రాష్ట్రీయం
రెంటికీ చెడ్డ రేవడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 24: తెలంగాణలో నిర్వహించిన ఎమ్సెట్-3లో అర్హత సాధించిన విద్యార్ధుల్లో 95 శాతం మందికి మెడికల్, డెంటల్ సీట్లు రాకపోగా, వేరే ఏ ఇతర కోర్సుల్లో చేరేందుకు కూడా వీలు లేకపోవడంతో వారి పరిస్థితి రెంటికీ చెడ్డ రేవడి మాదిరి మారింది. రాష్ట్ర ప్రభుత్వం ఎమ్సెట్-2 ద్వారా అగ్రికల్చర్, హార్టికల్చర్, ఫారెస్ట్రీ , బయోటెక్నాలజీ , వెటర్నరీ సీట్లను భర్తీ చేస్తోంది. దానికి దరఖాస్తు గడువు ఎమ్సెట్-3 ఫలితాలు రాకముందే ముగిసింది. ఎమ్సెట్ -3 రాసిన చాలా మంది విద్యార్ధులు ఎమ్సెట్-2 తప్పనిసరి రాయాలనే అవగాహన లేక ఆగిపోయారు, అదే మాదిరి నీట్ పరీక్షకు కూడా చాలా మంది హాజరుకాకపోవడంతో యాజమాన్య కోటా కేటగిరి -బి, కేటగిరి -సి సీట్లకు అర్హులు కాలేదు. కొంత మంది హాజరైనా క్వాలిఫై కాకపోవడంతో వారు మేనేజిమెంట్ కోటా సీట్లకు పనికిరాకుండా పోయారు. కనీసం సాధారణ డిగ్రీలో చేరుదాం అనుకున్నా ఈ ఏడాది తెలంగాణ ప్రభుత్వం ఆన్‌లైన్‌లో డిగ్రీ అడ్మిషన్లు నిర్వహించింది. నాలుగు నెలల పాటు ఐదు దశల్లో నిర్వహించిన డిగ్రీ అడ్మిషన్ల ప్రక్రియ కూడా పూర్తయింది.కాలేజీల్లో మిగిలిపోయిన సీట్లకు అడ్మిషన్లు తీసుకుందామనుకున్నా స్పాట్ అడ్మిషన్లకు ప్రభుత్వం అంగీకరించడం లేదు. ఈ క్రమంలో ఎమ్సెట్-3లో అర్హులైన 36,834 మంది పరిస్థితి అగమ్యగోచరంగా మారింది. ఇటు వృత్తి విద్యాకోర్సుల్లో సీట్లు రాక, అటు సంప్రదాయ కోర్సుల్లో సీట్లు లేక అయోమయంలో కొట్టుమిట్టాడుతున్నారు. దీనికి కారణం ఎమ్సెట్ -3 పేరిట పరీక్ష నిర్వహించడం, దాని ఫలితాలను వెల్లడించే లోగానే మిగిలిన కోర్సుల చివరి తేదీ ముగియడమేనని విద్యార్ధుల తల్లిదండ్రులు వాపోతున్నారు. కనీసం డిగ్రీ కోర్సు చేద్దామనుకునే విద్యార్ధులకు సూపర్‌న్యూమరీ సీట్లు కల్పించి మరో దశ కౌనె్సలింగ్ నిర్వహిస్తే విద్యాసంవత్సరం నష్టపోకుండా ఉంటుందని వారు చెబుతున్నారు. ఎమ్సెట్-3కి 37,178 మంది హాజరుకాగా వారిలో 36,834 మంది అర్హత సాధించారు. 70 మంది ఇంటర్ ఫెయిలైనవారు, మరో 259 మంది ఇంటర్ పాసైనా ఆ డాటా అందుబాటులో లేని వారు ఉన్నారు. క్వాలిఫై అయిన వారిలో ప్రభుత్వ, ప్రైవేటు మెడికల్, డెంటల్ కాలేజీల్లో ఇంత వరకూ 2వేల మందికి మాత్రమే సీట్లు దక్కాయి. మరో 34 వేల మంది పాలుపోని స్థితిలో ఉన్నారు. ఎమ్సెట్ -3 రాసిన వారిలో కొద్ది మంది మాత్రమే ఇతర కోర్సుల్లో ఇప్పటికే చేరారని అధికారులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.