రాష్ట్రీయం
సింగరేణికి దసరా కానుక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 6:సింగరేణి కాలరీస్‌కు వచ్చిన లాభాల్లో కార్మికులకు 23 శాతం వాటా చెల్లించాలని ముఖ్యమంత్రి కె చంద్రశేఖర్‌రావు ఆదేశించారు. అలాగే పదవీ విరమణ (విఆర్‌ఎస్) పథకం కింద లబ్ధిపొందని ఉద్యోగుల కుటుంబాలకు డెపెండెంట్ ఉద్యోగాలు ఇవ్వాలని ముఖ్యమంత్రి ఆదేశించారు. సింగరేణి బొగ్గుగని కార్మికుల సంఘం గౌరవ అధ్యక్షురాలు, ఎంపి కవిత ఆధ్వర్యంలో సింగరేణి కాలరీస్ విస్తరించిన ప్రాంతాలకు చెందిన ప్రజాప్రతినిధులు, సిఎండి శ్రీ్ధర్ గురువారం క్యాంపు కార్యాలయంలో ముఖ్యమంత్రితో సమావేశమయ్యారు. ఈ సందర్భంగా సింగరేణి సాధిస్తున్న ప్రగతిని ముఖ్యమంత్రి అభినందిస్తూ, కార్మికుల కృషికి నజరానాగా దీపావళికి ప్రతి కార్మికునికి రూ. 54 వేల చొప్పున బోనస్ చెల్లించాలని ఆదేశించారు. కంపెనీ లాభాల్లో చెల్లించే వాటా, బోనస్ కలిపి ఒక్కో కార్మికుడు ఈ నెలలో రూ.97 వేలు వరకూ అందుకుంటారని ముఖ్యమంత్రి అన్నారు.
సింగరేణి సంస్థ 2015-16 ఆర్థిక సంవత్సరానికి రూ.1066.13కోట్ల నికర ఆదాయాన్ని గడించగా, ఇందులో 23 శాతం వాటా కింద కార్మికులకు రూ. 245 కోట్లు పొందుతారని కెసిఆర్ అన్నారు. ఇంత పెద్ద మొత్తంలో కార్మికులకు వాటా కేటాయించడం కంపెనీ చరిత్రలో ఇదే ప్రథమం. గత ఏడాది 21 శాతం వాటా ఇచ్చిన సంగతి తెలిసిందే. ఈ ఆర్థిక సంవత్సరంలో సింగరేణి రికార్డు స్థాయిలో 60.38 మిలియన్ టన్నుల బొగ్గు ఉత్పత్తి చేసిందన్నారు. దీనిద్వారా రూ. 1313 కోట్ల స్థూల ఆదాయం, రూ. 1066 కోట్ల నికర ఆదాయం పొందిందని సిఎం అభినందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.