రాష్ట్రీయం
12శాతానికి సిఫార్సు చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 14: తెలంగాణ రాష్ట్రంలో విద్య, ఉద్యోగ రంగాల్లో ముస్లింలకు ప్రస్తుతం ఉన్న నాలుగు శాతం రిజర్వేషన్లను 12 శాతం వరకు పెంచాలంటూ పలు ముస్లిం సంస్థలు కోరాయి. ప్రభుత్వం చేసిన విజ్ఞప్తి మేరకు తెలంగాణ రాష్ట్ర వెనుకబడిన తరగతుల కమిషన్ బుధవారం ‘బహిరంగ విచారణ’ ప్రారంభించింది. ఈ విచారణ ఈ నెల 17 వరకు కొనసాగుతుంది. ఉదయం 11 గంటల నుండి సాయంత్రం ఐదు గంటల వరకు విచారణ కొనసాగుతుందని కమిషన్ చైర్మన్ బిఎస్ రాములు, సభ్యులు డాక్టర్ వకుళాభరణం కృష్ణమోహన్‌రావు, డాక్టర్ ఆంజనేయగౌడ్, జూలూరు గౌరీశంకర్ వివరించారు. తొలుత చైర్మన్ రామలు మాట్లాడుతూ, బహిరంగ విచారణ గురించి వివరించారు. ముస్లింలకు 9 నుండి 12 శాతం వరకు రిజర్వేషన్లను పెంచడమంటే ప్రస్తుతం బిసిలకు ఉన్న రిజర్వేషన్లకు భంగం కలిగించడం కాదని స్పష్టం చేశారు. బహిరంగ విచారణలో ఎవరైనా పాల్గొనవచ్చని, స్వేచ్ఛగా భావవ్యక్తీకరణ చేయవచ్చని వెల్లడించారు. బహిరంగ విచారణ తర్వాత ఈ నెల 18-19 తేదీల్లో న్యాయశాస్త్ర నిపుణులు, సామాజిక తత్వవేత్తలు, విశ్వవిద్యాలయాల ఆచార్యులు, ప్రముఖులను ఆహ్వానించి మరికొంత సమాచారం సేకరిస్తామని ఆయన వివరించారు. లిఖితపూర్వకంగా, ఆన్‌లైన్ ద్వారా, పోస్టుద్వారా ఈ నెల 19న సాయంత్రం ఐదు గంటల వరకు అభిప్రాయాలను పంపించవచ్చని చైర్మన్ సూచించారు. ఈ విచారణలో కమిషన్ సభ్యకార్యదర్శి జిడి అరుణ కూడా పాల్గొన్నారు.
విచారణ మొదటి రోజైన బుధవారం 12 సంఘాలకు చెందిన ప్రతినిధులు తమ అభిప్రాయం వ్యక్తం చేశారు. ముస్లింలకు 12 శాతం రిజర్వేషన్లు కల్పించేందుకు వీలుగా బిసి కమిషన్ ప్రభుత్వానికి సిఫార్సు చేయాలని ముస్లిం రిజర్వేషన్ ఫ్రంట్ రాష్ట్ర అధ్యక్షుడు మహ్మద్ ఇఫ్తకారుద్దీన్ అహ్మద్ తన వాదన వినిపించారు. ముస్లిం బిసిలు విద్య, ఉద్యోగ, సామాజిక, ఆర్థిక రంగాల్లో పూర్తిగా వెనుకబడ్డారని, ఈ విషయాలను ఇప్పటికే జస్టిస్ రంగనాథమిశ్రా, సచార్ కమిటీ, అమితాబ్‌కుంద్, జస్టిస్ దాళ్వా సుబ్రహ్మణ్యం కమిషన్‌లు నిర్ధాయించాయని గుర్తు చేశారు. సుధీర్ అధ్యయన కమిటీ సమగ్రంగా అధ్యయనం చేసిందని, అలాగే బిసి కమిషన్ కూడా వాస్తవాలను పరిశీలించేందుకు జిల్లాల వారీగా పర్యటించాలని అహ్మద్ సూచించారు. టిఎన్‌జిఓ నాయకుడు సయ్యద్ మజీదుల్లా హుస్సేనీ, ఖాజాఖయూం అన్వర్, మహ్మద్ ముషు, మహ్మద్ ఇర్ఫాన్ మొహియుద్దీన్, ఖాజా ఇమాముద్దీన్, మహ్మద్ షెహబాజ్ తదితరులు కూడా ముస్లింలకు రిజర్వేషన్లు పెంచాలని సూచించిన వారిలో ఉన్నారు. పలువురు ఈ సందర్భంగా హాజరై బిసి కమిషన్ అందచేసిన ధ్రువీకరణ అఫిడవిట్ నమూనా, అభిప్రాయ సేకరణ నమూనాలను తీసుకుని వెళ్లారు.
హైదరాబాద్‌లో బుధవారం నిర్వహించిన ‘బహిరంగ విచారణ’ వేదికపై
బిసి కమిషన్ సభ్యులకు వినతిపత్రం అందజేస్తున్న ముస్లిం సంఘం ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.