రాష్ట్రీయం
అధికారుల కిడ్నాప్‌కు మావోల పన్నాగం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 3: నక్సల్స్ ప్రభావిత ప్రాంతాల్లో అధికారులను కిడ్నాప్ చేసేందుకు సిపిఐ మావోయిస్టు పార్టీ పన్నాగం పన్నినట్లు ఏపి పోలీసులు ఆధారాలను సేకరించారు. ఇటీవల ఉత్తరాంధ్ర ఎన్‌కౌంటర్‌లో మరణించిన మావోయిస్టు నేత ఆజాద్ అలియాస్ గోపాల్ వద్ద బ్యాగులో ఉన్న ల్యాప్‌టాప్‌ను ఏపి పోలీసులు స్వాధీనం చేసుకున్నారు. ఈ ల్యాప్‌టాప్‌ను ఏపి సైబర్ పోలీసులు విశే్లషించినప్పుడు మావోయిస్టుల కుట్ర కోణం బహిర్గతమైంది. ఈ వివరాలను ముఖ్యమంత్రికి పోలీసు శాఖ నివేదికగా ఇచ్చింది. ఆజాద్ ఈ ఏడాది మే 4న కొయ్యూరు వద్ద జరిగిన ఎన్‌కౌంటర్‌లో మృతి చెందాడు. విశాఖపట్నం, శ్రీకాకుళం, తూర్పుగోదావరి జిల్లా ఏజన్సీ ప్రాంతాల్లోని అధికారులను కిడ్నాప్ చేసేందుకు ఎత్తుగడతో మావోయిస్టు పార్టీ ఉందని, దీనికి సంబంధించిన ప్రణాళిక వారి వద్ద ఉన్నట్లు ల్యాప్‌టాప్‌లోని వివరాల ద్వారా వెల్లడైంది. దీంతో అప్రమత్తమైన పోలీసు అధికారులు ఉత్తరాంధ్ర, గోదావరి జిల్లాల్లో మావోయిస్టు ప్రభావిత ప్రాంతాలైన ఏజన్సీలో అధికారులు అప్రమత్తంగా ఉండాలని, జిల్లా పోలీసు యంత్రాంగానికి తమ కదలికలపై ముందస్తు సమాచారం ఇవ్వాలని కూడా పోలీసు శాఖ ఆదేశాలు జారీ చేసింది.
ఉత్తరాంధ్ర, తూర్పుగోదావరి జిల్లాలు ఒరిస్సా, చత్తీస్‌గడ్‌తో సరిహద్దును కలిగి ఉన్నాయి. దీంతో ఒరిస్సా, చత్తీస్‌గడ్, ఆంధ్ర మావోయిస్టు దళాలు తరచుగా కలుసుకుని సమావేశాలు నిర్వహించేందుకు అనుకూలమైన ప్రదేశాలు ఉన్నాయని పోలీసు వర్గాలు తెలిపాయి. ఈ ఏడాది ఇంతవరకు మావోయిస్టు పార్టీ ఈ ప్రాంతంలో నలుగురిని హత్య చేసింది. అలాగే పోలీసులు కూడా డిసిఎం క్యాడర్‌లో శబరిదళంకు చెందిన ఒక మావోయిస్టును అరెస్టు చేశాయి. ఎన్‌కౌంటర్‌లో ముగ్గురు మావోయిస్టులు హతమయ్యారు. ల్యాప్‌టాప్‌లో మరో ఆసక్తికరమైన అంశం వెల్లడైంది. మావోయిస్టుల వద్ద ఇంప్రూవైజ్డ్ ఎక్స్‌ప్లోజివ్ పరికరాలు, పదార్థాల కొరత తీవ్రంగా ఉంది. ఆధునిక టెక్నాలజీ వల్ల మావోయిస్టులు, వారి సానుభూతిపరుల కదలికలు సులువుగా తెలియడం వల్ల అడవుల్లోకి పేలుడు పదార్థాలను తరలించడం క్లిష్టంగా మారిందని పోలీసులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.