రాష్ట్రీయం
ఆర్‌ఎస్‌ఎస్ ప్రముఖ్ సురుజీ అస్తమయం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 19: రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) ప్రముఖ్, 93 ఏళ్ల వృద్ధ సైద్ధాంతికవేత్త కె సూర్యనారాయణ శుక్రవారం అర్ధ రాత్రి బెంగళూరులోని అపోలో ఆస్పత్రిలో కన్నుమూశారు. ఆయన పార్థివ దేహాన్ని ప్రజల సందర్శనార్థం శనివారం ఉదయం బెంగళూరులోని ఆర్‌ఎస్‌ఎస్ కార్యాలయంలో ఉంచారు. సాయంత్రం చామరాజపేట శ్మశానవాటికలో అంతిమసంస్కారం నిర్వహించారు. సూర్యనారాయణను అందరూ సురుజీగా పిలుస్తారు. గత 70 సంవత్సరాల పాటు ఆయన ఆర్‌ఎస్‌ఎస్‌కు పలు హోదాల్లో సేవలు అందించారు.
1924 ఆగస్టు 20న కృష్ణప్ప, సుందరమ్మ దంపతులకు సూర్యనారాయణ జన్మించారు. 1942లో విద్యార్థి దశలోనే ఆయన ఆర్‌ఎస్‌ఎస్ పట్ల ఆకర్షితులై అందులో చేరారు. 1946లో బిఎస్సీ పూర్తి కాగానే ఆయన ఆర్‌ఎస్‌ఎస్ ప్రచారక్‌గా నియమితులయ్యారు. కర్ణాటక నుండి ఆర్‌ఎస్‌ఎస్‌లో చేరిన తొలి ముగ్గురు ప్రచారక్‌లలో సూర్యనారాయణ ఒకరు. ఆర్‌ఎస్‌ఎస్‌లో కీలక బాధ్యతలు నిర్వహిస్తున్న నరహరి సూర్యనారాయణ సోదరుడే. సోదరి రుక్మిణి కూడా ఆర్‌ఎస్‌ఎస్‌లో ఉన్నత హోదాలో ఉన్నారు.
ప్రధాని దిగ్భ్రాంతి
సూర్యనారాయణ మృతి పట్ల ప్రధాని నరేంద్రమోదీ తీవ్ర దిగ్భ్రాంతిని, సంతాపాన్ని వ్యక్తం చేశారు. సూర్యనారాయణ అఖిల భారతీయ సేవా ప్రముఖ్‌గా కూడా చాలా కాలం పనిచేశారు. కర్ణాటక విభాగ్ ప్రముఖ్‌గా, తమిళనాడు ప్రాంతీయ ప్రచారక్‌గా తర్వాత దక్షిణాది రాష్ట్రాల క్షేత్ర ప్రచారక్‌గా పనిచేశారు. అమెరికా, ట్రినిడాడ్, కెనడా, ఇంగ్లాండ్, జర్మనీ, హాలండ్, నార్వే, కెన్యా, మలేసియా, సింగపూర్, నేపాల్ తదితర దేశాలలో ఆయన పర్యటించారు.
విశ్వ హిందూ పరిషత్, వనవాసి కళ్యాణ్ ఆశ్రమం, ఆరోగ్య భారతి, సేవా భారతి తదితర ఆర్‌ఎస్‌ఎస్ అనుబంధ సంస్థలతో చాలా సన్నిహితంగా ఉంటూ సేవలు అందించారు. కన్ను మూసేనాటికి ఆయన సెంట్రల్ ఎగ్జిక్యూటివ్ సభ్యుడిగా ఉన్నారు. 1969లో కర్ణాటకలోని ఉడిపిలో సంత్ సమ్మేళన్‌ను దిగ్విజయంగా నిర్వహించి అందరి దృష్టినీ ఆయన ఆకర్షించారు. సూర్యనారాయణ మృతి పట్ల తెలంగాణ, ఆంధ్రప్రదేశ్‌లకు చెందిన విహెచ్‌పి, ఆర్‌ఎస్‌ఎస్, బిజెపి నేతలు పెద్ద సంఖ్యలో సంతాపం వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.