రాష్ట్రీయం
కొలువులకు కొత్త గేమ్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 11: విస్తృతమవుతున్న గేమింగ్ పరిశ్రమతో కొత్త కొలువులకు అవకాశం ఉందని, గేమింగ్ పరిశ్రమకు హైదరాబాద్‌లో ఉజ్వల భవిష్యత్ ఉందని ఐటి మంత్రి కె తారక రామారావు పేర్కొన్నారు. గేమింగ్ పరిశ్రమతో మరిన్ని ఉద్యోగావకాశాల కల్పనకు ప్రభుత్వం కృషి చేస్తోందన్నారు. త్వరలో టి- హబ్ రెండో దశ భవనాన్ని మూడువేల చదరపు అడుగులతో ఏర్పాటు చేయనున్నట్టు చెప్పారు. హెచ్‌ఐసిసిలో నాస్కామ్ ఆధ్వర్యంలో గేమ్ డెవలపర్స్ కాన్ఫరెన్స్‌ను శుక్రవారం ప్రారంభించి మాట్లాడారు. ఈ సందర్భంగా త్వరలో హైదరాబాద్‌లో నిర్మించే ఇమేజ్ టవర్స్ ఫస్ట్‌లుక్‌ను మంత్రి కెటిఆర్ విడుదల చేశారు. అత్యాధునిక డిజైన్‌లతో టవర్లు నిర్మించనున్నట్టు చెప్పారు. ట్విట్టర్ ద్వారా కెటిఆర్ ఈ డిజైన్లను విడుదల చేశారు. ఇన్నోవేషన్స్, మల్టీమీడియా, యానిమేషన్, గేమింగ్ అండ్ ఎంటర్‌టైన్‌మెంట్ కలిపి ఇమేజ్ అని పేరు పెట్టినట్టు చెప్పారు. నాలుగువైపులా నాలుగు టవర్లు కనిపించేలా నిర్మాణం ఉంటుందన్నారు. అనంతరం గేమ్ డెవలపర్స్ కాన్ఫరెన్స్‌లో మంత్రి కెటిఆర్ మాట్లాడుతూ హైదరాబాద్‌లో వందకుపైగా ప్రముఖ గేమింగ్ సంస్థలు ఉన్నాయన్నారు. హైదరాబాద్‌లో గేమింగ్ ఇండస్ట్రీలో 30వేల మంది పని చేస్తున్నారని చెప్పారు. బాహుబలి, మగధీర, ఈగ, లైఫ్ ఆఫ్ పైలాంటి పెద్ద సినిమాలకు విజువల్ ఎఫెక్ట్స్ హైదరాబాద్‌లోనే జరిగాయమన్నారు. గేమింగ్ ఇండస్ట్రీలో ఉపాధి అవకాశాలు మరింతగా పెంచాలని ప్రయత్నిస్తున్నట్టు చెప్పారు. గేమింగ్, మల్టీమీడియా ఇండస్ట్రీకి తెలంగాణ ప్రభుత్వం ప్రత్యేక రాయితీలు ఇస్తోందన్నారు. తెలంగాణ టెక్నాలజీ పేరుతో నగరంలో భారీ ఇంక్యుబేటర్ నిర్మించనున్నట్టు కెటిఆర్ తెలిపారు. గేమింగ్ పరిశ్రమ కోసం ప్రత్యేక పాలసీ రూపొందించినట్టు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.