రాష్ట్రీయం
మావోల మృతదేహాలకు అంత్యక్రియలు
S ,7 à 8 RSCA (si SASPAS) et 6 cialis pharmacie cialis rapports de stage.
ఒంగోలు/ టంగుటూరు, అక్టోబర్ 27: మావోయిస్టు పార్టీ కీలక నేత అక్కిరాజు రామకృష్ణ తనయుడు పృథ్వి అలియాస్ మున్నా మృతదేహానికి గురువారం మధ్యాహ్నం ప్రకాశం జిల్లా టంగుటూరు మండలం ఆలకూరపాడు గ్రామంలో అంత్యక్రియలు జరిగాయి. మున్నా మృతదేహాన్ని ఒడిశాలోని మల్కన్‌గిరి ప్రాంతం నుండి బంధువులు గురువారం ఉదయం ఆలకూరపాడుకు తీసుకువచ్చారు. ఈ సందర్భంగా ఆర్‌కె సతీమణి, మున్నా తల్లి శిరీష విలేఖరులతో మాట్లాడుతూ తన కుమారుడు పృథ్వి మృతి బాధ కలిగించినా పీడిత ప్రజల కోసం ప్రాణాలు అర్పించటం గర్వంగా ఉందన్నారు. తన భర్త రామకృష్ణ లొంగిపోతే చికిత్స చేయిస్తామని ప్రభుత్వం చెప్పే మాటలు బూటకమని ఆమె ధ్వజమెత్తారు. ప్రభుత్వం బూటకపు ఎన్‌కౌంటర్లతో బెదిరించినంత మాత్రాన తన భర్త లొంగిపోరని ఆమె వెల్లడించారు. ఎన్‌కౌంటర్ ముమ్మాటికి బూటకపు ఎన్‌కౌంటర్ అని ఆమె ధ్వజమెత్తారు. రాత్రి నిద్రిస్తున్న సమయంలో మావోయిస్టులపై దొంగదెబ్బతీసి పొట్టన పెట్టుకున్నారని ఆమె ఆరోపించారు. పోలీసులు ఏ విధమైన ముందస్తు హెచ్చరికలు చేయకుండానే అందరినీ బూటకపు ఎన్‌కౌంటర్‌లో చంపేశారని శిరీష విమర్శించారు. విరసం నేత, మున్నా బాబాయి జి కళ్యాణరావు విలేఖర్లతో మాట్లాడుతూ ప్రజలతో సంబంధం లేని లోకేష్‌కు, డిజిపి సాంబశివరావుకు అదనపు భద్రత కల్పించుకోడానికే ముఖ్యమంత్రిబూటకపు లేఖలు ప్రచురించారని ధ్వజమెత్తారు.
బాకూరులో గణేష్‌కు నివాళి
హుకుంపేట: ఎన్‌కౌంటర్‌లో మృతి చెందిన మావోయిస్టు రాష్ట్ర నాయకుడు బాకూరు వెంకటరమణ అలియాస్ గణేష్ అంత్యక్రియలు గురువారం బాకూరులో కుటుంబ సభ్యులు, వందలాది మంది ప్రజల మధ్య నిర్వహించారు.
గణేష్ భార్య దమయంతి, సోదరుడు కృష్ణంరాజు, బొంజుబాబు తదితర కుటుంబ సభ్యులు గణేష్ మృతదేహాన్ని మల్కన్‌గిరి నుంచి బుధవారం రాత్రి స్వగ్రామమైన బాకూరుకు తీసుకువచ్చారు. అప్పటికే పూర్తిగా చీకటి పడిపోవడంతో అంత్యక్రియలను గురువారానికి వాయిదా వేశారు.ఆదివాసీ హక్కుల కోసం విద్యార్థి దశలోనే మావోయిస్టు ఉద్యమంలో చేరి ప్రజల కోసమే అహర్నిషలు పనిచేశారన్నారు. ఆదివాసీ హక్కుల కోసం పోరాడుతున్న గణేష్ పోలీస్ తూటాలకు అన్యాయంగా బలయ్యారని ఆవేదన వ్యక్తం చేశారు. ఉపాధ్యాయ సంఘాల నాయకులు పలాసి కృష్ణారావు, చెండా ఏలియా, ప్రొఫెసర్ జర్రా అప్పారావు, డిఎల్‌ఒ నాయకులు రంజిత్‌కుమార్, వైకాపా నేత సురేష్, చిన్నప్పలనాయుడు గణేష్‌కు నివాళులు అర్పించారు.
పల్లంట్లలో ఇద్దరికి అంతిమ సంస్కారం
దేవరపల్లి: ఎఒబిలో ఇటీవల జరిగిన ఎన్‌కౌంటర్‌లో మృతిచెందిన ఇద్దరు మావోయిస్టుల మృతదేహాలకు పశ్చిమ గోదావరి జిల్లా దేవరపల్లి మండలం పల్లంట్లలో గురువారం అంత్యక్రియలు నిర్వహించారు. మృతులు అయినపర్తి దాసు (మధు), గెడ్డం సువర్ణరాజు బావ, బావమరుదులు. వీరి స్వగ్రామం దేవరపల్లి మండలం పల్లంట్ల కావడంతో పోస్టుమార్టం పూర్తయిన వారి మృతదేహాలను ఇక్కడకు తరలించారు. ఎఐఎఫ్‌యు రాష్ట్ర నేత ఎస్‌కె మస్తాన్, రాష్ట్ర పౌరహక్కుల సంఘం నేత వేడంగి చిట్టిబాబు ఆధ్వర్యంలో సంతాప సభ నిర్వహించారు.
చిత్రాలు..ఆలకూరపాడులో మున్నా అంతిమయాత్ర. బాకూరులో గణేష్‌కు నివాళి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.