రాష్ట్రీయం
వెల్‌కమ్ సింధు!
S ,7 à 8 RSCA (si SASPAS) et 6 cialis pharmacie cialis rapports de stage.
రియోలో భారత వెండి వేల్పుగా నీరాజనాలందుకున్న సింధూ సోమవారం హైదరాబాద్‌లో అడుగు పెడుతోంది. తెలుగుల కీర్తిని విశ్వవిఖ్యాతం చేసిన క్రీడాకారిణికి సగర్వంగా, సాదరంగా ఆహ్వానించేందుకు యావత్ ప్రజ ఉత్కంఠతో ఎదురుచూస్తోంది. శంషాబాద్ రాజీవ్‌గాంధీ అంతర్జాతీయ విమానాశ్రయం నుంచి ఆమెను స్వాగతించటానికి అభిమానులంతా సమాయత్తమవుతున్నారు. అధికార యంత్రాంగమైతే ఆకాశమంత సంబరానికి సిద్ధపడిపోయింది. విశ్వక్రీడావేదికపై దేశానికి రజతాన్ని సాధించి పెట్టిన తొలి మహిళ కావటం..అదీ తెలుగమ్మాయి కావటంతోప్రభుత్వానికి, ప్రజల ఆనందానికి అవధులు లేకుండా పోయింది. ఇవాళ దేశమంతటా సింధు పేరు మార్మోగిపోతోంది. తెలుగమ్మారుూ..తెలుగమ్మారుూ అంటూ ప్రతి లోగిలీ పలవరిస్తోంది. ఒక్కమాటలో చెప్పాలంటే అందరి దృష్టీ క్రికెట్ బ్యాట్‌పై నుంచి షటిల్ రాకెట్ వైపు మళ్లుతోంది. ఇందరిని మెస్మరైజ్ చేసిన సింధూకు హైదరాబాద్ నగరం పూలబాట పరుస్తోంది. శంషాబాద్ విమానాశ్రయం నుంచి రాజేంద్రనగర్, అత్తాపూర్, మొహిదీపట్నం, టోలీచౌక్‌ల మీదుగా గచ్చిబౌలీ స్టేడియం వరకూ అపూర్వమైన భారీ ఊరేగింపునకు కనీవినీ ఎరుగని రీతిలో ఏర్పాట్లు జరిగిపోయాయి. విమానాశ్రయం నుంచి సింధు ర్యాలీ సాగినంతమేర ఆకాశం నుంచి పుష్పవర్షం కురవనుంది. విమానాశ్రయంలో మంత్రి కె.తారకరామారావు ఆమెను ఆహ్వానించనున్నారు. మంత్రితో పాటుగా ఆమెకు ఘనస్వాగతం తెలిపేందుకు సన్నిహితులు, కుటుంబసభ్యులు విమానాశ్రయానికి వస్తారు. ఆమెతో పాటు ర్యాలీలో పాల్గొంటారు. ర్యాలీ వెళ్లే ప్రధాన కూడళ్లలో విద్యార్థులు, అభిమానులు సింధుకు జేజేలు పలకడానికి సిద్ధమవుతున్నారు. గచ్చిబౌలి స్టేడియంకు చేరుకున్న తరువాత సింధుకు తెలంగాణ ముఖ్యమంత్రి కెసిఆర్ ఘనంగా పౌర సన్మానం చేస్తారు. తమ ప్రభుత్వం ప్రకటించిన నగదు పురస్కారాన్ని అందిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.