రాష్ట్రీయం
న్యాయ వ్యవస్థను నమ్మరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 29: సుప్రీం కోర్టు, హైకోర్టుతో పాటు దేశంలోని అన్ని న్యాయ స్థానాల్లో ఖాళీగా ఉన్న జడ్జిల పోస్టులను వెంటనే భర్తీ చేయని పక్షంలో ప్రజలకు న్యాయ వ్యవస్థంటే నమ్మకం సడలుతుందని సుప్రీంకోర్టు మాజీ న్యాయమూర్తి ఎన్ సంతోష్ హెగ్డే అన్నారు. శనివారం ఆయన ఇక్కడ విలేఖర్లతో ముచ్చటిస్తూ, న్యాయ వ్యవస్థను పటిష్ఠం చేయని పక్షంలో వివాదాలను సెటిల్‌మెంట్ చేసే గ్రూపులు పుట్టుకొస్తాయని, ఇది దేశానికి ప్రమాదకరమన్నారు. హైకోర్టుల్లో 50 శాతం జడ్జిపోస్టులు ఖాళీగా ఉన్నందు వల్ల కేసుల పెండింగ్ పెరిగిపోతోందని, ఒక్కో కేసు పరిష్కారానికి 15 సంవత్సరాల సమయం పడుతోందన్నారు. ఒక సారి న్యాయ వ్యవస్థపట్ల నమ్మకం సడలితే సమాజంలో అన్ని రకాల అజ్ఞాత శక్తులు, గ్యాంగులు ఏర్పడుతాయన్నారు. గూండాలు, రౌడీలు రుణాల రికవరీకి పాల్పడుతారన్నారు. కొలీజియంను కేంద్రం విస్మరించరాదన్నారు. ఈ వ్యవస్థ సిఫార్సులను కేంద్రం అమలు చేయడం మంచిదన్నారు. హైకోర్టు జడ్జిల మంజూరైన పోస్టులను 906 నుంచి 1079కి పెంచారని, ఇది మంచి పరిణామమన్నారు. వెంటనే ఈ పోస్టుల భర్తీకి కేంద్రం చర్యలు తీసుకోవాలన్నారు. ఒక వేళ కొలీజియం సిఫార్సులు నచ్చకపోతే, మళ్లీ మంచి అభిప్రాయాలను పంపి వాటిని ఆమోదింపచేసుకోవచ్చన్నారు. అంతేకాని పెండింగ్‌లో పెట్టడం మంచిదికాదన్నారు. కొలీజియం నిర్ణయాలే శిరోధార్యమని, ఈ విషయాన్ని అందరూ గుర్తుపెట్టుకోవాలన్నారు. అలహాబాద్ హైకోర్టులో 60 శాతం, కర్నాటక హైకోర్టులో 50 శాతం జడ్జిల పోస్టులు ఖాళీగా ఉన్నాయన్నారు. దేశంలో ఏ హైకోర్టుకు కూడా పూర్తి స్థాయిలో జడ్జిలు లేరని హెగ్డే అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.