రాష్ట్రీయం
అనువాదాలు మానవాళిని చేరువ చేస్తాయి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 28: అనువాదాలు మానవాళిని దగ్గర చేస్తాయని రష్యా రాజధాని మాస్కోలో జరిగిన హిందీ సమ్మేళనంలో కేంద్ర హిందీ సమితి సభ్యుడు యార్లగడ్డ లక్ష్మీప్రసాద్ పేర్కొన్నారు. దేశాల అగ్రనాయకుల చర్చలలో దుబాసీల ప్రాముఖ్యత ఉన్నట్టే, సాహిత్య అనువాదాల వల్ల జాతులు, దేశాలు, వాటి సంస్కృతుల మధ్య పరస్పరం అవగాహన పెరగడానికి తద్వారా ప్రపంచ మానవాళి దగ్గర కావడానికి అవకాశం ఏర్పడుతందని ఆయన పేర్కొన్నారు. మాస్కోలో భారత దౌత్య కార్యాలయం, మాస్కో రాజకీయ విశ్వవిద్యాలయం, ఆఫ్రికన్- ఏషియన్ అధ్యయన సంస్థ కలిపి ఏర్పాటు చేసిన రెండు రోజుల అంతర్జాతీయ సమ్మేళనంలో ఆయన పాల్గొన్నారు. మాస్కో, సెయింటర్ పీటర్స్ బర్గ్‌తష్కెంట్ నగరాలతో పాటు బల్గేరియా, ఉజ్బెకిస్థాన్, కజికిస్థాన్, బెలారస్, అజర్‌బైజాన్‌దేశాలనుండి 150 మందికి పైగా ప్రతినిధులు పాల్గొన్న ఈ సదస్సులో ‘ఆధునిక కాలంలో హిందీ వికాసం దాని భవిష్యత్’పై చర్చలు జరగాయి. అన్య భారతీయ భాషలతో పాటు ప్రచలితమైన ప్రపంచ భాషల నుండి కూడా అవసరమైన కొత్త శబ్దాలతో హిందీ భాషను పరిపుష్టం చేసుకోవాలని యార్లగడ్డ చెప్పారు. ఐక్యరాజ్యసమితిలో హిందీని అధికార భాషల్లో ఒకటిగా చేయడానికి తోడ్పడాల్సిందిగా యార్లగడ్డ వివిధ దేశాల ప్రతినిధులను కోరారు. ఈ సందర్భంగా యార్లగడ్డను ప్రశంసాపత్రంతో మాస్కో విశ్వవిద్యాలయ అధికారి డాల్యుద్మిలా ఖోఖలోవా సత్కరించారు.
చిత్రం... మాస్కోలో జరిగిన రెండు రోజుల అంతర్జాతీయ సమ్మేళనంలో భాగంగా యార్లగడ్డను సత్కరిస్తున్న మాస్కో విశ్వవిద్యాలయ అధికారి డాల్యుద్మిలా ఖోఖలోవా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.