రాష్ట్రీయం
ఎవరి పట్టు వారిదే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 13:కాపునేత ముద్రగడ పద్మనాభం ఆమరణ నిరాహారదీక్ష శాంతిభద్రతల సమస్యగా మారే ప్రమాదం కనిపిస్తోంది. ప్రభుత్వం ఇప్పటివరకూ చర్చలకు వెళ్లకపోవడం, ముద్రగడ ఆహారం తీసుకోవడానికి, వైద్య సేవలకు నిరాకరించడం కాపువర్గంలో కలవరం కలిగిస్తున్నాయి. తాజాగా ఉత్తరాంధ్ర, కోస్తా జిల్లాల్లోనూ కాపు నేతల నిరసనలు విస్తరించడం చూస్తే, భవిష్యత్తు పరిణామాలు నవ్యాంధ్రపై ప్రభావం చూపుతాయన్న ఆందోళన వ్యక్తమవుతోంది. ముద్రగడ ఆమరణ నిరాహారదీక్ష చేపట్టి ఐదురోజులవుతున్నా, ఇప్పటివరకూ ప్రభుత్వం ఆయన దీక్ష విరమణకు చర్యలు తీసుకోకపోవడం చర్చనీయాంశమయింది. గతంలో కాపు వర్గానికి చెందిన ఎమ్మెల్యేతోపాటు, అచ్చెన్నాయుడును ముద్రగడ వద్దకు పంపిన ప్రభుత్వం, ఇప్పుడు వ్యూహం మార్చి ముద్రగడపై ఎదురుదాడి చేయించడంతో కాపులను రెచ్చగొట్టినట్టయింది. సొంత కులం వారితో ముద్రగడను తిట్టించడాన్ని, టిడిపిలోని కాపులే సహించలేకపోతున్నారు. తాజాగా పశ్చిమ గోదావరి జిల్లాలో టిడిపికి చెందిన 200 మంది కాపులు పార్టీకి రాజీనామా చేశారు. దీన్నిబట్టి ఆ పార్టీలోని కాపులకు సైతం, ముద్రగడపై నాయకత్వం అనుసరిస్తోన్న వైఖరి మింగుడుపడటం లేదని స్పష్టమవుతోంది. ముద్రగడ తలను గోడకేసి కొట్టుకుంటున్న దృశ్యాలు సోషల్ మీడియాలో కనిపించడంతో కాపుల్లో ఆగ్రహం మరింత పెరుగుతోంది. ఇప్పటికే మద్రగడ కొడుకును పోలీసులు కొడుతున్న ఫొటోలతో రగిలిపోతున్న కాపులను, తాజా వీడియా దృశ్యాలు మరింత రెచ్చగొట్టినట్టయింది. దానితో ప్రభుత్వం రాజమండ్రి ఆసుపత్రి పరిసర ప్రాంతాల్లో సిగ్నల్స్ లేకుండా చేసినట్లు సమాచారం. ముద్రగడ కొడుకును పోలీసులు కొట్టలేదని హోంమంత్రి స్పష్టం చేయగా, కొట్టిన పోలీసులపై చర్యలు తీసుకోవాలని డిజిపిని కోరామని టిడిపి ఎమ్మెల్యే బోండా ఉమామహేశ్వరరావు మీడియాకు చెప్పడం గమనార్హం.
తాజాగా ముద్రగడ విషయంలో ప్రభుత్వం అమానవీయంగా వ్యవహరిస్తోందని ఆరోపిస్తూ ఆలిండియా కాపుజాగృతి కన్వీనర్, సుప్రీంకోర్టు న్యాయవాది గల్లా సతీష్, కాపు సద్భావనా సంఘం మానవ హక్కుల కమిషన్‌ను ఆశ్రయించారు. ఆయన ఇదే అంశంపై హైకోర్టును కూడా ఆశ్రయించారు.
ప్రస్తుతం రాష్ట్రంలో శాంతిభద్రతలు ముద్రగడ ఆరోగ్య పరిస్థితిపై ఆధారపడినట్లు కనిపిస్తోంది. ఆయనకు ఏదైనా జరిగితే రాష్ట్రంలో గతంలో మాదిరిగా, మళ్లీ కులఘర్షణలు మొదలయ్యే ప్రమాదం ఉందన్న ఆందోళన అన్ని వర్గాల్లో వ్యక్తమవుతోంది. రాష్ట్ర ప్రభుత్వం ప్రతిష్ఠకు పోకుండా, నవ్యాంధ్ర భవిష్యత్తు, పెట్టుబడులను దృష్టిలో ఉంచుకుని ముద్రగడ వ్యవహారానికి తెరదించాలంటున్నారు. శాంతిభద్రతలు సవ్యంగా లేకపోతే పెట్టుబడులు రావని, అభివృద్ధి అడుగులేస్తున్న ఈ సమయంలో శాంతిభద్రతలు, కుల ఉద్యమాలు జరిగితే అది రాష్ట్రానికే నష్టమంటున్నారు. రాష్ట్రంలో అశాంతి, అలజడి మొదలైతే అది ప్రతిపక్షానికే ఉపయోగమని, ఇప్పటికే తాము ముద్రగడకు వ్యతిరేకంగా ఉన్నామన్న భావన కాపుల్లో బలంగా ఉన్నందున, నష్టనివారణకు దిగాలని మంత్రులు కూడా అభిప్రాయపడుతున్నారు. ముద్రగడ దీక్షను అడ్డుపెట్టుకుని రాజకీయ లబ్థిపొందేందుకు కాంగ్రెస్, వైసీపీకి చెందిన కాపు అగ్రనేతలంతా హైదరాబాద్ పార్కు హయత్‌లో భేటీ కావడం మరింత ఉత్కంఠభరితంగా మారిందని టిడిపి నేతలు ఆందోళన వ్యక్తం చేస్తున్నారు. తమ నాయకత్వ నిర్ణయాలు వైసీపీకి లబ్థి కలిగించేలా ఉన్నాయన్న అభిప్రాయం టిడిపి శ్రేణుల్లో వ్యక్తమవుతోంది. ‘ఈ పరిస్థితిలో కావలసింది సంయమనం. మేమే రెచ్చగొట్టేలా మాట్లాడితే ఎలా? ముద్రగడను విమర్శిస్తే కాపులు భరించేందుకు సిద్ధంగా లేరని తెలిసినా మా వాళ్లు రెచ్చగొడుతూ వాతావరణాన్ని చెడగొడుతున్నారు. మా సారుకు ఈ సలహాలు ఎవరిస్తున్నారో అర్ధం కావడం లేదని’ ఒక మంత్రి వ్యాఖ్యానించారు.
ముద్రగడ ఆరోగ్య పరిస్థితిపై చానెళ్లలో వస్తున్న వార్తలు కాపులలో టెన్షన్ పెంచుతున్నాయి. ఇప్పటికే ఒకసారి బంద్ పిలుపు ఇవ్వగా, తాజాగా చలో రాజమహేంద్రితో కాపులు తరలివెళుతున్నారు. ఇప్పటివరకూ స్తబ్దతగా ఉన్న గుంటూరు, కృష్ణా, ఉత్తరాంధ్ర కాపులు తాజా పరిణామాలతో రగిలిపోతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.