రాష్ట్రీయం
ఏ మతాన్నీ ద్వేషించనిదే వైదిక ధర్మం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/శేరిలింగంపల్లి, జూన్ 19: పూర్వ కాలంలో విశ్వమంతటా వేదం, వేద సంస్కృతి, వేద ఘోష తాండవించేవని ఆంధ్రభూమి సంపాదకులు ఎంవిఆర్ శాస్ర్తీ పేర్కొన్నారు. శ్రీ వేదభారతి రజతోత్సవ వేడుకలను పురస్కరించుకుని రామచంద్రాపురంలోని బిహెచ్‌ఇఎల్ టౌన్‌షిప్‌లోని శ్రీ వేంకటేశ్వర స్వామి దేవాలయం హాల్‌లో వేడుకలు నిర్వహించారు. ఈ సందర్భంగా ఆదివారం సాయంత్రం ఏర్పాటు చేసిన ‘వేదం, వేదిక్ లిటరేచర్’ అనే అంశంపై పలువురు ప్రసంగించారు. ఈ సందర్భంగా శాస్ర్తీ మాట్లాడుతూ ఏ మతాన్ని ద్వేషించనిది వైదిక ధర్మం మాత్రమేనన్నారు. వేద విజ్ఞానంపై అమెరికాలో పరిశోధనలు జరుగుతున్నాయంటే దాని గొప్పదనం ఏమిటో అర్థం చేసుకోవచ్చని అన్నారు. వేల సంవత్సరాల కిందటే దక్షిణ అమెరికా, సెంట్రల్ అమెరికాల్లో గొప్ప హైందవ దేవాలయాలు, వేద సంస్కృతి విలసిల్లిన దాఖలాలు ఉన్నాయని మెక్సికో అధికారిక చరిత్ర చెబుతున్నదని పేర్కొన్నారు. అమెరికాను కొలంబస్ కనుగొన్నాడన్నది అబద్ధమని, కొలంబస్ పుట్టుకకు వెయ్యి సంవత్సరాల కిందటే కంబోడియా, వియత్నాంలనుంచి మన వేద నాగరికత, అమెరికా ఖండమంతటికీ విస్తరించిందనడానికి పురావస్తు తవ్వకాల సాక్ష్యాలు ఉన్నాయని ఆయన చెప్పారు. వేదాలను ప్రపంచమంతా గుర్తించినా దేశంలో మాత్రం మేధావి వర్గాల్లో వాటిపట్ల గౌరవం కొరవడిందని ఆవేదన వ్యక్తం చేశారు. దేశంలోని కుహనా మేధావుల్లో వేద సంస్కృతిని, దానికి పట్టుగొమ్మ అయిన సనాతన ధర్మాన్ని ద్వేషించే వారే అధికంగా ఉన్నారని, వేద ధర్మాన్ని విశ్వసించేవారిని ఛాందసవాదులుగా ముద్ర వేస్తున్నారని అన్నారు. వైదికాన్ని పునరుద్ధరించాలని ప్రపంచమంతా ఆకాంక్షిస్తోందని, అందులో అందరూ భాగస్వాములు కావాలని పిలుపునిచ్చారు. ఈస్టిండియా కంపెనీ భారత దేశాన్ని పాలించినప్పుడు మన కరెన్సీపై లక్ష్మీదేవి, సీతారాముల చిత్రాలను ముద్రించారని తెలిపారు. ప్రపంచంలోనే ఎక్కువగా ముస్లింలు ఉన్న ఇండోనేషియా కరెన్సీపై లక్ష్మిదేవి, గణేశుని ఫొటోలను ముద్రించడం గమనార్హమన్నారు. ఫిలిప్పీన్స్ పార్లమెంట్‌లో దశాబ్దం కిందటే మనువు విగ్రహం ఏర్పాటు చేయడం గొప్ప విషయమన్నారు. ‘ప్రపంచ మానవాళికి ప్రప్రథమ, సర్వశ్రేష్టమైన శాసనకర్త మనువు’ అని ఆ విగ్రహం కింద రాసి ఉండటం విశేషమని అన్నారు.
భగవద్గీత ఫౌండేషన్ వ్యవస్థాపకుడు ఎల్‌వి గంగాధర శాస్ర్తీ మాట్లాడుతూ భగవద్గీతను వారసత్వ సంపదగా అందించాల్సిన అవసరం ఉందని అన్నారు. భగవద్గీత ధర్మోపదేశం, కార్యోపదేశం బోధించాలని చెప్పారు. పాశ్చాత్య సంస్కృతి మోజులోపడి భారతీయ సంస్కృతి, సంప్రదాయాలను మరచిపోవద్దని సూచించారు. ‘వేద భారతి’ వ్యవస్థాపకుడు డాక్టర్ ఆర్‌విఎస్‌ఎస్ అవధానులు మాట్లాడుతూ జ్యోతిష్య శాస్త్రంలో, ముఖ్యంగా పంచాంగాల గణితంలో ఏర్పడిన గందరగోళాన్ని రూపుమాపడానికి తమవంతు కృషి చేస్తున్నామని చెప్పారు. కార్యక్రమంలో వెంకటేశ్వర దేవాలయ కమిటీ అధ్యక్షుడు రమణ, కార్యదర్శి కృష్ణ, బిహెచ్‌ఇఎల్ రిటైర్డ్ ఎగ్జిక్యూటివ్ డైరెక్టర్ కెఎల్ వాసుదేవరావు పాల్గొన్నారు.
చిత్రం... ‘వేదం, వేదిక్ లిటరేచర్’ అంశంపై
మాట్లాడుతున్న ఆంధ్రభూమి సంపాదకులు ఎంవిఆర్ శాస్ర్తీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.