రాష్ట్రీయం
ఆశాజనకంగా ‘యాసంగి’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 8: తెలంగాణలో రబీ సాగు జోరందుకుంది. 2016 నవంబర్‌లో యాసంగి (రబీ) పంటలకు విత్తనాలు వేయడం ప్రారంభమైంది. అక్టోబర్‌లో కురిసిన భారీ వర్షాలకు జలాశయాల్లో నీరు సమృద్ధిగా చేరటంతో పాటు, బావులు, బోరుబావుల్లో నీరు సమృద్ధిగా ఉంది. అలాగే వాతావరణం పంటలకు అనుగుణంగా ఉంది. గాలిలో తేమ ఎక్కువగా ఉండటం వల్ల పంటలకు అనుకూలమైన వాతావరణం నెలకొని ఉంది. వరి, బుడ్డలు (వేరుశనగ), మొక్కజొన్న తదితర పంటలు వేస్తున్నారు. సాధారణంగా యాసంగిలో సుమారు 30 లక్షల ఎకరాల్లో పంటలు వేస్తుంటారు. తాజా సమాచారం ప్రకారం తొమ్మిది లక్షల ఎకరాల్లో విత్తనాలు వేశారు. డిసెంబర్ చివరి వరకు యాసంగి పంటలు వేయడం పూర్తవుతుంది. ఈ పంటలు ఫిబ్రవరి నుండి ఏప్రిల్ వరకు కోతకు వస్తాయి. యాసంగిలో విత్తనాలు వేసే మొత్తం విస్తీర్ణంలో దాదాపు 45 శాతం విస్తీర్ణం (సుమారు 14 లక్షల ఎకరాల్లో) వరి వేస్తుంటారు. నవంబర్ 15 తర్వాత యాసంగి కోసం వరి నారుమళ్లు వేసుకోవాలంటూ ప్రభుత్వం రైతులకు గత రెండు నెలల నుండి సూచిస్తుండటంతో ఇప్పుడిప్పుడే వరినారుమళ్లు వేస్తున్నారు. డిసెంబర్ 10 తర్వాత వరినాట్లు ప్రారంభమవుతాయి. వరిపంట మార్చి-ఏప్రిల్‌లో కోతకు వస్తుంది. తెలంగాణలో వరి తర్వాత ఎక్కువ విస్తీర్ణలో వేసే పంటలు బుడ్డలు, కుసుమ, పొద్దుతిరుగుడు తదితర నూనె పంటలు. ఈ పంటలు ఆరులక్షల ఎకరాల్లో వేస్తారు. ఇప్పటి వరకు మూడు లక్షల ఎకరాల్లో విత్తనాలు వేశారు. మొక్కజొన్న నాలుగు లక్షల్లో వేయాల్సి ఉండగా, 1.50 లక్షల ఎకరాల్లో వేశారు. శనగ, పెసర, ఉలవలు తదితర పంటలు సాధారణం కంటే ఎక్కువ విస్తీర్ణంలో వేశారు. జొన్న పంటల లక్ష ఎకరాల్లో వేస్తున్నారు. సిద్దిపేట, నాగర్‌కర్నూలు, వనపర్తి, ఆదిలాబాద్, ఆసిఫాబాద్ జిల్లాల్లో 51శాతం నుండి 75 శాతం విస్తీర్ణంలో విత్తనాలు పడ్డాయి. వికారాబాద్, నిజామాబాద్, కామారెడ్డి, మహబూబ్‌నగర్, గద్వాల-జోగులాంబ, వరంగల్ (రూరల్), జయశంకర్ భూపాల్‌పల్లి, మహబూబాబాద్, కొత్తగూడెం జిల్లాల్లో 26 శాతం నుండి 50 శాతం వరకు విస్తీర్ణంలో విత్తనాలు వేశారు. మిగాతా 16 జిల్లాల్లో 25 శాతం కన్నా తక్కువ విస్తీర్ణంలో విత్తనాలు పడ్డాయి. యాసంగిలో పంటలు వేసే రైతులకు రాష్ట్రప్రభుత్వం తరఫున అవసరమైన చేయూత ఇస్తామని వ్యవసాయ మంత్రి పొచారం శ్రీనివాసరెడ్డి తెలిపారు. గురువారం ఆయన ఆంధ్రభూమి ప్రతినిధితో మాట్లాడుతూ, రైతులకు అవసరమైన విత్తనాలు ఇస్తున్నామని, ఇతర అవసరాలను తీర్చేందుకు ఇప్పటికే జిల్లాల్లోని అధికారులకు ఆదేశాలు జారీ చేశామని చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.