రాష్ట్రీయం
పిడుగునూ పట్టేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 6: వరదలు, సునామీలు వంటి ప్రకృతి వైపరీత్యాల కారణంగా ఏటా రాష్ట్రంలో వేలాది మరణాలు సంభవిస్తున్నాయి. అయితే ఎవరికీ తెలియని విషయమేమంటే...పిడుగుపాటుకు మరణిస్తున్నవారి సంఖ్యా అధికంగానే ఉంటోంది. ఆంధ్రప్రదేశ్‌లో సగటున ఏటా పిడుగుపాటుకు 2,500మంది కన్నుమూస్తున్నట్టు అంచనా. అంతరిక్ష పరిశోధనల్లో అగ్రగామిగా ఉన్న ఇస్రో, వాతావరణ పరిస్థితులను ముందుగా పసిగట్టే అత్యద్భుత సాంకేతిక పరిజ్ఞానాన్ని సొంతం చేసుకున్న సంగతి తెలిసిందే. తాజాగా ఉపగ్రహాలు అందించే సమాచారాన్ని విశే్లషించి ఉరుములు, పిడుగులు ఎక్కడ పడతాయో ముందుగానే తెలుసుకునే పరిజ్ఞానాన్ని పెంపొందించుకుంది. ఈ మేరకు పిడుగుపాటు మరణాలను అరికట్టేందుకు రాష్ట్ర ప్రభు త్వం ఇస్రో సహాయాన్ని తీసుకోబోతోం ది. అంతరిక్షంలోకి ఉపగ్రహాలను పంపేటప్పుడు వాతావరణ పరిస్థితులతోపాటు ఉరుములు, పిడుగుల రాకను కూడా ఇస్రో నిమిష నిమిషానికీ తెలుసుకుంటుంది. ఈ పరిజ్ఞానాన్ని ఇప్పుడు రాష్ట్ర ప్రభుత్వానికి అందించేందుకు ఇస్రో ముందుకు వచ్చింది. ఇస్రో అందించే ఈ సాంకేతిక పరిజ్ఞానాన్ని రాష్ట్రంలోని ప్రతి జిల్లాలో ఉన్న యూనివర్శిటీలు అందిపుచ్చుకుంటాయి. ఇందుకోసం ప్రతి వర్శిటీలో ప్రత్యేక విభాగాన్ని ఏర్పాటు చేయనున్నారు. వాతావరణ పరిస్థితులను నిరంతరం గమనించే ఈ విభాగం, పిడుగులు పడే సమయాలను ముందగానే తెలుసుకుంటారు. ఏ ప్రాంతంలో, ఏ సమయంలో పిడుగులు పడే అవకాశం ఉందో ముందుగానే తెలుసుకుంటారు. వెంటనే ఈ విభాగం సంబంధిత ప్రాంతంలోని వ్యక్తులకు సెల్‌ఫోన్‌ల ద్వారా మెసేజ్ పంపిస్తుంది. జిల్లాలోని సెల్‌ఫోన్ సర్వీస్ ప్రొవైడర్లతో ఈ విభాగం ముంగానే అనుసంధానమై ఉండడంతో మెసేజ్‌లు క్షణాల్లో ఆయా ప్రాంతాలకు వెళ్లిపోతాయి. దీంతో అక్కడి ప్రజలు అప్రమత్తమవుతారు.
వర్షపాతంపైనా
ముందుగానే సమాచారం
ఇదిలాఉండగా వచ్చే ఏడాది రాష్ట్రంలో ఆయా ప్రాంతాల్లో వర్షపాతం ఏవిధంగా ఉంటుందో ముందుగానే సమాచారం ఇస్తారు. వర్షాభావ ప్రాంతాలను ముందుగానే తెలుసుకోవడం వలన అక్కడ చేపట్టాల్సిన ప్రత్యామ్నాయ ఏర్పాట్లను ప్రభుత్వం ముందుగానే పరిశీలించగలుగుతుంది. ప్రస్తుతం వర్షాలకు సంబంధించి వాతావరణ శాఖ ఇస్తున్న సమాచారం అంతంతమాత్రంగా ఉంటోంది. వాతావరణ పరిస్థితులు తెలుసుకునేందుకు వాతావరణ శాఖ వినియోగించే యంత్రాలను మరిన్ని రాష్ట్రంలో నెలకొల్పేందుకు ప్రభుత్వం నిర్ణయించుకుంది. దీనివలన వర్షం రాకపోకలను నిక్కచ్చిగా తెలుసుకునే అవకాశం ఉంటుంది. వీటిన్నింటికి సంబంధించి ఈనెల 10న విశాఖలో ముఖ్యమంత్రి చంద్రబాబు నాయుడు, ఇస్రో చైర్మన్ ఎఎస్ కిరణ్‌కుమార్ ఒప్పందం కుదుర్చుకోనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.