రాష్ట్రీయం
గట్టెక్కిన కూలీలు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 25: మెదక్ జిల్లా ఏడుపాయలలో చిక్కుకున్న కూలీలను రక్షించడానికి ముఖ్యమంత్రి కె చంద్రశేఖర్‌రావు చూపిన చొరవ ఫలించింది. ఏడుపాయల వద్ద జరుగుతున్న బ్రిడ్జి పనులు చేయడానికి నాలుగు రోజుల కిందట ఒరిస్సా, మధ్యప్రదేశ్ రాష్ట్రాలకు చెందిన 23 మంది నిర్మాణ కూలీలు (ఒకరు మహిళ) వచ్చారు. అయితే సింగూరు నుంచి నీటి ప్రవాహం పెరగడంతో ఘనపురం నుంచి నీరు విడుదల చేశారు. దీంతో ఏడుపాయల వద్ద రెండు పాయల మధ్య భూభాగంలో కూలీలు చిక్కుపడిపోయారు. ఈ విషయాన్ని శనివారం అధికారులు ముఖ్యమంత్రి దృష్టికి తీసుకువచ్చారు. వెంటనే స్పందించిన ముఖ్యమంత్రి ప్రభుత్వ హెలికాప్టర్‌ను తీసుకెళ్లి రక్షించాల్సిందిగా అధికారులను ఆదేశించారు. ప్రభుత్వ హెలికాప్టర్ నీళ్ల మధ్యలోకి దిగి కూలీలను కాపాడటం సాధ్యం కాదని, అది ఎయిర్ ఫోర్స్‌కు చెందిన హెలికాప్టర్‌కు మాత్రమే సాధ్యపడుతుందని అధికారులు వివరించారు. ఎయిర్ ఫోర్స్ అధికారులతో మాట్లాడి ముఖ్యమంత్రి హెలికాప్టర్ తెప్పించారు. ఆదివారం ఎయిర్ ఫోర్స్‌కు చెందిన హెలికాప్టర్ ఏడుపాయలుకు చేరుకుంది. డిప్యూటీ స్పీకర్ పద్మాదేవేందర్‌రెడ్డి, మెదక్ కలెక్టర్ రోనాల్డ్ రాస్ ఏడుపాయలకు చేరుకుని పర్యవేక్షించారు. ఎట్టకేలకు ఎయిర్ ఫోర్స్ సిబ్బంది కూలీలు అందరినీ సురక్షితంగా ఒడ్డుకు చేర్చింది. ప్రమాదం నుంచి కూలీలు బయటపడటంతో ముఖ్యమంత్రి సంతోషం వ్యక్తం చేశారు. ప్రజల నుంచి వచ్చే సమాచారానికి అధికారులు వెంటనే స్పందించి చర్యలు చేపడితే ఎలాంటి ప్రమాదాల నుంచైనా కాపాడవచ్చని ముఖ్యమంత్రి గుర్తు చేశారు.
చిత్రం.. మెదక్ జిల్లా ఏడుపాయల లంకలో కూలీలు చిక్కుకున్న ప్రాంతం.. వారిని వాయుసేన ప్రాణాలతో ఒడ్డుకు చేర్చిన ప్రాంతం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.