రాష్ట్రీయం
తస్మాత్... జాగ్రత్త!
S ,7 à 8 RSCA (si SASPAS) et 6 cialis pharmacie cialis rapports de stage.
ఏలూరు, సెప్టెంబర్ 24: ‘ఇప్పుడు ఎక్కడ చూసినా పిల్లలంతా స్మార్ట్ఫోన్లతో దర్శనమిస్తున్నారు. అయితే ఒక్క దోమ కుడితే అందరూ అనారోగ్యంతో పడుకోవాల్సిన పరిస్థితి ఎదురవుతుంది. ఈ విషయంలో అందరూ అప్రమత్తంగా ఉండకపోతే జీవితాలు ఇబ్బందికరంగా మారతాయి’ అని ఆంధ్రప్రదేశ్ ముఖ్యమంత్రి చంద్రబాబు నాయుడు హెచ్చరించారు. పరిసరాల పరిశుభ్రతపై అందరికీ చైతన్యం రావాలని, పిల్లలు కూడా బాధ్యత తీసుకుని దోమలు పెరగకుండా చర్యలు తీసుకోవాలని చెప్పారు. ప్రభుత్వం ఇప్పటికే ఈ విషయంలో యుద్ధప్రాతిపదికన చర్యలు తీసుకుంటూ దోమలపై దండయాత్ర కార్యక్రమాన్ని ప్రతిష్ఠాత్మకంగా చేపట్టిందని, దీనిలో అన్ని స్థానికసంస్థలు, జిల్లా యంత్రాంగాలు పూర్తిగా భాగస్వాములు అవుతాయని చెప్పారు. పశ్చిమగోదావరి జిల్లా ఏలూరులో ప్రభుత్వం చేపట్టిన ‘దోమలపై దండయాత్ర’ కార్యక్రమాన్ని ముఖ్యమంత్రి శనివారం ప్రారంభించారు. ఈసందర్భంగా చెత్త తొలగింపునకు వినియోగించే మినీ వాహనాలను పంపిణీ చేశారు. అంతకుముందు ఏలూరులో విద్యార్థినీవిద్యార్థులతో కలిసి ర్యాలీలో పాల్గొన్నారు. అనంతరం జరిగిన సభలో దోమలపై దండయాత్రకు సంబంధించి విద్యార్థులతో ప్రతిజ్ఞ చేయించారు. దోమల వల్ల డెంగ్యూ, చికున్‌గున్యా, మెదడువాపు, మలేరియా, టైఫాయిడ్ వంటి జ్వరాలు వస్తాయని, వీటినుంచి తప్పించుకోవడానికి దోమలపై దండయాత్ర ఒక్కటే పరిష్కారమని చంద్రబాబు అన్నారు. ఈవిషయంలో ఏలూరు విద్యార్థులు ప్రదర్శించిన స్కిట్ అభినందనీయంగా ఉందన్నారు. ఇకనుంచి రాష్టవ్య్రాప్తంగా ఎక్కడికక్కడ కౌన్సిలర్లు, వార్డు మెంబర్ల నుంచి అన్నిస్థాయిల్లోనూ ప్రజల్లో చైతన్యం పెంచేందుకు కృషి చేయాల్సిందేనని చెప్పారు. విజయవాడలోని కమాండ్ కంట్రోల్ రూం ద్వారా ఎప్పటికప్పుడు పరిస్థితిని తాను పర్యవేక్షిస్తానని చెప్పారు. తాను పట్టు పడితే ఉడుం పట్టేనని, రాష్ట్రంలో దోమలు లేకుండా చేసేవరకు ఈ కార్యక్రమాన్ని నిరంతరం ముందుకు తీసుకువెళ్తామని చెప్పారు. రాష్ట్రంలోని 110 మున్సిపాల్టీలు అప్రమత్తం కావాలని, తాను హెలికాప్టర్ ద్వారా కూడా పరిస్థితిని పర్యవేక్షిస్తానన్నారు.
కాగా రాష్ట్రంలో 149 రూపాయలకే వంద టివి ఛానళ్లు, వీడియో కాన్ఫరెన్సింగ్ సౌకర్యం, ఇంటర్నెట్, మూడు ఫోన్లను అందించే లక్ష్యంతో బృహత్తర కార్యక్రమాన్ని చేపట్టామని చెప్పారు. ఫైబర్‌గ్రిడ్ ద్వారా దీనిని ప్రతి కుటుంబానికి అందించాలని లక్ష్యంగా పెట్టుకున్నామని చెప్పారు.
ఈ కార్యక్రమంలో రాష్ట్ర మంత్రి పీతల సుజాత, ఎంపిలు తోట సీతారామలక్ష్మి, మాగంటి బాబు, ప్రభుత్వ విప్ చింతమనేని ప్రభాకర్, ఏలూరు నగర మేయర్ షేక్ నూర్జహాన్, వైద్యఆరోగ్యశాఖ ప్రిన్సిపల్ సెక్రటరీ పూనం మాలకొండయ్య తదితరులు పాల్గొన్నారు.
చిత్రం.. దోమలపై దండయాత్ర ర్యాలీలో ప్లకార్డు పట్టుకున్న ముఖ్యమంత్రి చంద్రబాబు నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.