రాష్ట్రీయం
బాబుకు డప్పులు..బిజెపిపై నిప్పులు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 27: జనసేన అధ్యక్షుడు పవన్ కల్యాణ్ రెండున్నరేళ్ల తర్వాత రాజకీయ వేదిక ఎక్కిన తొలి సభ బిజెపి-కాంగ్రెస్‌పై నిప్పులు కురిపించేలా, తెదేపాకు డప్పుకొట్టేలా మారింది. హోదా, విభజనకు అనుకూలంగా లేఖలు ఇచ్చిన బాబు వైనాన్ని గుర్తు చేయకుండా, విభజన చేసిన కాంగ్రెస్,బిజెపిని లక్ష్యంగా చేసుకోవడంపై రాజకీయ వర్గాల్లో ఇలాంటి అనుమానాలే తెరపైకి వచ్చాయి.
సభలో ప్రసంగించిన పవన్ ప్రత్యేక హోదా, విభజన అంశాలను ప్రస్తావించారు. ఆ సందర్భంగా బిజెపి,కాంగ్రెస్‌ను లక్ష్యంగా చేసుకుని భారీ విమర్శలు గుప్పించారు. పనిలోపనిగా ఏపి ఎంపీలకు హిందీ రాదని అంటూ, వాళ్లు హిందీ నేర్చుకోవాలని సలహా ఇచ్చారు. హోదాను మూడు రాష్ట్రాలు అడ్డుకుంటున్నాయన్న జైట్లీపైనా విమర్శల వర్షం కురిపించారు. జైట్లీ, వెంకయ్య మాటలు తనకు అసహనం, చికాకు కలిగించాయన్నారు. విభజనకు కాంగ్రెస్ ఎంత కారణమో బిజెపి కూడా అంతే కారణమని, అందుకే ఒక ఓటు రెండు రాష్ట్రాల తీర్మానం చేసిన కాకినాడలో తాను సభ పెడతానని వెల్లడించారు. బిజెపి, కాంగ్రెస్‌ను విభజన అంశంలో తూర్పారపట్టిన పవన్, విభజన చేయమని కోరుతూ రెండుసార్లు లేఖ ఇచ్చిన బాబును, తెదేపాను పల్లెత్తుమాట అనకపోవడం ఆశ్చర్యంతోపాటు అనేక అనుమాలకు కారణమయింది. హోదా కావాలని పార్లమెంటులో డిమాండ్ చేసిన వెంకయ్యనాయుడు, ఇప్పుడు హోదా వస్తే ఏమి వస్తుందనడాన్ని కూడా పవన్ తప్పుపట్టారు. అయితే, అదే మాటన్న చంద్రబాబు గురించి పల్లెత్తు మాట అనక పోవడాన్ని రాజకీయ వర్గాలు తప్పుపడుతున్నాయి. హోదా సంజీవని కాదని బాబు పలుమార్లు చెప్పిన విషయాన్ని పవన్ మర్చిపోయారా? లేక కావాలనే విస్మరించారా? అన్న సందేహాలు వ్యక్తమవుతున్నాయి. పైగా రాష్ట్భ్రావృద్ధి కోసం బాబు కష్టపడుతున్నారంటూ చేసిన వ్యాఖ్యను బట్టి, ఈ సభ వెనుక తెదేపా సౌజన్యం ఉందన్న అనుమానాలు విపక్షాల నుంచి వ్యక్తమవుతున్నాయి.
ముద్రగడ దీక్షకు అనుమతి అడిగితే కాదన్న ప్రభుత్వం, మందకృష్ణ మాదిగ సభను అడ్డుకున్న పోలీసులు , పవన్ జనసేన దరఖాస్తు చేసుకున్న 20 గంటలకే అనుమతి ఇవ్వడాన్ని ప్రత్యేకంగా ప్రస్తావిస్తున్నారు. మూడు అంశాలపై మాట్లాడేందుకే వచ్చానని పవన్ ముందు వెల్లడించారు. అందులో టిడిపి పరిపాలన తీరును వివరిస్తానని చెప్పినా, ప్రసంగంలో ఎక్కడా దానిజోలికి వెళ్లకపోవడం గమనార్హం. కాగా, తనకు కులాలు మతాలు లేవని, అలా ఎవరైనా విమర్శిస్తే తన కోపం నషాళానికి అంటుందని పవన్ చెప్పినప్పటికీ.. శనివారం నాటి పవన్ సభకు హాజరయిన వారిలో కాపు, బలిజలే ఎక్కువమంది కావడం విశేషం. కాగా,పవన్ తన సభను కేవలం తన పార్టీకి బిజెపితో ఎలాంటి సంబంధాలు లేవని ప్రకటించుకునేందుకే వినియోగించుకున్నారన్న అభిప్రాయం వ్యక్తమవుతోంది. రానున్న ఎన్నికల్లో జనసేన-బిజెపి కలిసి పోటీ చేస్తాయన్న ప్రచారం నేపథ్యంలో, వాటికి సమాధానం బిజెపిపై విమర్శల ద్వారా ఇస్తేనే నమ్ముతారన్నట్లుగా ఆయన ప్రసంగించారంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.