రాష్ట్రీయం
మోదీ పాలన భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 25: ప్రధాని నరేంద్ర మోదీ నేతృత్వంలోని ఎన్డీఏ పాలనపై రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) సంతృప్తిని వ్యక్తం చేసింది. ఈ నెల 19న ప్రారంభమైన ఆర్‌ఎస్‌ఎస్ అఖిల భారత కార్యకారిణి సమావేశాలు మంగళవారంతో ముగిసాయి. 22వ తేదీ నుంచే కీలకమైన భేటీ జరిగింది. దేశ వ్యాప్తంగా ఆర్‌ఎస్‌ఎస్ శాఖలను విస్తరణ, హిందుత్వ, దేశ సంస్కృతి సంప్రదాయాల రక్షణ, ఉమ్మడి పౌరస్మృతి, కమ్యూనిస్టుల ఆగడాలు, దేశ అంతర్గత భద్రత వంటి అనేకానేక అంశాలపై సుదీర్ఘంగా చర్చించారు. ఆర్‌ఎస్‌ఎస్ సర్ సంఘ్‌చాలక్ మోహన్‌జీ భాగవత్, సహ కార్యవాహ సురేష్ జోషీజీ (్భయ్యాజీ జోషి), ప్రచార్ ప్రముఖ్ డాక్టర్ మన్మోహన్ వైద్య, విహెచ్‌పి నేత ప్రవీణ్‌భాయి తొగాడియా, ఆర్‌ఎస్‌ఎస్‌కు అనుబంధంగా ఉన్న బిఎంఎస్, బికెఎస్ వంటి పలు సంస్థల ప్రతినిధులూ మొత్తం 500 మంది వరకు పాల్గొన్నారు. చివరి రెండు రోజులు బిజెపి జాతీయ అధ్యక్షుడు అమిత్‌షా సాధారణ స్వయం సేవకునిలా అందరితో పాటు కూర్చున్నారు. బిజెపి నాయకులు రాంలాల్, రాంమాధవ్ ప్రభృతులు హాజరయ్యారు. ప్రధాని మోదీ పాలన పట్ల సమావేశం సంతృప్తి వ్యక్తం చేసినట్లు సమాచారం. అవసరమైనప్పుడు తగు సలహాలు, సూచనలు చేయాలని భావించారు.
నగర శివారులోని ఘట్‌కేసర్, అన్నోజిగుడాలోని శ్రీవిద్యావిహార్ పాఠశాల ప్రాంగణంలో జరిగిన ఈ సమావేశాల్లో ప్రజల్లోకి జాతీయవాదం, హిందూ జీవన మూలాలు తీసుకెళ్ళాలని స్వయంసేవకులకు మోహన్ జీ భాగవత్ పిలుపునిచ్చారు. రాబోయే తొమ్మిదేళ్ళలో దేశ వ్యాప్తంగా ఆర్‌ఎస్‌ఎస్ శాఖల సంఖ్యను లక్షకు పెంచాలన్న లక్ష్యంగా పెట్టుకున్నది. 2025లో నిర్వహించబోయే ఆర్‌ఎస్‌ఎస్ శత వసంతాల ఉత్సవం నాటికి లక్ష్యానికి చేరుకోవాలని భావించింది. స్వయం సేవకులపై కమ్యూనిస్టుల దాడులను ఖండిస్తూ తీర్మానం చేయడంతో పాటు, జాతీయవాదాన్ని పెంపొందించడం వంటి పలు అంశాలపై సుదీర్ఘంగా చర్చించారు.
శాఖల విస్తరణ ద్వారా జాతీయవాదం పెంపొందుతుందని ప్రతినిధులు అభిప్రాయపడ్డారు. గోసేవ, కుటుంబ జీవనం, సామాజిక సమరసత, గ్రామ వికాస్, ధర్మ జాగరణ వంటి అంశాలపై ప్రజల్లో చైతన్యం తీసుకునే బాధ్యతను స్వయం సేవకులే చేపట్టాలని నిర్ణయించారు. సంఘ్ కీలక నాయకులు, బిజెపి అగ్రనేతలు పెద్ద సంఖ్యలో హాజరు కావటంతో అన్నోజీగూడ ప్రాంగణంలో పోలీసులు భారీ బందోబస్తు ఏర్పాటు చేశారు.
హైదరాబాద్‌లో జరుగుతున్న ఆర్‌ఎస్‌ఎస్ అఖిల భారత కార్యకారిణి
సమావేశాలకు మంగళవారం తరలివస్తున్న ఆర్‌ఎస్‌ఎస్ సర్ సంఘ్‌చాలక్
మోహన్‌జీ భాగవత్, ప్రచార్ ప్రముఖ్ డాక్టర్ మన్మోహన్ వైద్య.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.