రాష్ట్రీయం
ఐదేళ్లు పన్ను రాయితీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 1: తెలంగాణలోని తొమ్మిది జిల్లాల్లో పరిశ్రమల స్థాపనకు ప్రోత్సాహకంగా కేంద్రం పన్ను రాయితీ ప్రకటించింది. హైదరాబాద్ వినా మిగిలిన తొమ్మిది జిల్లాలు ఆదిలాబాద్, నిజామాబాద్, కరీంనగర్, వరంగల్, మెదక్, మహబూబ్‌నగర్, రంగారెడ్డి, నల్లగొండ, ఖమ్మం జిల్లాల్లో పన్ను రాయితీలు ప్రకటించింది. ఏప్రిల్ 1, 2015 నుంచి మార్చి 2020 వరకు ఐదేళ్లపాటు పన్ను రాయితీలు వర్తిస్తాయి. పరిశ్రమలకు 15శాతం రాయితీతో పాటు 15శాతం అదనపు తరుగుదల అవకాశం కల్పిస్తూ కేంద్ర ప్రత్యక్ష పన్నుల మండలి (సిబిడిటి) ఉత్తర్వులు జారీ చేసింది. వెనుకబడిన జిల్లాల్లో పారిశ్రామిక కార్యకలాపాలు ప్రోత్సహించే ఉద్దేశ్యంతో ఆదాయ పన్ను చట్టంలోని సెక్షన్ 32 ఏడి 32(1)ల క్రింద ప్రత్యేక ప్రయోజనాలు కలిగిస్తున్నది. దీనికి సంబంధించి పన్ను రాయితీలు పొందే రాష్ట్రాల జాబితాలో తెలంగాణతో పాటు పశ్చిమ బెంగాల్, బీహార్, ఆంధ్ర ఉన్నాయి. తెలంగాణ, పశ్చిమ బెంగాల్, బీహార్ రాష్ట్రాలకు సంబంధించి వెనుకబడిన జిల్లాల్లో పరిశ్రమలకు పన్ను రాయితీ, అదనపు పెట్టుబడి రాయితీ కల్పిస్తూ ఈ ఏడాది జూలై 20న కేంద్రం ఉత్తర్వులు
జారీ చేసింది. దీని ప్రకారం హైదరాబాద్ వినా తెలంగాణలోని మిగిలిన తొమ్మిది జిల్లాల్లో పరిశ్రమలు స్థాపించే వారికి రాయితీలు లభిస్తాయి. తెలంగాణ, పశ్చిమ బెంగాల్, బీహార్‌లతో పాటే ఆంధ్రప్రదేశ్‌లోని ఏడు జిల్లాలకు పన్ను రాయితీ కల్పించాలని ఈ ఏడాది జూలైలో కేంద్రం నిర్ణయించింది. 2015 ఏప్రిల్ 1 నుంచి 2020 మార్చి 31 వరకు ఎవరైనా పరిశ్రమలు ఏర్పాటు చేస్తే దీనికోసం వినియోగించిన ప్లాంటు, మిషనరీ కోసం చేసిన ఖర్చుపై 15శాతం అదనపు పెట్టుబడి రాయితీ లభిస్తుంది. 15శాతం అదనపు తరుగుదల ప్రయోజనం లభిస్తుంది. ఆదాయపు పన్ను చట్టం కింద ఇప్పటికే లభిస్తున్న రాయితీలకు ఇవి అదనంగా లభిస్తాయని అధికార వర్గాలు తెలిపాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.