రాష్ట్రీయం
ప్రేమించండి.. సేవించండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 5: ప్రేమకు మించినది సమాజంలో మరొకటి లేదు. మీరు ప్రేమను పెంచితే శత్రువు కూడా మిత్రుడవుతారని ప్రముఖ ఆధ్యాత్మిక వేత్త, ఆర్ట్ ఆఫ్ లివింగ్ అధినేత శ్రీశ్రీ రవిశంకర్‌జీ అన్నారు. అన్ని మతాలు శాంతినే ప్రబోధించాయన్నారు. శనివారం ఇక్కడ ఎగ్జిబిషన్ మైదానంలో నిర్వహించిన అంతర్జాతీయ శాంతి సదస్సులో ప్రసంగించారు. ప్రేమ అందరినీ కలుపుతుందని, మతాలు వేరైనా దేవుడొక్కడే అన్నారు. సమాజంలో అన్ని మతాల వారు కలిసి మెలిసి ఉండాలన్నారు. మనస్పర్థలు ఉంటే గాలి కూడా వేడి అవుతుందని, ప్రేమగా ఉంటే వాతావరణం కూడా చల్లగా ఉంటుందన్నారు. కళ్లలో కళ్లుపెట్టి చూసి ప్రేమ భావాలతో శాంతి సందేశం ఇవ్వాలని సూచించారు. రాజస్థాన్‌లోని అజ్మీర్‌లోని హజ్రత్ కాజా గరీబ్ నవాజ్‌కు చెందిన దివాన్ హజ్రత్ సయ్యద్ జైనుల్ అబెదీన్ అలీఖాన్ మాట్లాడుతూ ఉపనిషత్తులు, వేదాలు, సూఫీ, ఇస్లాం, క్రైస్తవం అన్నీ సమాజంలో భేదభావం లేకుండా కలిసిమెలసి ఉండాలని చెబుతున్నాయన్నారు. ఎవరికీ దుఖం, కష్టం కలిగించకూడదన్నారు. దేవుని అవసరం మనకు ఉందికానీ, మన అవసరం దేవునికి లేదని గుర్తించాలన్నారు. సూపర్ పవర్, న్యూక్లియర్ వంటి ప్రయోగాలు చేయవద్దని హితవు పలికారు. ఉత్తరప్రదేశ్‌లోని లక్నోకు చెందిన హిందూ ముస్లిం జనఏక్తా వ్యవస్థాపక అధ్యక్షుడు స్వామి శ్రీలక్ష్మీశంకరాచార్య మాట్లాడుతూ కామ క్రోధ లోభాలకు అతీతంగా మనిషి ఉండాలన్నారు. అంతకుముందు కేంద్రమంత్రి బండారు దత్తాత్రేయ, తెలంగాణ రాష్ట్ర ఉప ముఖ్యమంత్రి మెహమూద్ అలీ, హోంశాఖ మంత్రి నాయిని నరసింహారెడ్డి, లక్నోకు చెందిన హిందూ ముస్లిం జనైక్యత స్వామి శ్రీ లక్ష్మీశంకర ఆచార్యతో పాటు పలువురు నేతలు మాట్లాడారు. ఈ కార్యక్రమానికి పెద్దసంఖ్యలో అన్ని వర్గాలకు చెందిన ప్రజలు హాజరయ్యారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.