రాష్ట్రీయం
నేషనల్ అకడమిక్ డిపాజిటరీ ఏర్పాటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: దేశ వ్యాప్తంగా విద్యార్థుల డేటాబేస్ నిర్వహించేందుకు జాతీయ స్థాయిలో నేషనల్ అకడమిక్ డిపాజిటరీ ఏర్పాటు చేయాలని కేంద్ర ప్రభుత్వం నిర్ణయించింది. దేశ వ్యాప్తంగా ప్లస్ టు స్థాయి నుండి ఉన్నత విద్య అభ్యసించే ప్రతి ఒక్కరి వివరాలు ఈ నేషనల్ అకడమిక్ డిపాజిటరీలో అందుబాటులో ఉంటాయి. అన్ని రకాల డిగ్రీలు, డిప్లోమోలు, సర్ట్ఫికెట్లు, మార్కుల జాబితాలు, కోర్సుల వారీ అభ్యర్థుల పేర్లు వారి ఆధార్ నెంబర్లు ఈ డిపాజిటరీలో ఉంటాయి. ఆధార్ నెంబర్ ఆన్‌లైన్‌లో పరిశీలించగానే ఆ అభ్యర్థి చదువు వివరాలు అన్నీ ప్రత్యక్షమవుతాయి. అలాగే అభ్యర్థి వేలిముద్రలు పరిశీలించగానే ఆధార్ నెంబర్‌తో పాటు ఆయన చదువు వివరాలు వస్తాయి. అభ్యర్థి ప్రకటించుకున్న విద్యార్హతలు అన్నీ సరైనవేనా కాదా అన్నది క్షణంలో తేలిపోతుంది. ప్రస్తుతం నకిలీ సర్ట్ఫికెట్లు పొంది వాటిని సమర్పించడం ద్వారా ఉద్యోగాలు పొందుతున్న వారి ఆటలు ఇక సాగకుండా ఈ చర్యలు చేపడుతున్నారు. అదే విధంగా విదేశాలకు వెళ్లే అభ్యర్థులకు వీసా జారీ, పాస్‌పోర్టుల జారీ వంటి సందర్భాల్లోనూ కేంద్రం అభ్యర్థుల క్రెడిన్షియల్స్‌ను పరిశీలించేందుకు నేషనల్ అకడమిక్ డిపాజిటరీ ఉపయోగపడుతుంది. ఈ వ్యవస్థ ఎన్‌ఎస్‌డిఎల్ డాటాబేస్ మేనేజిమెంట్ లిమిటెడ్ (ఎన్‌డిఎంఎల్), సిడిఎస్‌ఎల్ వెంచర్స్ లిమిటెడ్( సివిఎల్) ఆధీనంలో ఉంటుంది.
ఈ రెండూ సెబి చట్టం పరిధిలో పనిచేస్తుంటాయి. కేంద్ర విశ్వవిద్యాలయాలు, దేశంలో జాతీయ స్థాయి ప్రసిద్ధ ఉన్నత విద్యాసంస్థలు, జాతీయ ప్రాధాన్యం ఉన్న సంస్థలు నుండి సమాచారాన్ని సేకరించి యుజిసి ఈ డిపాజిటరీకి అందించేలా బాధ్యత తీసుకుంటుంది. అలాగే ఎన్‌సిటిఇ, ఎఐసిటిఇ వంటి జాతీయ పర్యవేక్షణ సంస్థలు కూడా భాగస్వామ్యం అవుతాయి. ఈ మేరకు ఈ సంస్థల మధ్య అవగాహన ఒప్పందం కుదుర్చుకుంటారు. విద్యాసంస్థలు కూడా ఎన్‌డిఎంఎల్, సిడిఎస్‌ఎల్‌లో ఏదో ఒక సంస్థను ఎంచుకుని అవగాహన ఒప్పందం కుదుర్చుకుని సమాచారాన్ని ఇవ్వాల్సి ఉంటుంది. ఈ మొత్తం వ్యవహారాన్ని పర్యవేక్షించేందుకు కేంద్రం ఓ స్టీరింగ్ కమిటీని నియమించింది. ఈ కమిటీకి కేంద్ర ఉన్నత విద్యాశాఖ కార్యదర్శి చైర్‌పర్సన్‌గా వ్యవహరిస్తారు. ఈ కమిటీలో యుజిసి చైర్మన్, ఎఐసిటిఇ చైర్మన్, సిఎబిఇ చైర్మన్, కేంద్ర మానవ వనరుల మంత్రిత్వశాఖ నుండి పాఠశాల విద్యా విభాగం ప్రతినిధి, కేంద్ర సమాచార సాంకేతిక విజ్ఞాన శాఖ, ఆర్ధిక శాఖ, ఆరోగ్యం -కుటుంబ సంక్షేమ శాఖ, నైపుణ్యాభివృద్ధి శాఖ, ఆయుష్, వికలాంగుల మంత్రిత్వశాఖ, విదేశీ వ్యవహారాల శాఖ, న్యాయ శాఖ, మానవ వనరులాభివృద్ధి శాఖ స్టాటిస్టిక్స్ విభాగం ప్రతినిధి, ఇతర ప్రత్యేక ప్రతినిధులు, ఉన్నత విద్యాశాఖ జాయింట్ సెక్రటరీ ఈ స్టీరింగ్ కమిటీలో సభ్యులుగా ఉంటారు. ఎఐసిటిఇ, ఎన్‌సిటిఇ, పిసిఐ, ఎంసిఐ, బిసిఐ, సిసిహెచ్, డిసిఐ, ఐఎన్‌సి, ఆర్‌సిఐ, సిసిఐఎం తదితర అపెక్స్ సంస్థల ప్రతినిధులు కూడా సభ్యులుగా ఉంటారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.