రాష్ట్రీయం
ఏపిఏటి పరిధి నుంచి తెలంగాణను తప్పించడంపై హైకోర్టు అసంతృప్తి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 27: ఆంధ్రప్రదేశ్ అడ్మినిస్ట్రేటివ్ ట్రిబ్యునల్ పరిధి నుంచి ఏ చట్టానికి లోబడి తెలంగాణ రాష్ట్రాన్ని మినహాయించాలని కేంద్రాన్ని కోరారో తెలియచేయాలని హైకోర్టు తెలంగాణ అడ్వకేట్ జనరల్‌ను ప్రశ్నించింది. తెలంగాణకు చెందిన దాదాపు 8670 కేసులను హైకోర్టుకు బదలాయించాలని కోర్టు పేర్కొంది. పివి కృష్ణయ్య, బి కిరణ్‌కుమార్‌లు దాఖలు చేసిన పిటిషన్లను హైకోర్టు తాత్కాలిక ప్రధాన న్యాయమూర్తి జస్టిస్ రమేష్ రంగనాథం, జస్టిస్ యు దుర్గాప్రసాద్‌లు విచారించారు. ట్రిబ్యునల్ పరిధి నుంచి తెలంగాణ రాష్ట్రాన్ని మినహాయిస్తూ కేంద్రం జారీ చేసిన నోటిఫికేషన్‌ను ఈ న్యాయవాదులు సవాలు చేశారు.
పెండింగ్ కేసులను పట్టించుకోకుండా కేంద్ర, రాష్ట్రప్రభుత్వాలు వ్యవహరించిన తీరుపై హైకోర్టు ధర్మాసనం అసంతృప్తి వ్యక్తం చేసింది. ఈ సందర్భంగా ఏజి కె రామకృష్ణారెడ్డి వాదనలు వినిపిస్తూ, రాష్ట్రప్రభుత్వం చేసిన అభ్యర్థనపై కేంద్రం నోటిఫికేషన్ జారీ చేసిందన్నారు. హైకోర్టు జోక్యం చేసుకుని తమ దృష్టికి తీసుకురాకుండా కేంద్రాన్ని ఎలా అడుగుతారని ప్రశ్నించింది. ఇప్పటికే పెద్ద సంఖ్యలోకేసులు హైకోర్టు వద్ద పెండింగ్‌లో ఉన్నాయని ధర్మాసనం పేర్కొంది. కేంద్రం కూడా రాష్ట్రం లేఖ రాసిందని ఏపిఏటి పరిధి నుంచి తెలంగాణను ఎలా తప్పించిందని హైకోర్టు కేంద్రం తరఫున న్యాయవాది అసిస్టెంట్ సొలిసిటర్ జనరల్‌ను ప్రశ్నించింది. ఈ సందర్భంగా ఏజి జోక్యం చేసుకుని కేంద్రానికి రాష్ట్రప్రభుత్వం లేఖ రాసేముందు హైకోర్టుకు సమాచారం ఇచ్చినట్లు తెలిపారు. కాగా హైకోర్టు తన సలహా ఇచ్చేవరకు ఎందుకు వేచి చూడలేదని ధర్మాసనం ఏజిని అడిగింది. ఏజి వాదనలు వినిపిస్తూ తమిళనాడులో కూడా ట్రిబ్యునల్‌ను రద్దు చేసిన తర్వాత కేసులను హైకోర్టుకు బదలాయించారని తెలిపారు. కాగా ఈ వివరాలను ఈ గురువారం కోర్టు ముందు ఉంచాలని హైకోర్టు ఆదేశాలు జారీచేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.