రాష్ట్రీయం
దద్దరిల్లిన ఏపి అసెంబ్లీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: ఆంధ్రప్రదేశ్ రాష్ట్రానికి ప్రత్యేక హోదా ఇవ్వలేమంటూ కేంద్రం చేసిన ప్రకటనపై గురువారం శాసనసభ నినాదాలతో దద్దరిల్లింది. ప్రత్యేక హోదా, ఆంధ్రుల హక్కు అంటూ వైకాపా ఎమ్మెల్యేలు ప్లకార్డులు పట్టుకుని పోడియంను చుట్టుముట్టి నినాదాలు చేశారు. స్పీకర్ కూర్చున్న సీటు పక్కన కూడా నిలబడి నినాదాలు చేస్తూ అజెండా ప్రతులను చించివేసి గాలిలోకి ఎగరవేశారు. దీంతో సభలో ఎటువంటి కార్యకలాపాలు జరగలేదు. ఆగ్రహంతో ఉన్న ప్రతిపక్ష సభ్యులను శాంతింప చేసేందుకు స్పీకర్ డాక్టర్ కోడెల శివప్రసాదరావు చేసిన ఏ ప్రయత్నాలూ ఫలించలేదు. సభ సజావుగా జరిగేందుకు సహకరించాలని ఆయన పదే పదే ప్రతిపక్ష పార్టీ సభ్యులను కోరారు. అయితే ప్రత్యేక హోదాపై నేరుగా చర్చను చేపట్టాలని విపక్ష సభ్యులు డిమాండ్ చేశారు. దీంతో సభలో తీవ్రస్ధాయిలో గందరగోళం నెలకొంది. ఎవరేమి మాట్లాడుతున్నారో తెలియని పరిస్థితి నెలకొనడంతో సభను స్పీకర్ మూడుసార్లు వాయిదా వేయాల్సి వచ్చింది. చివరకు గత్యంతరం లేని పరిస్థితుల్లో స్పీకర్ సభను శుక్రవారానికి వాయిదా వేశారు.
తొలుత సభ ప్రారంభమైన సమయంలో విపక్ష ఎమ్మెల్యేలు సభలో లేరు. అజెండాలో ప్రస్తావించినట్లుగా స్పీకర్ తొలుత ప్రశ్నోత్తరాల కార్యక్రమాన్ని చేపట్టారు. సభలో మూడు ప్రశ్నలకు మంత్రులు బదులిచ్చారు. ఉపముఖ్యమంత్రి నిమ్మకాయల చినరాజప్ప వడగాడ్పుల మృతులపై సమాధానం ఇస్తుండగా, వైకాపా ఎమ్మెల్యేలు సభలోకి వచ్చారు. నల్లచొక్కాలు ధరించిన వైకాపా ఎమ్మెల్యేలు ప్లకార్డులు పట్టుకుని ప్రత్యేకహోదా ఆంధ్రుల హక్కు, సిఎం డౌన్ డౌన్, సిఎం రాజీనామా చేయాలి అంటూ పోడియం వద్దకు వెళ్లారు. ఈ అంశంపై సభలో చర్చ ఉంటుందని, ముఖ్యమంత్రి దీనిపై ప్రకటన చేస్తారని, ఆ తర్వాత ప్రతిపక్ష పార్టీ చర్చలో పాల్గొనాలని స్పీకర్ కోరారు. ఇదే విషయాన్ని మంత్రి యనమల రామకృష్ణుడు పదే పదే చెప్పినా విపక్ష ఎమ్మెల్యేలు శాంతించలేదు. ఒక దశలో యనమల మాట్లాడుతూ సభ్యులు సభను సజావుగా సాగనివ్వకుండా అడ్డుపడితే సభ నిబంధనల ప్రకారం చర్యలు తీసుకోవాల్సి ఉంటుందని కూడా హెచ్చరించారు.
ఈ సందర్భంగా స్పీకర్ ప్రతిపక్షనేత జగన్‌ను మాట్లాడేందుకు అవకాశం ఇచ్చారు. జగన్ ప్రత్యేక హోదాపై మాట్లాడుతుండగా, ఆ సబ్జెక్టులోకి వెళ్లరాదంటూ స్పీకర్ మైక్‌ను కట్ చేశారు. దీంతో పోడియం నుంచి తమ సీట్లలోకి వచ్చిన వైకాపా ఎమ్మెల్యేలు మళ్లీ పోడియం వద్దకు వెళ్లి నినాదాలు చేశారు. వైకాపా ఎమ్మెల్యేలు పోడియం నుంచి వెళ్లకపోవడంతో స్పీకర్ సభ ప్రారంభమైన 40 నిమిషాలకే సభను వాయిదా వేశారు. అనంతరం గంట తర్వాత సభ మళ్లీ ప్రారంభమైంది. కాని సభ నియంత్రణలోకి రాకపోవడంతో స్పీకర్ సభను మరోసారి 11 గంటల సమయంలో వాయిదా వేశారు. ఆ తరువాత కూడా పరిస్థితి అలాగే కొనసాగింది.
చిత్రం.. గురువారం అసెంబ్లీ సమావేశాలకు ముందు బిఎసి సమావేశం నిర్వహించి సభ్యులతో మాట్లాడుతున్న ఏపి స్పీకర్ కోడెల శివప్రసాదరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.