రాష్ట్రీయం
ఐటి, పారిశ్రామిక విధానాలు భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 18: తెలంగాణ ప్రభుత్వం స్పష్టమైన విధానంతో ముందుకు వెళుతోందని ఐటి విధానం, పారిశ్రామిక విధానం బాగుందని కేంద్ర రక్షణ మంత్రి మనోహర్ పారికర్ అన్నారు. రాష్ట్ర ఐటి మంత్రి కె తారక రామారావుతో కలిసి మనోహర్ పారికర్ శనివారం టి-హబ్‌ను సందర్శించారు. తెలంగాణకు వస్తున్న పెట్టుబడులను చూస్తుంటే ప్రభుత్వ పాలసీలు విజయవంతం అయినట్టేనని అన్నారు. ఐటి మంత్రి కెటిఆర్‌వి సృజనాత్మకమైన ఆలోచనలని, దీనికి తగ్గట్టుగా టిహబ్‌ను రూపొందించారని అన్నారు. తెలంగాణ ప్రభుత్వం ప్రకటించిన ఐటి, పారిశ్రామిక విధానాలు ఆదర్శవంతమైనవని అన్నారు. టిహబ్‌లో సౌకర్యాలను ఆయన పరిశీలించారు. టిహబ్ స్టార్ట్ అప్ కంపెనీలతో ముచ్చటించారు. డిఫెన్స్ రంగంలో పని చేస్తున్న స్టార్ట్ అప్ కంపెనీలతో ముచ్చటించి, వారికి సలహాలు ఇచ్చారు. అనంతరం టిహబ్‌లోని స్టార్ట్ అప్ నిపుణులను ఉద్దేశించి మాట్లాడారు. తెలంగాణ ప్రభుత్వం చేపట్టిన టి-హబ్ కార్యక్రమం అద్భుతమైనదని అన్నారు. మంత్రి కెటిఆర్ ఆలోచనల మేరకు చేపట్టిన ఈ కార్యక్రమం ఆయన నాయకత్వ ప్రతిభకు అద్దం పట్టే విధంగా ఉందని అన్నారు. ప్రభుత్వం స్పష్టమైన విధానాలతో ముందుకు వెళ్లడం, ప్రభుత్వం ప్రకటించిన విధానాలు పెట్టుబడులను ఆకర్షించే విధంగా ఉన్నాయని అన్నారు. ఆకర్షణీయమైన మాటలు చెప్పడం సులభమే కానీ వాటిని ఆచరించడం కష్టమని, తెలంగాణ ప్రభుత్వం ఆచరించి చూపిస్తోందని అన్నారు. తెలంగాణకు వస్తున్న పెట్టుబడులను చూస్తే ప్రభుత్వ విధానాలు విజయవంతం అయినట్టు చెప్పవచ్చునని అన్నారు. టిహబ్‌లో ఉత్సాహం, సృజనాత్మకత కలిగిన యువకులు ఉన్నారని, ఇలాంటి ఆలోచనలకు ఊతం ఇవ్వడం మంచి పరిణామమని అన్నారు. ప్రతి ఒక్కరు కలలు కనేందుకు బాగానే నిద్ర పోతారని కానీ ఆ కలలను నిజం చేసేందుకు ఉదయం లేచి ఆచరణ ప్రారంభించే వారు తక్కవగా ఉంటారని అన్నారు. కలలను నిజం చేసే వ్యక్తులు మంత్రి కెటిఆర్ బృందంలో ఉన్నారని అన్నారు. టెక్నాలజీ వల్ల ప్రజల జీవితాల్లో వెలుగులు వస్తాయన్నది తన నమ్మకమని, అలాంటి టెక్నాలజీని ప్రోత్సహించాల్సిన అవసరం ఉందని అన్నారు.
ఇక రాజకీయ నాయకులు మారాలని, నూతన ప్రపంచ పోకడలను అర్థం చేసుకుంటూ ముందుకు పోయినప్పుడే ప్రజల నుంచి అభినందనలు వస్తాయని పారికర్ అన్నారు. రాబోయే రోజుల్లో సానిటేషన్ క్లీన్ టెక్, ఎనర్జీ రంగాల్లో మంచి భవిష్యత్తు ఉందని, ఆ దిశగా ప్రయత్నాలు చేయాలని సూచించారు.
కేంద్ర రక్షణ మంత్రి మనోహర్ పారికర్ ఆదర్శవంతమైన నేత అని, ఆయన నాయకత్వంలో రక్షణ శాఖలో సంస్కరణలు చోటు చేసుకున్నాయని కెటిఆర్ అన్నారు. గోవా ముఖ్యమంత్రిగా ఆయన గోవా ప్రజలకు చేసిన సేవ, అమలు చేసిన పలు కార్యక్రమాలు అదర్శనీయంగా ఉన్నాయని అన్నారు. సాంకేతిక అంశాలతో పాటు ఇతర అంశాలపై ఆలోచనలు పంచుకునేందుకు టి-హబ్‌కు మరోసారి రావాలని మనోహర్ పారికర్‌ను కెటిఆర్ కోరారు. కార్యక్రమంలో ఐటి శాఖ కార్యదర్శి జయేష్ రంజన్, టి-హబ్ సిఇవో జె కృష్ణన్, ఇతర అధికారులు పాల్గొన్నారు.
చిత్రం హైదరాబాద్‌లోని టి-హబ్‌లో కేంద్ర రక్షణ మంత్రి
మనోహర్ పారికర్, తెలంగాణ ఐటి మంత్రి కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.