్థలు, టెక్నాలజీ రంగంలో స్టార్టప్స్ ఎకో సిస్టమ్, ఏరోస్పెస్ విభాగాలు నెలకొని ఉన్నందున హైదరాబాద్‌లో ప్రత్యేకంగా డిఫెన్స్, ఏరోస్పెస్ ఇంక్యుబేటర్ ఏర్పాటు అంశాన్ని పరిశీలించాలని కేంద్ర రక్షణ మంత్రి మనోహర్ పారికర్‌ను కోరనున్నట్టు కెటిఆర్ తెలిపారు.
మలేషియా ప్రభుత్వం లేఖ
తెలంగాణతో వ్యాపార సంబంధాలను కోరుతూ రాష్ట్ర పరిశ్రమలు, ఐటి మంత్రికి మలేషియా ప్రభుత్వం లేఖ రాసింది. మలేషియా ప్రభుత్వం తరఫున ఆ దేశ అంతర్జాతీయ వ్యాపార, పరిశ్రమల మంత్రి ముస్త్ఫా మహమ్మద్ ఈ లేఖ రాశారు. గత నెల తెలంగాణలో పర్యటించిన తన బృందం అనేక భాగస్వామ్య అవకాశాలను పరిశీలించినట్టు తెలిపారు. తెలంగాణలోని మలేసియన్ కంపెనీలకు ప్రభుత్వం సహకరిస్తున్న తీరుకు అభినందనలు తెలిపారు. భవిష్యత్తులోనూ మలేషియా, తెలంగాణల మధ్య ఇదే విధమైన సుహృద్భావ, స్నేహసంబంధాలు పెంపొందించుకునేందుకు, తెలంగాణలోని పెట్టుబడి అవకాశాలను తెలిపేందుకు మలేషియా రావాల్సిందిగా కెటిఆర్‌ను ముస్త్ఫా కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.