రాష్ట్రీయం
వివాదాలకు దూరం!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 25: ఆంధ్రప్రదేశ్, తెలంగాణ మధ్య తలెత్తిన కృష్ణా జలాల వివాదంలో జోక్యం చేసుకోబోనని ఉమ్మడి రాష్ట్రాల గవర్నర్ ఈఎస్‌ఎల్ నరసింహన్ స్పష్టం చేశారు. ఢిల్లీ పర్యటనలో భాగంగా సోమవారం పార్లమెంట్‌లో ప్రధాని నరేంద్ర మోదీ, హోంమంత్రి రాజ్‌నాథ్‌సింగ్, న్యాయ మంత్రి రవిశంకర్ ప్రసాద్‌తో గవర్నర్ నరసింహన్ సమావేశమయ్యారు. అనంతరం మీడియాతో మాట్లాడుతూ ప్రధానికి తెలుగు రాష్ట్రాల్లోని తాజా పరిస్థితులను వివరించానని, మోదీతో భేటీ సాధారణమేనన్నారు. అయితే హైకోర్టు విభజన అంశంపై చర్చించలేదని ఒక ప్రశ్నకు సమాధానంగా చెప్పారు. ఇక మల్లన్నసాగర్ ప్రాజెక్టు నిర్వాసితులపై పోలీసులు జరిపిన లాఠీచార్జి విషయం తెలియదని, పత్రికలలో మాత్రమే చూశానన్నారు. న్యాయశాఖ మంత్రి కొత్తగా బాధ్యతలు తీసుకొన్న సందర్భంగా మర్యాద పూర్వకంగా మాత్రమే కలిశానన్నారు. న్యాయ మంత్రితో హైకోర్టు అంశం చర్చించలేదన్నారు. తెలుగు రాష్ట్రాల్లో శాంతిభద్రతలు అదుపులోనే ఉన్నాయన్నారు. రెండు రాష్ట్రాల్లో వర్షాలు సమృద్ధిగా కురుస్తున్నాయని, పంటలు బాగా పండుతాయని, మంచినీటి సమస్యలు ఉత్పన్నమయ్యే పరిస్థితి లేదన్న ఆశాభావం వ్యక్తం చేశారు. కృష్ణా పుష్కర పనులు సకాలంలో పూర్తవుతాయన్నారు. ఇక రెండు రాష్ట్రాల మధ్య ఉత్పన్నమైన జల వివాదంతోపాటు, ఏ వివాదంలోనూ జోక్యం చేసుకోబోనని ఒక ప్రశ్నకు బదులు చెప్పారు. సాయంత్రం రాష్టప్రతి భవన్‌లో జరిగిన కార్యక్రమానికి గవర్నర్ నరసింహన్ హాజరయ్యారు.
చిత్రం.. ఢిల్లీలో సోమవారం ప్రధాని నరేంద్ర మోదీని కలిసిన ఉమ్మడి గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.