రాష్ట్రీయం
ఈ-మాటకు కొత్తపీట!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 5: శాస్త్ర సాంకేతిక సమాచార విప్లవానికి కేంద్ర బిందువుగా ఉన్న ఇంటర్నెట్ అంశాలపై హైదరాబాద్‌లో జరుగుతున్న తొలి విశ్వ సదస్సుపైనే అందరి దృష్టి పడింది. ప్రపంచవ్యాప్తంగా ఇంటర్నెట్ వినియోగం, నామఫలకాలు, ప్రాంతీయ భాషల్లో వినియోగం, అంతర్జాల చట్టాలు, ప్రభుత్వ ప్రైవేటు సంస్థల భాగస్వామ్యానికి సంబంధించి పెనుమార్పులు చోటుచేసుకోనున్న తరుణంలో సదస్సుకు అత్యధిక ప్రాధాన్యత ఏర్పడింది. ఏడు రోజులపాటు జరిగే ‘ద ఇంటర్నెట్ కార్పొరేషన్ ఆఫ్ అసైన్డ్ నేమ్స్ అండ్ నంబర్స్’ (ఐకాన్ -ఐసిఎఎన్‌ఎన్) 57వ సదస్సు కీలక కార్యక్రమాలు శనివారం ప్రారంభమయ్యాయి. భారతదేశంలో ఇంటర్నెట్ విశ్వ సదస్సు జరగడం ఇదే ప్రథమం. రెండు రోజుల క్రితమే సన్నాహక సమావేశాలు ప్రారంభమైనా, అంతర్జాతీయ సదస్సు శనివారం మొదలైంది. సదస్సు వారంపాటు జరుగుతుంది. ఏడు రోజుల్లో రెండు వేదికలపై దాదాపు 355 అంశాలకు సంబంధించి సమాంతరంగా చర్చలు జరుగుతాయి. భారత ప్రభుత్వం రూట్ సర్వర్ ఏర్పాటుకు సన్నాహాలు చేయడం ద్వారా పరోక్షంగా ఇంటర్‌నెట్‌పై ఆధిపత్యానికి ప్రయత్నాలు మొదలెట్టింది. ఈ అంశంపైనా సదస్సులో చర్చ జరగనుంది. గత సెప్టెంబర్‌లో ఇంటర్‌నెట్‌పై అమెరికా ఆధిపత్యానికి తెరదించిన తర్వాత జరుగుతున్న తొలి సమావేశం భారత్‌లోనూ, అందులో హైదరాబాద్‌లో జరగడం విశేష ప్రాధాన్యత సంతరించుకుంది. సదస్సులో సైబర్ సెక్యూరిటీపై కీలక నిర్ణయాలు తీసుకుంటారు. అదేవిధంగా భవిష్యత్‌లో డొమైన్ పేర్ల వ్యవస్థకు కొత్త రూపమిస్తారు. ప్రాంతీయ భాషల్లో డొమైన్లు రిజిస్టర్ చేయడంతో పాటు అందుకు సంబంధించిన కొత్త చట్టాలు రూపకల్పనకు ప్రయత్నిస్తారు. ఇంటర్నెట్ సుపరిపాలనపైనా చర్చలు జరుగుతాయి. ఇటీవల ఉక్కిరిబిక్కిరి చేస్తున్న ఇంటర్నెట్ ఆఫ్ థింగ్స్ కారణంగా వస్తున్న చిక్కులపై పరిష్కారాలు అనే్వషిస్తారు. వివిధ దేశాలకు కేటాయించిన సంఖ్యలు, సంక్షిప్త నామాలను పునఃసమీక్షతో పాటు కొత్త అవసరాలను దృష్టిలో ఉంచుకుని అందుకు తగిన సన్నాహాలు చేస్తారు. ఇంటర్నెట్ వినియోగదారుల అవసరాలు, వ్యాపారాత్మక అంశాలు, మేథోసంపత్తి వ్యవహారాలు, ప్రభుత్వ సంస్థలు- ప్రైవేటు వ్యక్తుల మధ్య నెట్ వినియోగ అంశాలు, ఇంటర్నెట్ ప్రోటోకాల్ ఐపి చిరునామాలు, గవర్నమెంటల్ అడ్వయిజరీ కమిటీలు, సెక్యూరిటీ అడ్వయిజరీ కమిటీలు ఇతర సంస్థల వ్యవహారాలను కూడా చర్చిస్తారు.
శనివారం హైటెక్స్ నోవా టెల్ హోటల్‌లో మొదలైన ఐసియాన్ సదస్సులో కేంద్రమంత్రి కమ్యూనికేషన్లు, ఐటి, న్యాయశాఖ మంత్రి రవిశంకర్, తెలంగాణ ఐటి శాఖా మంత్రి కె తారక రామారావు సహా వివిధ దేశాల నుంచి వచ్చిన 3వేల మంది ప్రతినిధులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.