రాష్ట్రీయం
ముద్రగడ గృహ నిర్బంధం
S ,7 à 8 RSCA (si SASPAS) et 6 cialis pharmacie cialis rapports de stage.
ప్రత్తిపాడు, నవంబర్ 15: కాపులను బీసీల్లో చేర్చాలనే డిమాండుతో బుధవారం నుండి సత్యాగ్రహ పాదయాత్ర జరప తలపెట్టిన మాజీ మంత్రి, కాపు ఉద్యమ నాయకుడు ముద్రగడ పద్మనాభంను పోలీసులు మంగళవారం సాయంత్రం నుండి గృహ నిర్బంధంలో ఉంచారు. ఈ నెల 16 నుండి 21 వరకు తూర్పు గోదావరి జిల్లాలోని రావులపాలెం నుండి అంతర్వేది వరకు సత్యాగ్రహ యాత్ర నిర్వహిస్తామని ముద్రగడ ప్రకటించిన సంగతి తెలిసిందే. ఈ నేపథ్యంలో కిర్లంపూడిలోని తన ఇంటి నుండి అనుచరులతో రావులపాలెం వెళ్లడానికి కార్లలో బయల్దేరిన ముద్రగడను పోలీసులు అడ్డుకుని హౌస్ అరెస్టుచేస్తున్నట్టు ప్రకటించారు. దీనితో ఆయన వెనుతిరిగి ఇంటిలోకి వెళ్లిపోయారు. అనంతరం ముగ్గురు పోలీసు అధికారులు ముద్రగడ ఇంట్లోకి వెళ్లి ఉన్నతాధికారులు ఇచ్చిన 48 గంటల హౌస్ అరెస్టు ఆదేశాల గురించి వివరించారు. దీనిపై స్పందించిన ముద్రగడ పోలీసు అధికారులకు పలు ప్రశ్నలు సంధించారు. తన హౌస్ అరెస్టుకు సంబంధించి లిఖితపూర్వక ఉత్తర్వులు ఉన్నాయా అని ప్రశ్నించారు. అందుకు పోలీసు అధికారులు వౌనం దాల్చారు. ‘మీ పరిస్థితి నాకు తెలుసు, ఇంతకు మించి ఏం చేయగలరు? హౌస్ అరెస్టు గడువు దాటాక పాదయాత్రకు అనుమతిస్తారా?’ అని ప్రశ్నించారు. అప్పుడూ పోలీసు అధికారుల నుండి వౌనమే సమాధానమైంది. గతంలో వైఎస్సార్, వైఎస్ జగన్, షర్మిల, చంద్రబాబు పాదయాత్రలు చేసినప్పడు వారికి ప్రభుత్వం ఇచ్చిన అనుమతి పత్రాలు ఉన్నాయా అన్న ప్రశ్నకు కూడా పోలీసు అధికారులు సరైన వివరణ ఇవ్వలేకపోయారు. దీనితో తనకు ఎప్పుడు స్వేచ్ఛనిస్తే అప్పుడే తిరిగి సత్యాగ్రహ పాదయాత్ర తేదీని ప్రకటిస్తానని ముద్రగడ వారికి స్పష్టం చేశారు. అప్పటికే అక్కడ పలువురు ఉద్యమ నాయకులు ఉండటంతో పోలీసు అధికారుల ఇబ్బందిని గమనించిన ముద్రగడ అక్కడున్న ఇతరులను బయటకు పంపించివేసి, వారితో కొంతసేపు విడిగా మాట్లాడారు. కాపు జెఎసి నేతలు వాసిరెడ్డి ఏసుదాసు, ఎవి రమణ, గౌతు స్వామి తదితరులు ముద్రగడ వెంట ఉన్నారు.
పోలీసుల అదుపులో
జెఎసి నేత ఆకుల
కాపు ఉద్యమ నాయకుడు, ముద్రగడ ప్రధాన అనుచరుల్లో ఒకరైన ఆకుల రామకృష్ణను మంగళవారం సాయంత్రం రావులపాలెం పోలీసులు అదుపులోకి తీసుకున్నారు. రావులపాలెం మండలం గోపాలపురం గ్రామానికి చెందిన రామకృష్ణ సత్యాగ్రహ పాదయాత్ర ప్రారంభం కానున్న రావులపాలెంలోని కళా వెంక్రటావు సెంటర్‌లో ఏర్పాట్లను పర్యవేక్షించారు. అనంతరం అనూహ్యంగా పోలీసులు రామకృష్ణను అదుపులోకి తీసుకుని, పోలీసు స్టేషన్‌కు తరలించారు. అక్కడి నుండి వేరే ప్రాంతానికి తరలించారు. ఆయనతోపాటు రావులపాలెం మండల కాపు సంఘం అధ్యక్షుడు తాడాల శ్రీనివాస్‌ను కూడా పోలీసులు అదుపులోకి తీసుకున్నారు. ఆయనను ఎక్కడికి తరలించారనే దానిపై స్థానిక పోలీసులు స్పష్టత ఇవ్వలేదు.
చిత్రం.. సహచరులతో ముచ్ఛటిస్తున్న ముద్రగడ పద్మనాభం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.