రాష్ట్రీయం
హైదరాబాద్-విశాఖపట్నం ప్రత్యేక రైళ్లు రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 24: తెలంగాణ, ఆంధ్రప్రదేశ్‌లో కురుస్తున్న భారీ వర్షాల కారణంగా హైదరాబాద్-విశాఖపట్నం-సికిందరాబాద్ మధ్య నడిచే ప్రత్యేక రైళ్లను రద్దు చేస్తున్నట్టు దక్షిణ మధ్య రైల్వే జనరల్ మేనేజర్ రవీంద్రగుప్తా తెలిపారు. ట్రైన్ నెం. 07071 హైదరాబాద్-విశాఖపట్నం మధ్య ఈ నెల 28, అక్టోబర్ 5, 12, 19, 26 తేదీల్లో నడిచే ప్రత్యేక రైళ్లు, ట్రైన్ నెం. 07072 విశాఖపట్నం-సికిందరాబాద్ మధ్య ఈ నెల 29, అక్టోబర్ 6, 13, 20, 27 తేదీల్లో నడిచే ప్రత్యేక రైళ్లను రద్దు చేసినట్టు జిఎం వివరించారు.
సత్తెనపల్లి-గుంటూరు-నడికుడి సెక్షన్లలో నీట మునిగిన రైల్వే ట్రాక్‌ల పునరుద్ధరణకు యుద్ధప్రాతిపదికన చర్యలు చేపట్టినట్టు రవీంద్రగుప్తా తెలిపారు. శనివారం ఆయన రైల్వే అధికారులతో సమీక్ష సమావేశం నిర్వహించారు. ప్రయాణికులకు ఎలాంటి ఇబ్బందులు తెలెత్తకుండా వారివారి గమ్యస్థానాలకు చేర్చేందుకు ఆంధ్రప్రదేశ్ ప్రభుత్వం సహకారం తీసుకుంటున్నట్టు చెప్పారు. పలు రైల్వే స్టేషన్లలో నిలిచిపోయిన రైళ్లలోని ప్రయాణికులకు ఆహారం, నీటి వసతి కల్పించటంతో పాటు ఆర్టీసి బస్సుల్లో వారిని వారి గమ్యస్థానాలకు చేర్చే ప్రయత్నం చేస్తున్నట్టు జిఎం వివరించారు. నడికుడి మార్గంలో, కాజీపేట్ జంక్షన్ పరిధిలోని మార్గాల్లో మొత్తం ఆరు ప్రాంతాల్లో వర్షం కారణంగా రైలు పట్టాలు నీట మునిగాయని, కొన్ని చోట్ల పట్టాలు దెబ్బతిన్నాయని జిఎం పేర్కొన్నారు. వెంటనే వాటి మరమ్మతులకు కావలసిన సిమెంట్, క్వారీ డస్ట్, ఇసుక వంటి వాటితోపాటు మ్యాన్‌పవర్‌ను వినియోగించుకోవాలని, అందుకు ఇతర జోన్ల సిబ్బందిని కూడా వినియోగించుకోవాలని రవీంద్రగుప్తా ఆదేశించారు. ప్రధానంగా నడికుడి-గుంటూరు మధ్య రైల్వే ట్రాక్ తీవ్రస్థాయిలో దెబ్బతిందని, వెంటనే మరమ్మతులు చేపట్టాలని సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.