రాష్ట్రీయం
ఇన్‌ఫార్మర్ నెపంతో పాస్టర్ హత్య
S ,7 à 8 RSCA (si SASPAS) et 6 cialis pharmacie cialis rapports de stage.
చింతూరు, జూలై 30: తూర్పు గోదావరి జిల్లా చింతూరు మండలం లచ్చిగూడెం గ్రామంలో పోలీసు ఇన్‌ఫార్మర్ అనే నెపంతో చర్చి పాస్టర్ ఊయికా మారయ్య (36)ను మావోయిస్టులు శుక్రవారం అర్ధరాత్రి దారుణంగా హతమార్చారు. లచ్చిగూడెం గ్రామంలోని చర్చిలో మారయ్య ఫాస్టర్‌గా పనిచేస్తున్నారు. శుక్రవారం రాత్రి 11.30 గంటల సమయంలో మారయ్య ఇంటికి సాయుధ మావోయిస్టులు, మిలీషియా సభ్యులు వచ్చారు. ఇంట్లో నిద్రిస్తున్న మారయ్యను బయటకు రమ్మని పిలిచారు. బయటకు వచ్చిన మారయ్య చేతులను వెనక్కి కట్టేసిన మావోయిస్టులు తమతోపాటు లచ్చిగూడెం రహదారి వద్దకు తీసుకువెళ్లారు. మారయ్య భార్య మంగమ్మ, కుటుంబ సభ్యులు ఏమీ చేయవద్దని ప్రాధేయపడినా మావోయిస్టులు పట్టించుకోలేదు. మారయ్యను కర్రలతో కొట్టి, మెడను కత్తితో కోసి హతమార్చారు.
మృతదేహం వద్ద సిపిఐ మావోయిస్టు ఖమ్మం జిల్లా కార్యదర్శి ఆజాద్ పేరున ఒక లేఖ విడిచి వెళ్లారు. ప్రజల జీవన విధానాన్ని దెబ్బతీయాలనుకునేవారిని, అవినీతి, అక్రమాలకు పాల్పడేవారికి చేయూతనిస్తున్న వారిని వదిలిపెట్టేది లేదని, వారికి శిక్ష తప్పదని లేఖలో హెచ్చరించారు. ప్రజల కష్టాలు, కన్నీళ్లకు కారకులు ఎవరైనా తాము తీసుకునే చర్యకు పూర్తిగా ప్రజలు మద్దతీయాలని మావోయిస్టులు కోరారు. పేగ పంచాయతీలోని అల్లిగూడెం, వినాయకపురం గ్రామాలకు చెందిన పలువురు పోలీసు ఇన్‌ఫార్మర్లుగా వ్యవహరిస్తున్నారని ఆ లేఖలో ఆరోపించారు.
వారి పేర్లను సైతం లేఖలో పేర్కొన్నారు. పద్ధతి మార్చుకోకుంటే మారయ్యకు పట్టిన గతే వారికీ పడుతుందని హెచ్చరించారు. హత్య విషయం తెలుసుకున్న పోలీసు అధికారులు శనివారం గ్రామస్థుల సహాయంతో మృతదేహాన్ని చింతూరు తీసుకువచ్చారు. తూర్పు గోదావరి జిల్లా ఎస్పీ రవిప్రకాష్ మృతదేహాన్ని పరిశీలించారు.
మావోయిస్టుల చర్యను ఆయన తీవ్రంగా ఖండించారు. వారి దిగజారుడుతనానికి ఇది నిదర్శనమన్నారు. మారయ్య పోలీసు ఇన్‌ఫార్మర్ కాదన్నారు. ఆధునిక సాంకేతిక పరిజ్ఞానాన్ని ఉపయోగించి మావోయిస్టుల సమాచారాన్ని తెలుసుకుంటున్నామని, తమకు ఇన్‌ఫార్మర్లు అవసరం లేదన్నారు. మావోయిస్టుల్లోనే తమకు సమాచారం ఇచ్చేవారు ఉన్నారని ఎస్పీ తెలిపారు.
చిత్రాలు.. లచ్చిగూడెం గ్రామంలో మావోయిస్టుల చేతిలో హతమైన మారయ్య.
మావోలు వదిలివెళ్లిన లేఖ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.