రాష్ట్రీయం
తెలంగాణ కాలేజీలపై ఎఎఫ్‌ఆర్‌సి పట్టు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 7: వృత్తి సాంకేతిక విద్యా సంస్థల్లో ఇటు అధ్యాపకులు , అటు విద్యార్ధులు అక్రమార్కులే ఎక్కువగా ఉన్నట్టు ఇటీవల తెలంగాణ ప్రభుత్వం నిర్వహించిన విజిలెన్స్ తనిఖీల్లో తేటతెల్లం కావడంతో అక్రమార్కులకు కళ్లెం వేసేందుకు ప్రభుత్వం సిద్ధం అయ్యింది. చాలా కాలేజీల్లో పనిచేయని అధ్యాపకుల పేర్లు, రికార్డులు అధికారులకు చూపిస్తుండగా, వాటిని ఆమోదించి వెళ్లడం ప్రతిసారీ తనిఖీ బృందాలకు రివాజుగా మారింది. మరో పక్క తరగతులకు రాకున్నా, వేర్వేరు వ్యాపకాల్లో నిమగ్నమైన విద్యార్థులు హాస్టళ్లలో ఉంటూ, స్కాలర్‌షిప్‌లు తీసుకుంటూ ఉచిత విద్యను అందుకుంటూ మరో పక్క ఆయా విద్యాసంస్థలకే తలనొప్పిగా తయారవుతున్న వ్యవహారం కూడా ప్రభుత్వం దృష్టికి వచ్చింది. ఈ క్రమంలో ఇటు అధ్యాపకులను దారిలోకి తెచ్చేందుకు ఆయా విద్యాసంస్థలు నిర్వహించే వెబ్‌పోర్టల్స్‌లో అన్ని వివరాలూ పొందుపరచాలని ఆదేశించింది. అయితే వెబ్‌పోర్టల్స్‌లో ఉండే వారి పేర్లు వేరుగానూ, కాలేజీలో పనిచేస్తున్న వారి పేర్లు వేరుగానూ ఉన్నా వాటిని చెక్ చేసుకునే యంత్రాంగం ఉన్నత విద్యామండలిలో లేకపోవడంతో యాజమాన్యాలు ఆడిందే ఆటగా పాడిందే పాటగా సాగిపోతోంది. ఈ క్రమంలోనే రానున్న రోజుల్లో అక్రమార్కులకు అడ్డుకట్టవేసేందుకు విద్యాసంవత్సరం ప్రారంభంలోనే ముందస్తుగా సమాచారాన్ని సేకరిస్తోంది. ఈమేరకు తెలంగాణ అడ్మిషన్స్ అండ్ ఫీజు రెగ్యులేటరీ కమిటీ కాలేజీలకు ఆదేశాలు జారీ చేసింది. దాని ప్రకారం ప్రతి కాలేజీలో పనిచేస్తున్న సిబ్బంది, బోధనేతర సిబ్బంది పేర్లు, వారి హోదా, అర్హతలు, పాన్ నెంబర్, ఆధార్ నెంబర్, ప్రతి నెలా చెల్లిస్తున్న జీతం వివరాలు కూడా కావాలని పేర్కొంది. అదే రీతిన ప్రతి కోర్సులో చేరిన విద్యార్థులు, వారి వివరాలు, రిజిస్ట్రేషన్ సంఖ్య, రోల్ నెంబర్‌లు కూడా పంపించాలని ఆదేశించింది. రానున్న రోజుల్లో కాలేజీల్లో బయోమెట్రిక్ డాటాను ఏర్పాటు చేసి , దానిని సెంట్రల్ కమాండ్‌తో అనుసంధానం చేసే యోచనలో ప్రభుత్వం ఉంది. తద్వారా కాలేజీలు ఇచ్చే సమాచారంతో పనే్లకుండానే సెంట్రల్ కమాండ్‌లో ఏ లెక్చరర్ ఎన్ని గంటలకు వచ్చారో, ఏ కాలేజీ స్టూడెంట్ ఎన్ని గంటలకు కాలేజీకి వచ్చారో కూడా క్షణాల్లో తెలిసే వీలుంది. యాజమాన్యాల ఆటలకు దీంతో అడ్డుకట్టవేసినట్టవుతుందని ఉన్నత విద్యాశాఖ అధికారులు చెబుతున్నారు. ఈ ప్రయత్నాల్లో భాగంగానే టిఎఎఫ్‌ఆర్‌సి ఒక నోట్‌ను కాలేజీలకు పంపించింది. ఈ సమాచారాన్ని నవంబర్ 30లోగా పంపించాలని, ఎప్పటికపుడు మార్పులు, చేర్పులు కూడా టిఎఎఫ్‌ఆర్‌సికి చేరవేయాలని కూడా సూచించింది. ఈ ప్రయత్నాలు ఫలిస్తే నకిలీలకు తెరదించినట్టవుతుందని చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.