రాష్ట్రీయం
పులిచింతలపై పీటముడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 24: కృష్ణా జలాల పంపిణీపై తెలంగాణ, ఆంధ్రప్రదేశ్‌ల మధ్య వివాదం సమసిపోక ముందే కొత్త సమస్య వచ్చిపడింది. సహాయ పునరావాస చర్యలు పూర్తయ్యేంత వరకూ పులిచింతల ప్రాజెక్టు నింపవద్దని తెలంగాణ ప్రభుత్వం ఆంధ్రప్రదేశ్ ప్రభుత్వానికి శుక్రవారం లేఖ రాసింది. ఆంధ్రలో నిర్మించే పులిచింతల ప్రాజెక్టు వల్ల తెలంగాణలో పలు గ్రామాలు ముంపునకు గురవుతున్నాయి. ఈ ముంపు గ్రామాలకు ఇంకా సహాయ పునరావాస చర్యలు పూర్తి చేయలేదు. సహాయ పునరావాస పనులు నత్తనడక నడుస్తున్నాయి. ముంపు బాధితు ల్లో మెజారిటీ ప్రజలు నల్లగొండ జిల్లావాసులు. 45 టిఎంసి నీటి సామర్థ్యంతో పులిచింతల ప్రాజెక్టు నిర్మిస్తున్నారు. దీనివల్ల 13 గ్రామాలు ముంపునకు గురవుతున్నాయి. నల్లగొండ జిల్లాలోని అడ్లూరు, వెల్లటూరు, కిష్టాపురం, చింతరియాల, నెమలిపురి, రెబల్లె, శోభనాద్రపురం, సుల్తాన్‌పూర్ తండా, మట్టపల్లి, గుండ్లపల్లి, గుండెబోయిన గూడెం, తమ్మవరం, పీక్లానాయక్ తండా గ్రామాలు ముంపునకు గురయ్యాయి. ఈ పరిస్థితుల్లో సహాయ పునరావాస పనుల్లో వేగం పెంచాలని తెలంగాణ ప్రభుత్వం గతంలోనే ఆంధ్ర ప్రభుత్వానికి లేఖ రాసింది. సహాయ పునరావాస కార్యక్రమాలకు 115 కోట్లు విడుదల చేయాలంటూ గత ఏడాది ఫిబ్రవరిలో తెలంగాణ ప్రభుత్వం ఆంధ్రకు లేఖ రాసింది. ఈ లేఖకు ఆంధ్రప్రదేశ్ నుంచి ఎలాంటి స్పందన లేదని తెలంగాణ అధికారులు అంటున్నారు. డాక్టర్ కెఎల్ రావు సాగర్ ప్రాజెక్టు పులిచింతల సహాయ పునరావాస పనులు పూర్తికానంత వరకు ప్రాజెక్టును పూర్తి సామర్థ్యంతో నీటిని నింపవద్దని తెలంగాణ ప్రభుత్వం ఆంధ్ర ప్రభుత్వానికి లేఖ రాసింది. అదేవిధంగా ప్రాజెక్టు పరిధిలోని ఎత్తి పోతల పథకాలను సురక్షిత ప్రదేశాలకు తరలించేంత వరకూ పులిచింతలను ఈ ఏడాది పూర్తి సామర్థ్యంతో నీటిని నింపడానికి అనుమతించడం సాధ్యం కాదని తెలంగాణ ప్రభుత్వం శుక్రవారం ఆంధ్రప్రదేశ్ ప్రభుత్వానికి లేఖ రాసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.