రాష్ట్రీయం
పివి రాజేశ్వరరావు కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 12: మాజీ ప్రధాని పివి నరసింహారావు కుమారుడు, లోక్‌సభ మాజీ సభ్యుడు పివి రాజేశ్వరరావు (70) కన్నుమూశారు. ఆయన కొంతకాలంగా గుండె సంబంధిత వ్యాధితో బాధపడుతున్నారు. నగరంలోని సోమాజిగూడ యశోద ఆస్పత్రిలో చికిత్స పొందుతూ సోమవారం సాయంత్రం మరణించారు. ఆయనకు భార్య, ఇద్దరు కుమార్తెలు, కుమారుడు ఉన్నారు. రాజేశ్వరరావు అంత్యక్రియలు మంగళవారం హైదరాబాద్‌లో జరుగుతాయి.
పివి రాజేశ్వరరావు చాలాకాలం రాజకీయాల్లో కొనసాగారు. 1996లో సికింద్రాబాద్ లోక్‌సభ నియోజకవర్గం నుంచి పోటీ చేసి అత్యధిక మెజారిటీతో గెలిచారు. ఆ ఎన్నికల్లో ప్రస్తుత కేంద్ర మంత్రి బండారు దత్తాత్రేయను ఓడించారు. అయితే 1998లో జరిగిన మధ్యంతర ఎన్నికల్లో ఆయన దత్తాత్రేయ చేతిలో ఓడిపోయారు. రాష్ట్ర విభజనకు ముందు పిసిసి ప్రధాన కార్యదర్శిగా బాధ్యతలు నిర్వర్తించారు. రాజేశ్వరరావు స్వతహాగా కళాభిమాని. అనేక సాంస్కృతిక సంస్థలకు ఆయన చేయూతనందించారు. పివి నరసింహారావు మరణానంతరం ఆయన పేరు మీద పివి ఇంటర్నేషనల్ ఫౌండేషన్ అనే సంస్థను ఏర్పాటు చేసి, తన స్వగ్రామం వంగరలో ప్రతిభ కనబరిచిన విద్యార్థినీ విద్యార్థులకు బంగారు, వెండి, కాంస్య పతకాలను అందించి ప్రోత్సహిస్తున్నారు. వంగరలో మోడల్ పోలీస్ స్టేషన్ ఏర్పాటుకు, గురుకుల పాఠశాల ఏర్పాటుకు ఆయన తన భూమిని విరాళంగా ఇచ్చారు. రాజేశ్వరరావు మృతి వార్తతో ఆయన స్వగ్రామం కరీంనగర్ జిల్లా వంగర గ్రామంలో విషాదఛాయలు అలముకున్నాయి. ఆయన మృతి పట్ల ముఖ్యమంత్రి కెసిఆర్, టిపిసిసి అధ్యక్షుడు ఉత్తమ్‌కుమార్‌రెడ్డి, గాంధీ భవన్ ట్రస్టీ సూర్యా నాయక్ సంతాపాన్ని వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.