రాష్ట్రీయం
నిప్పంటించుకుని నిండు గర్భిణి ఆత్మహత్య
S ,7 à 8 RSCA (si SASPAS) et 6 cialis pharmacie cialis rapports de stage.
సదాశివపేట, అక్టోబర్ 29: పొట్టనింపుతూ జీవితాంతం పోషిస్తాడని నమ్మి ప్రేమించి కులాంతర వివాహమాడిన నిండు గర్భిణి భర్త నయవంచన, అత్త వేధింపులకులోనై అర్ధంతరంగా తనువు చాలించిన సంఘటన సంగారెడ్డి జిల్లా సదాశివపేట మున్సిపల్ పట్టణంలో చోటుచేసుకుంది. ఇన్‌స్పెక్టర్ గిరిజాల వెంకటేశ్వర్లు కథనం ప్రకారం వివరాలు ఈ విధంగా ఉన్నాయి. మహబూబ్‌నగర్ జిల్లా అడ్డాకుల గ్రామానికి చెందిన జోత్స్న (23) సదాశివపేట పట్టణ పరిధిలోని ప్రియదర్శిని స్పిన్నింగ్ మిల్లులో పనిచేయడానికి వలస వచ్చింది. పట్టణంలోని రవీంద్రనగర్‌కు చెందిన శివ అలియాస్ శివకుమార్ లారీ డ్రైవర్‌గా పనిచేస్తుండగా జోత్స్నతో పరిచయం ఏర్పడింది. ఆ పరిచయం కాస్త ప్రేమకు దారితీసింది. ఈ నేపథ్యంలో 2014లో జోత్స్న, శివ కులాంతర వివాహం చేసుకున్నారు. కొద్ది రోజుల పాటు కాపురం సజావుగా కొనసాగగా భర్త శివ పని మానుకుని పేకాటకు బానిసగా మారాడు. మరోవైపు అత్త ప్రమీల కూడ తరచుగా వేధింపులకు గురిచేయడంతో తన కాపురాన్ని సరిదిద్దుకోవాలని ఓ ప్రైవేట్ వినోదపు ఛానల్‌లో నిర్వహిస్తున్న జట్కాబండి కార్యక్రమాన్ని ఆశ్రయించింది. జూలై 14న సదరు కార్యక్రమాన్ని ఆశ్రయించగా అక్కడి నిపుణులు చేసిన సూచనలతో మళ్లీ వచ్చి కాపురం కొనసాగిస్తున్నారు. ఈ నేపథ్యంలో భర్త తీరు మారకపోగా అత్త వేధింపులు మరింత శృతిమించాయి. మరో పది, పక్షం రోజుల్లో పండంటి బిడ్డకు పురుడు పోసుకుంటానన్న విషయాన్ని కూడా మరిచిపోయిన బాధితురాలు ఆత్మహత్యే శరణ్యంగా భావించింది. శనివారం మధ్యాహ్నం 1.30 గంటల సమయంలో ఒంటిపై కిరోసిన్ పోసుకుని నిప్పంటించుకుంది. మంటలకు తాళలేక అరుపులు, కేకలు వేయడంతో చుట్టుపక్కలవాళ్లు వెంటనే చికిత్స నిమిత్తం సంగారెడ్డి ప్రభుత్వ ఆసుపత్రికి తరలించారు. చికిత్స అందిస్తుండగా మృతి చెందింది. మృతురాలి మరణ వాంగ్మూలాన్ని సేకరించడానికి మెజిస్ట్రేట్ వచ్చేలోపే మృతి చెందినట్లు పోలీసులు తెలిపారు. మృతురాలు ప్రత్యక్షంగా పోలీసులకు అందించిన వివరాల మేరకు కేసు నమోదు చేసుకుని దర్యాప్తు చేస్తున్నారు. జోత్స్న తల్లిదండ్రులు, ఇతర బంధువుల ఆచూకీ కోసం పోలీసులు ప్రయత్నిస్తున్నారు.
చిత్రం.. ఒంటిపై కిరోసిన్ పోసుకుని మృత్యువుతో పోరాడుతూ బాధలను వ్యక్తం చేస్తున్న జోత్స్న
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.