రాష్ట్రీయం
కృష్ణా జలాలపై వీడనున్న పీటముడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 8: కృష్ణా జలాల పంపిణీని తిరిగి నాలుగు రాష్ట్రాలకు చేయాలా, లేక ఆంధ్ర, తెలంగాణ రాష్ట్రాలకే పరిమితం చేయాలా? అనే అంశంపై జస్టిస్ బ్రిజేష్ కుమార్ ట్రిబ్యునల్ ఈ నెల 19వ తేదీన కీలకమైన తీర్పు ఇవ్వనుంది. ఈ విషయాన్ని ట్రిబ్యునల్ కార్యాలయం రెండు రాష్ట్రాలకు తెలియచేసింది. కృష్ణా నదీ పరివాహక ప్రాంతంలో మహారాష్ట్ర, కర్నాటక, తెలంగాణ, ఆంధ్రప్రదేశ్ ఉన్నాయి. నాలుగు రాష్ట్రాలకు ప్రాజెక్టుల వారీగా నీటి కేటాయింపులు జరగాలంటూ ఆంధ్ర, తెలంగాణ రాష్ట్రాలు బ్రిజేష్ కుమార్ ట్రిబ్యునల్ ఎదుట వాదనలు వినిపించాయి. ఏపి పునర్విభజన చట్టంలో ప్రాజెక్టుల వారీగా నీటి కేటాయింపుల అంశాన్ని ప్రస్తావించారని, నాలుగు రాష్ట్రాలను పరిగణనలోకి తీసుకుంటే తప్ప చట్టంలోని అంశాలు అమలు కావని రెండు తెలుగు రాష్ట్రాలు ట్రిబ్యునల్‌ను కోరాయి. మహారాష్ట్ర, కర్నాటక రాష్ట్రాలు మాత్రం ఆంధ్రప్రదేశ్ పునర్విభజన చట్టం కేవలం తెలంగాణ, ఆంధ్రప్రదేశ్ రాష్ట్రాలకు మాత్రమే పరిమితమని, మొదట కేటాయించిన నీటి పంపిణీకి లోబడి ఈ రెండు రాష్ట్రాలకు జలాలను సర్దాలని మహారాష్ట్ర, కర్నాటక ట్రిబ్యునల్ ఎదుట వాదించాయి. కేంద్రం కూడా రెండు రాష్ట్రాలకే నీటి కేటాయింపులను చేయాలని ట్రిబ్యునల్‌కు లిఖితపూర్వకంగా పిటిషన్ ఇచ్చింది. గతంలో బచావత్ ట్రిబ్యునల్ ఉమ్మడి ఆంధ్రప్రదేశ్‌కు 800 టిఎంసి, కర్నాటకకు 700 టిఎంసి, మహారాష్టక్రు 500 టిఎంసి జలాలను కేటాయించింది. ఆ తర్వాత కేంద్రం 2010లో ఏర్పాటు చేసిన బ్రిజేష్ కుమార్ ట్రిబ్యునల్ ముసాయిదాలో ఉమ్మడి ఆంధ్రప్రదేశ్‌కు 1001 టిఎంసి, కర్నాటకకు 911 టిఎంసి, మహారాష్టక్రు 660 టిఎంసి నీటిని కేటాయించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.