రాష్ట్రీయం
ఎమ్సెట్-3పై తర్జన భర్జన
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 1: మెడికల్ ఎమ్సెట్-2 పరీక్ష మరోమారు తిరిగి నిర్వహించే విషయంలో తెలంగాణ రాష్ట్ర ప్రభుత్వం మల్లగుల్లాలు పడుతోంది. శనివారం నుంచి మూడు రోజులుగా సీనియర్ ఐఏఎస్ అధికారులు, వివిధ విభాగాల అధిపతులతో తర్జనబర్జన కొనసాగుతోంది. మెడికల్ ఎమ్సెట్ నిర్వహిస్తామని ప్రకటించింది మొదలు ప్రభుత్వానికి కష్టాలు మొదలయ్యాయి. ఆంధ్రప్రదేశ్ మెడికల్ ప్రవేశ పరీక్షను వేరుగా నిర్వహించకుండానే బయటపడగా, తెలంగాణ మాత్రం ప్రవేశపరీక్ష నిర్వహిస్తామని చెప్పి ఇరకాటంలో పడింది. అదేదో కాస్తా ముగిసిందనుకునేలోగా లీక్ రుజువుకావడంతో అనివార్యంగా ప్రభుత్వం మెడికల్ ఎమ్సెట్‌ను రద్దు చేసింది. మెడికల్ ఎంట్రన్స్ స్కామ్‌లో రోజుకో విషయం బయటపడటం కూడా ప్రభుత్వానికి మింగుడుపడటం లేదు. మంత్రి కెటిఆర్ ఆదేశాల మేరకే బ్లాక్ లిస్టు అయిన ప్రింటర్‌ను టెండర్ జాబితాలో చేర్చారనే ఆరోపణలు రాగా, ఎమ్మెల్సీ, విద్యా వేత్త రాజేశ్వరరెడ్డి బంధువుతో ఒక బ్రోకర్ సంభాషించారనే
ఆరోపణలు మిన్నంటాయి. మరోపక్క తల్లిదండ్రులతో జెఎన్‌టియు ఎమ్సెట్ కమిటీతో సంబంధం ఉన్న ప్రొఫెసర్ ఒకరు, కమిటీ కార్యాలయ సిబ్బంది టెలిఫోన్ సంభాషణల అంశం కూడా వివాదాస్పదమవుతోంది. ఎమ్సెట్-3ని ఈనెల 28న నిర్వహించేందుకు వీలుగా జెఎన్‌టియు ముసాయిదా షెడ్యూలు రూపొందించినా దానిని ఆమోదించేందుకు ప్రభుత్వం ముందూ వెనుకా ఆలోచిస్తోందని సమాచారం. అనేక ఆరోపణల మధ్య కొంతమంది విద్యార్ధులు, తల్లిదండ్రులు ఎమ్సెట్ రద్దును వ్యతిరేకిస్తూ న్యాయస్థానాన్ని ఆశ్రయించారు. దీనిపై మంగళవారం లేదా బుధవారం విచారణ జరిగే అవకాశం ఉందని చెబుతున్నారు. ఆ ప్రక్రియ పూర్తికాకుండానే ముందుగా షెడ్యూలును విడుదల చేస్తే మరో మారు గందరగోళం ఏర్పడుతుందనే అభిప్రాయం వ్యక్తం కావడంతో అధికారులు, ఎమ్సెట్ కమిటీ ఆచితూచి అడుగులు వేస్తోంది. తొందరపడితే పరిస్థితి ఎలా ఉంటుందోననే ఆందోళనను సీనియర్ అధికారి ఒకరు వ్యక్తం చేశారు. ఇంత వరకూ జరిగిన దర్యాప్తులో 69 మందికి పేపర్ అందినట్టు స్పష్టమైన ఆధారాలు లభించినా, కేవలం 8మంది బ్రోకర్లు, వారి సహచరులను అరెస్టు చేశారు. అనుమానిత విద్యార్ధులు, వారి తల్లిదండ్రులపై నిఘా పెట్టారు. పరీక్ష వ్యవహారం పూర్తయిన తర్వాతే విద్యార్థుల అరెస్టును చూపించే అవకాశం ఉన్నట్టు తెలిసింది. ముఖ్యమంత్రి కెసిఆర్ నుండి అనుమతి రాగానే తదుపరి చర్యలు చేపడతామని ఆ అధికారి చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.