రాష్ట్రీయం
తాపేశ్వరం కేంద్రంగా పోటాపోటీగా లడ్డూల తయారీ!
S ,7 à 8 RSCA (si SASPAS) et 6 cialis pharmacie cialis rapports de stage.
మండపేట, సెప్టెంబర్ 6: వినాయక చవితి సందర్భంగా తూర్పు గోదావరి జిల్లా తాపేశ్వరం గ్రామానికి చెందిన రెండు స్వీట్ల తయారీ సంస్థలు పోటాపోటీగా తయారుచేసిన రెండు భారీ లడ్డూలు మంగళవారం విశాఖపట్నం, విజయవాడ తరలివెళ్లాయి. గ్రామానికి చెందిన సురుచి, భక్తాంజనేయ స్వీట్‌స్టాల్స్ యాజమాన్యాలు ఈ ఏడాది గిన్నీస్ బుక్ రికార్డులోకి ఎక్కడమే ధ్యేయంగా భారీ లడ్డూలు తయారుచేయాలని నిర్ణయించాయి. పోటాపోటీగా సాగిన ఈ కార్యక్రమంలో భక్తాంజనేయ సంస్థ 31.5 టన్నులు, సురుచి సంస్థ 29.7 టన్నుల లడ్డూలు తయారుచేశాయి. 31.5 టన్నుల లడ్డూను విజయవాడలోని డూండీ గణేష్ చేతిలో అలంకరణకు, 29.7 టన్నుల లడ్డూను విశాఖ గాజువాకలోని గణేష్ చేతిలో అలంకరణకు తరలించారు. తొలుత సురుచి సంస్థ అధినేత పోలిశెట్టి మల్లిబాబు గిన్నిస్ లక్ష్యంగా 12,500 కిలోల లడ్డూ తయారుచేయనున్నట్టు ప్రకటించారు. గతంలో లడ్డూతో గిన్నిస్ రికార్డులకు ఎక్కిన భక్తాంజనేయ సంస్థ అధినేత సలాది శ్రీనుబాబు 13వేల కిలోలకు పైగా బరువైన లడ్డూ తయారుచేయనున్నట్టు ప్రకటించారు. ఇలా రెండు సంస్థల మధ్య గిన్నిస్ రికార్డు ధ్యేయంగా పోటీ వాతావరణం ఏర్పడటంతో ఎవరెవరు ఎంత బరువైన లడ్డూ తయారుచేస్తున్నారనే విషయం బయటకు పొక్కకుండా తయారీ ప్రారంభించారు. చివరకు సురుచి సంస్థ 29,700 కిలోల లడ్డూ తయారుచేయగా, భక్తాంజనేయ సంస్థ 31,500 కిలోల లడ్డూ తయారుచేశారు. మంగళవారం క్రేన్ల సాయంతో ప్రత్యేక వాహనాలపై ఈ లడ్డూలను ఉంచి, విశాఖపట్నం, విజయవాడ తరలించారు. ఈ తరలింపును వీక్షించడానికి భారీగా ప్రజలు తరలివచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.