రాష్ట్రీయం
కిటకిటలాడుతున్న ఘాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 17: కృష్ణాపుష్కరాల సందర్భంగా ప్రజల్లో ఉత్సాహం తాండవిస్తోంది. రెండు తెలుగు రాష్ట్రాల్లోని స్నాన ఘట్టాల దగ్గర జనం రద్దీ రోజు రోజుకూ పెరుగుతోంది. కృష్ణా, గుంటూరు జిల్లాలతో పాటు, మహబూబ్‌నగర్, నల్లగొండ జిల్లాల్లోని దాదాపు అన్ని స్నానపు ఘాట్ల వద్ద కూడా జనం రద్దీ అధికంగానే కొనసాగుతోంది. మొదటి రోజున ఏవిధంగా జనం కదిలి వచ్చారో..నేటికీ అంతే ఉత్సాహంగా కదిలి వస్తున్నారు. మహబూబ్‌నగర్ జిల్లాలోని తంగిడి మొదలుకుని నల్లగొండ జిల్లాలోని మట్టపల్లి వరకు కూడా అన్ని ఘాట్లలో జనప్రవాహం ఉద్ధృతంగా కొనసాగుతోంది. అధికారికంగా అందిన సమాచారం ప్రకారం బుధవారం సాయంత్రం వరకు పుష్కర స్నానం చేసిన భక్తుల సంఖ్య దాదాపు 69 లక్షలకు చేరింది.
సరాసరిన రోజూ పదిలక్షల నుండి 12 లక్షల మంది స్నానం చేస్తున్నారు. భక్తుల రద్దీని దృష్టిలో ఉంచుకుని పూజల కోసం ఏర్పాట్లు చేశారు. ప్రభుత్వం ఏర్పాటు చేసిన ఏర్పాట్లు సత్ఫలితాలు ఇస్తున్నాయి. భక్తులు ఇక్కట్లకు గురికాకుండా అవసరమైన పూజాసామాగ్రిని అందించే ఏర్పాట్లు చేశారు.
బ్రాహ్మణులను కూడా అవసరమైన మేరకు నియమించారు. భక్తులు తమ పితృదేవతలకు పిండప్రదానం చేసేందుకు బ్రాహ్మణులు పూర్తిగా సహకారం అందిస్తున్నారు. తెలంగాణ అర్చక సమాఖ్య, తెలంగాణ బ్రాహ్మణ సంఘం తదితర బ్రాహ్మణ సంఘాలు పుష్కరాల్లో భక్తులకు సేవలు అందిస్తున్నాయి. ఒక్కో పుష్కర ఘాట్‌కు ఒక సీనియర్ అధికారిని ‘ప్రత్యేక అధికారి’గా నియమించడంతో వారు అదే ప్రాంతంలో క్యాంపు వేసి ఉంటున్నారు. . ప్రత్యేక అధికారి నేతృత్వంలో రెవెన్యూ, పోలీసు తదితర అన్ని శాఖల సిబ్బంది పనిచేస్తున్నారు. భారీ సంఖ్యలో సిబ్బందిని నియమించడంతో వౌలిక వసతులు సజావుగా సాగుతున్నాయి. ప్రధానంగా తాగునీరు, ఆహార వసతి, పారిశుద్ద్యం తదితర అంశాల్లో ప్రభుత్వం నియమించిన సిబ్బంది భక్తులకు నిరంతరం సేవలు అందిస్తున్నారు.
చిత్రం.. బుధవారం భక్తులతో సందడిగా నెలకొన్న మహబూబ్‌నగర్ జిల్లా మానవపాడు క్యాతూర్ ఘాట్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.