రాష్ట్రీయం
అంతర్జాతీయ నృత్యోత్సవాలకు వేదిక హైదరాబాద్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 13: హైదరాబాద్ మరో అంతర్జాతీయ వేడుకకు వేదిక కాబోతోంది. వచ్చే ఏడాది జనవరి 13 నుంచి 15 వరకు ఆసియా-పసిఫిక్ బ్రాడ్ కాస్టింగ్ యూనియన్ అంతర్జాతీయ నృత్యోత్సవాలను హైదరాబాద్‌లో నిర్వహించబోతున్నారు. శిల్ప కళా వేదికలో నిర్వహించనున్న ఈ వేడుకకు చేయాల్సిన ఏర్పాట్లపై సచివాలయంలో సోమవారం తెలంగాణ ప్రభుత్వ ప్రధాన కార్యదర్శి రాజీవ్ శర్మ సంబంధితశాఖల అధికారులతో సమావేశమయ్యారు. ప్రభుత్వ సలహాదారు డాక్టర్ పాపారావు, ప్రసార భారతి సభ్యుడు సురేశ్ చంద పాండ, సాంస్కృతికశాఖ కార్యదర్శి బి వెంకటేశం, సమాచారశాఖ కమిషనర్ నవీన్ మిట్టల్, సాంస్కృతిశాఖ డైరెక్టర్ మామిడి హరికృష్ణ తదితదితరులతో ఏర్పాట్లపై రాజీవ్ శర్మ చర్చించారు. ప్రసార భారతి, తెలంగాణ ప్రభుత్వం సంయుక్తంగా నిర్వహించబోయే ఈ వేడుకల్లో 12 దేశాల నుంచి 120 మంది కళాకారులు పాల్గొనబోతున్నారని రాజీవ్ శర్మ తెలిపారు. జాతీయ స్థాయిలో గుర్తింపు పొందిన స్థానిక కళాకారులు ఈ నృత్యోత్సవంలో పాల్గొనడానికి జూలై వరకు తమ ఎంట్రీలను పంపించాల్సి ఉంటుందని, వీటిని ప్రసారభారతి.ఒఆర్‌జి వెబ్‌సైట్‌లో ఆన్‌లైన్‌లో అప్‌లోడ్ చేయాలని సూచించారు. ఈ ఉత్సవాల ప్రారంభోత్సవం, ముగింపు కార్యక్రమాలకు తెలంగాణ ముఖ్యమంత్రి కె.చంద్రశేఖర్ రావు, కేంద్ర మంత్రులు హాజరు కానున్నారని రాజీవ్ శర్మ చెప్పారు. ఈ కార్యక్రమానికి ప్రపంచంలోని వివిధ దేశాలకు చెందిన కళాకారులు హాజరుకానుండటంతో ఏర్పాట్లు ఘనంగా ఉండాలని ఆయన సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.