రాష్ట్రీయం
ఆర్‌కె వదిలిన బాణం..గాజర్ల రవి
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం/వరంగల్, అక్టోబర్ 24: పీపుల్స్‌వార్ నుంచి మావోయిస్టు పార్టీ దాకా అప్పగించిన అన్ని బాధ్యతలను విజయవంతంగా నిర్వర్తించి కేంద్ర కమిటీ సభ్యుని స్థాయికి ఎదిగిన బలమైన నేత గాజర్ల రవి అలియాస్ గణేశ్. ఆయన సోమవారం ఎఒబిలో జరిగిన ఎన్‌కౌంటర్‌లో మరణించాడు. ఆయన మృతితో ఒకరకంగా గ్రేహౌండ్స్‌లో విజయగర్వం తొణికిసలాడుతుందనడంలో సందేహం లేదు. వరంగల్ జిల్లా చిట్యాల పోలీస్టేషన్ పరిధిలోని వెలిశాల గ్రామానికి చెందిన ఆయన వరంగల్, ఖమ్మం జిల్లాల్లోని గిరిజన గ్రామాల్లో పీపుల్స్‌వార్ కార్యకలాపాల్లో చురుగ్గా వ్యవహరించాడు. 1997లో పీపుల్స్‌వార్ కమాండర్‌గా ఆయన హయాంలోనే జనవరి 9న పినపాక మండలం కరకగూడెం పోలీస్టేషన్‌ను పేల్చివేశారు. ఈ ఘటనలో 16మంది పోలీసులు కూడా చనిపోయారు. వరంగల్, ఖమ్మం జిల్లాల సరిహద్దుల్లో ఉంటూనే ఆయన దండకారణ్యానికి వెళ్లాడు. పార్టీ విస్తరణ, బలోపేతం చేయడంలో భాగంగా అక్కడి నుంచి ఎఒబిలో కార్యదర్శిగా వ్యవహరిస్తూ వచ్చాడు. 2008లో జూన్ 30న గ్రేహౌండ్స్ బలగాలు ఎఒబిలోని బలిమెల వద్ద సీలేరులో లాంచీలో ప్రయాణిస్తుండగా మావోయిస్టులు రాకెట్ లాంచర్లు, గ్రనేడ్లతో దాడి చేసి 37 మందిని హతమార్చిన సంఘటన తెలిసిందే. నాడు గ్రేహౌండ్స్ జవాన్లు 37 మంది చనిపోవడం దేశవ్యాప్తంగా సంచలనం రేకెత్తించింది. ఆ మెరుపు దాడికి వ్యూహకర్త రామకృష్ణ అయితే, చేసి చూపించింది గాజర్ల రవి. రామకృష్ణ తప్పించుకోగా గాజర్ల రవి చనిపోయాడు. బలిమెల ఘటన జరిగి ఎనిమిదేళ్లు గడిచాక ఇప్పుడు గ్రేహౌండ్స్ బలగాలు నెత్తుటి బాకీని తీర్చుకున్నాయని భావిస్తున్నారు.
వెలిశాలలో విషాదం
చిట్యాల: గాజర్ల రవి అలియాస్ గణేశ్ మావోయిస్టు పార్టీలో కీలక నేతగా మూడు దశాబ్దాలుగా అలుపెరుగని పోరాటం చేస్తు ఎన్‌కౌంటర్‌లో మృతి చెందడంతో రెండు మండలాల్లో విషాద చాయలు అలుముకున్నాయి. టేకుమట్ల మండలం వెలిశాల గ్రామానికి చెందిన గాజర్ల కట్టమ్మ మల్లయ్య దంపతులకు 5గురు సంతానం. కాగా 4వ సంతానంగా గణేశ్ జన్మించాడు. పెద్దకుమారుడు రాజయ్య ఆనారోగ్యంతో మృతి చెందగా రెండవ కుమారుడు సమ్మయ్య సింగరేణిలో ఉద్యోగం చేస్తున్నాడు. మూడో కుమారుడు సారయ్య అలియాస్ భాస్కర్ అలియాస్ అజాద్ మావోయిస్టు పార్టీలో పని చేస్తూ 2008 ఏప్రిల్ 2వ తేదిన ఏటూరునాగారం మండలం కంతనపల్లిలో జరిగిన పోలీస్ ఎన్‌కౌంటర్‌లో మృతి చెందాడు. అయిదో కుమారుడు గాజర్ల అశోక్ అలియాస్ ఐతూ మావోయిస్టు పార్టీలో పని చేస్తూ ఆనారోగ్యంతో ఆర్నెల్ల క్రితం పోలీసులకు లొంగి పోయాడు.
గణేశ్ (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.