రాష్ట్రీయం
షిర్డీకి హిందువులు వెళ్లవద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ బేగంపేట, అక్టోబర్ 25: షిర్డీసాయి దేవుడు కాదు..అతనొక ముస్లిం అని, ముస్లింలకు సాయి పూజలు నిలిచిపోవాలి, హిందువులు ఎవ్వరూ సాయిని పూజించవద్దని, సాయి మందిరం శ్మశాన వాటిక, అక్కడికి హిందువులు ఎవ్వరూ వెళ్లొద్దని, సాయిబాబ భూతమని జగద్గురు శంకరాచార్య స్వరూపానంద సరస్వతి స్వామి మరోసారి సంచన వ్యాఖ్యలు చేశారు. దేశవ్యాప్తంగా నిర్వహిస్తున్న దిగ్విజయ యాత్రలో భాగంగా మంగళవారం నగరంలోని బేగంపేటలో తన శిష్యబృందంతో విలేఖరుల సమావేశంలో మాట్లాడారు. మానవుడి శక్తి జీవించినంతవరకు నిశ్చలంగా ఉంటుందని మరణం తర్వాత శక్తిహీనుడై ఏ జన్మ కోసం విచారిస్తాడో ఎవరికీ తెలియదని తెలిపారు. అపూజ్యులను పూజిస్తే కరవు కాటకాలు తాండవిస్తాయన్నారు. సాయి చమత్కారి అయితే అతని ద్వారా స్వాతంత్య్రం ఎందుకు రాలేదో చెప్పాలన్నారు. సాయి సంస్థాన్ పురాణాలలో సాయి ముస్లిం అని తేలిందని స్వామి చెప్పారు.
సాయిలో గురు లక్షణాలు లేనందున సనాతన ధర్మ ప్రపంచంలో అతనికి గుర్తింపు లేదన్నారు. సృష్టిలో నీరు ఎంత ముఖ్యమో జీవించడానికి పాలు అంత ముఖ్యమని, పాలు గోవు ద్వారా లభ్యమవుతున్నాయన్నారు. ఆరోగ్యంగా ఉండాలంటే పండే పంటలకు తగిన ఎరువు కూడా ఆవు పంచకముల ద్వారా లభిస్తున్న నేపథ్యంలో గోవును రక్షించుకోవాలని స్వామి పేర్కొన్నారు. గోహత్య మానవ హత్యేనని, గోమాంసం ఎగుమతితో దేశం ముందుకు వెళ్తుందని, గోహత్య నిషేదాన్ని రాజ్యాంగం చట్టబద్ధం చేయాలన్నారు. పరమాత్ముడి అనుగ్రహంతో లభ్యమైన బుద్ది ద్వారా మోక్షాన్ని సాధించగలమని, మాదక ద్రవ్యాలతో బుద్ధి నష్టపోతుందని పేర్కొన్నారు. విద్యాలయాల్లో భగవద్గీత, రామాయణ మహాభారతాది ఇతిహాసాలను శిక్షణలో బోధించాలని పేర్కొన్నారు. మంచి ఆలోచనలు శిక్షణ ద్వారా అందని జనులు క్రూరమైన స్ర్తిమాన, ధన చోరులుగా మారుతున్నారని ఆందోళన వ్యక్తం చేశారు. క్రైస్తవులు, ముస్లింలు వారి వారి మతాలను బోధనల ద్వారా చెప్తున్నట్లుగా హిందువులు కూడా తమ మత బోధనలు బోధించాలన్నారు.
దిగ్విజయ యాత్రలో భాగంగా మంగళవారం హైదరాబాద్ వచ్చిన జగద్గురు శంకరాచార్య స్వరూపానంద సరస్వతి స్వామి విలేఖరుల
సమావేశంలో మాట్లాడుతున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.