రాష్ట్రీయం
ఎక్కడి నైరుతి అక్కడే..!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 13: నైరుతీ రుతుపవనాలు రాయలసీమ జిల్లాల వరకు వచ్చి ఆగిపోయాయి. గత మూడు రోజుల నుంచి ఇవి కర్నాటకలోని కార్వార్, గదగ్, ఏపీలోని ఒంగోలు వద్ద స్థిరంగా ఉన్నాయి. తెలంగాణ, కోస్తాంధ్ర జిల్లాలవైపు ముందుకు కదలడం లేదు. మరో రెండు మూడు రోజులపాటు ఇదే పరిస్థితి కొనసాగుతుందని భారత వాతావరణ శాఖ (ఐఎండి) శాస్తవ్రేత్త బిపి యాదవ్ తెలిపారు. అయితే నైరుతీ రుతుపవనాలు మధ్య ఉత్తర బంగాళాఖాతం, ఉత్తర తూర్పు రాష్ట్రాలు, పశ్చిమ బెంగాల్, సిక్కింవైపు కదిలి వెళ్తున్నాయని వివరించారు. రుతుపవనాల కారణంగా అసోం, మేఘాలయ రాష్ట్రాల్లో భారీ వర్షాలు కురుస్తున్నాయన్నారు. తెలంగాణ, రాయలసీమలోని కొన్ని ప్రాంతాల్లో గత 24 గంటల్లో కొద్దిపాటి వర్షాలు కురిశాయని వెల్లడించారు. వచ్చే మూడు రోజుల్లో తెలంగాణ, రాయలసీమ, కోస్తాంధ్ర జిల్లాల్లో
అక్కడక్కడా తేలికపాటి వర్షాలు, ఉరుములు, మెరుపులతో జల్లులు కురిసే అవకాశం ఉందని ఐఎండి ప్రకటించింది. ఇదే సమయంలో తూర్పు భారత్‌లోని వివిధ రాష్ట్రాల్లో భారీనుండి అతి భారీ వర్షాలు కురుస్తాయని వెల్లడించారు.
కర్నాటక, కేరళ రాష్ట్రాల్లో గత 24 గంటల్లో ఐదు నుండి 10 సెంటీమీటర్ల వర్షపాతం నమోదుకాగా, రాయలసీమకు చెందిన కర్నూలులో కొద్దిపాటి వర్షాలు కురిశాయి. నవీపేట (నిజామాబాద్)లో ఐదు సెంటీమీటర్లు, సదాశివనగర్ (నిజామాబాద్)లో 4 సెంటీమీటర్లు, కామారెడ్డిలో నాలుగు, జఫర్‌గఢ్ (వరంగల్)లో మూడు సెంటీమీటర్ల వర్షపాతం నమోదైంది. కోస్తాంధ్రలో ఎక్కడ కూడా వర్షపాతం నమోదు కాలేదు. ఇలాఉండగా కరీంనగర్ జిల్లాలోని రామగుండంలో అత్యధిక ఉష్ణోగ్రత 41 డిగ్రీల సెల్సియస్ నమోదైందని ఐఎండి ప్రకటించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.