రాష్ట్రీయం
సంస్కరణలు రావాల్సిందే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 17: పెద్దనోట్ల రద్దు నిర్ణయం దేశ ఆర్థిక వ్యవస్థను పూర్తిస్థాయిలో ప్రక్షాళనకు దోహదపడే పక్షంలో ప్రధానికి మద్దతు ఇవ్వాలని ముఖ్యమంత్రి కె చంద్రశేఖర్‌రావు అభిప్రాయపడ్డారు. సంస్కరణలు కొనసాగి తీరాలని, అవి ఉన్నతస్థాయిలో పురోగమించడానికి దోహదపడాలని ఆకాంక్షించారు. ఆలోచనాపరులు, మేధావులు కలిసి పనిచేస్తే ఏదైనా విజయవంతం అవుతుందన్నారు. నల్లధనం నిర్మూలించడానికి కేంద్ర ప్రభుత్వం తీసుకున్న నిర్ణయంవల్ల సామాన్యులు, చిన్న వ్యాపారులు, అసంఘటిత వ్యాపార రంగంలో లావాదేవీలు నిర్వహించే వారు నష్టపోకుండా చూడాలని సూచించారు.
ప్రభుత్వం ఏ విధాన నిర్ణయం తీసుకున్నా కచ్చితంగా ప్రజలను పరిగణనలోకి తీసుకోవాలని, వారిని అభివృద్ధిలో భాగస్వాముల్ని చేయాలని ముఖ్యమంత్రి కోరారు. పెద్దనోట్ల రద్దు నిర్ణయం వల్ల రాష్ట్ర ఆదాయంపై ప్రభావం ఎంత మేరకు ఉందనే అంశంపై క్యాంప్ కార్యాలయంలో గురువారం ఉన్నతాధికారులతో ముఖ్యమంత్రి సమీక్షించారు. రాష్ట్ర ఆర్థిక రంగంపైనా, ఆదాయంపైనా నోట్ల రద్దు ప్రభావాన్ని సమీక్షించారు. రిజిస్ట్రేషన్స్, ట్రాన్స్‌పోర్టు విభాగాల్లో ఆదాయం బాగా తగ్గిందని, ఎక్సైజ్, అమ్మకం పన్ను, వాణిజ్య పన్నులు తదితర రంగాలపై పడిన ప్రభావాన్ని అధికారులు ముఖ్యమంత్రికి వివరించారు. ఈ సందర్భంగా ముఖ్యమంత్రి మాట్లాడుతూ, పెద్దనోట్ల రద్దు నిర్ణయం ఆర్థిక వ్యవస్థలోని లోటుపాట్లను సవరించడానికి, ఆర్థిక లావాదేవీలలో పారదర్శకత తీసుకురావడానికి ఉపయోగపడితే తప్పకుండా కేంద్ర నిర్ణయానికి మద్దతు ఇవ్వాల్సిందేనన్నారు. రెండున్నర లక్షలకు పైగా ఆదాయం/నగదు కలిగి ఉంటే బ్లాక్ మనీగా కాకుండా లెక్కలోకి రాని నగదుగా (అన్ అకౌంటెడ్ మనీ) పరిగణించాలని ముఖ్యమంత్రి సూచించారు. చిన్న, మధ్య తరగతి ప్రజలకు ఇబ్బంది కలుగకుండా చూడాలని, అవసరమైన మేరకు వారికి మద్దతు ఇవ్వాలని ముఖ్యమంత్రి అన్నారు. అసంఘటిత, చిల్లర వ్యాపారం చేసుకునే వారికి కొన్ని మినహాయింపులు ఇవ్వాల్సిన అవసరం ఉందన్నారు. పెద్ద నోట్ల రద్దు నిర్ణయం తర్వాత రాష్ట్రాల ఆదాయంపై ప్రభావం పడిందనే వాస్తవాన్ని కేంద్రం గ్రహించాలన్నారు.
చిత్రం.. పెద్దనోట్ల రద్దు ప్రభావంపై అధికారులతో సిఎం కెసిఆర్ సమీక్ష
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.