రాష్ట్రీయం
జై తెలంగాణ-జై ఆంధ్ర
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 11: జై తెలంగాణ, జై ఆంధ్ర ఇదే మా నినాదం అని టిఆర్‌ఎస్ ఎంపి కవిత తెలిపారు. అంతేకానీ జై సమైక్యాంధ్ర నినాదం మాత్రం కాదని ఆమె స్పష్టం చేశారు. అమెరికాలో జరిగిన అమెరికా తెలంగాణ సంఘం (ఆటా) ప్రపంచ ప్రథమ మహాసభల వేడుకల్లో కవిత ముఖ్య అతిథిగా పాల్గొన్నారు. ఈ సందర్భంగా ఆమె మాట్లాడుతూ జై ఆంధ్ర, జై తెలంగాణ అంటే కొందరు తప్పు పడుతున్నారని, ఇందులో తప్పేముందని ప్రశ్నించారు. ఇదేమీ తాము కొత్తగా అనడం లేదని తెలంగాణ ఉద్యమ కాలంలోనే తెలంగాణ, ఆంధ్ర రెండూ అభివృద్ధి చెందుతాయని, రెండు రాష్ట్రాలు అయితే రెండు ప్రాంతాల వారికీ ప్రయోజనం అన్నామన్నారు. జై ఆంధ్ర జై తెలంగాణ మన నినాదం, సమైక్యాంధ్ర మాత్రం కాదు అని తానంటూంటే, కొందరు కవిత జై ఆంధ్ర అన్నారంటూ వివాదం సృష్టించే ప్రయత్నం చేస్తున్నారని అన్నారు. తెలంగాణ, ఆంధ్ర రెండు రాష్ట్రాలు అభివృద్ధి చెందాలని కోరుకుంటామని, అయితే తెలంగాణలో ఆంధ్ర పార్టీల పెత్తనాన్ని అంగీకరించేది లేదని అన్నారు. తెలంగాణలో జరుగుతున్న అభివృద్ధిని చూసి కొందరు ఓర్వలేకపోతున్నారని విమర్శించారు. ఇలా ఉండగా, అమెరికాలో యాదగిరి లక్ష్మీనరసింహుడిని ప్రతిష్ఠించడం శుభసూచకమని కవిత అన్నారు. ఆ దేవుడి ఆశీస్సులతో తెలంగాణ రాష్ట్ర ప్రభుత్వం అనేక అభివృద్ధి కార్యక్రమాలు చేస్తోందని, మరోవైపు ఉపాధి అవకాశాలు పెంచుతున్నట్టు చెప్పారు. పెట్టుబడులను ఆకర్షించే విధంగా విధానాలకు రూపకల్పన చేస్తున్నట్టు తెలిపారు.
ఇటీవల తాను పార్లమెంటరీ కమిటీ తరపున అమెరికాలో పర్యటించినప్పుడు టిఎస్ ఐ పాస్ గురించి వివరించానని, రైట్ టూ పర్మిషన్ అనేది బిజినెస్‌మెన్‌కు ఇస్తుండడం పట్ల అమెరికా పారిశ్రామిక వేత్తలు హర్షం వ్యక్తం చేసినట్టు చెప్పారు. అమెరికాలో కూడా అలాంటి విధానాన్ని రూపొందించలేదని అమెరికన్లు మెచ్చుకున్నారని కవిత వివరించారు. తెలంగాణ పోరాటంలో ఏనాడూ హింసకు తావు ఇవ్వలేదని, గాంధీజీ సత్యాగ్రహ విధానానే్న తామూ నమ్మామని చెప్పారు. ఆ స్ఫూర్తితోనే తెలంగాణ ఉద్యమాన్ని కొనసాగించినట్టు చెప్పారు. ప్రపంచ వ్యాప్తంగా తెలంగాణ అభివృద్ధిని తెలియజేయాల్సి ఉందని అన్నారు. దీనికి ఆటా వేదిక కావాలని ఆకాంక్షించారు. తెలంగాణ పేరుతో ఎన్ని సంఘాలు ఉన్నా మంచిదే అని ప్రొఫెసర్ జయశంకర్ చెప్పిన మాటను ప్రస్తావించారు. అవకాశం ఉంటే అంతా కలిసి పని చేయాలని కోరారు. అమెరికాలోని అన్ని తెలంగాణ సంఘాలను కలుపుకొని ఆటా పని చేయాలని సూచించారు. అదే విధంగా ఆల్ ఇండియా సంఘాలతో కలిసి కార్యక్రమాలు రూపొందించుకోవాలని చెప్పారు. తెలంగాణ తరపున కావలసిన సహాయ సహకారాలు అందిస్తామని చెప్పారు.
చిత్రం.. అమెరికాలో జరిగిన ఆటా ప్రపంచ ప్రథమ మహాసభల వేడుకల్లో ప్రసంగిస్తున్న ఎంపి కవిత
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.