రాష్ట్రీయం
కాళేశ్వరం ప్రాజెక్టుకు రూ.7400 కోట్ల రుణం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 15: కాళేశ్వరం ప్రాజెక్టుకు ఆర్థిక సహకారం అందించడానికి బ్యాంకులు ముందుకు వచ్చాయి. ప్రాజెక్టు మొదటి దశ పనులకు రూ.7400 కోట్ల రుణాన్ని అందజేయడానికి ఇతర బ్యాంకులతో కలిసి ఆంధ్రా బ్యాంక్ కన్సార్టియంగా ముందుకు వచ్చింది. ఈమేరకు తన వాటాగా రూ.1300 కోట్లు ఇవ్వడానికి అంగీకరించింది. ప్రగతి భవన్‌లో గురువారం ముఖ్యమంత్రి కెసిఆర్‌ను కలిసి ఆంధ్రా బ్యాంక్ మేనేజింగ్ డైరెక్టర్ సురేశ్ పటేల్ తమ వాటాకు సంబంధించి చెల్లించనున్న రూ. 1300 కోట్లకు అంగీకార పత్రాన్ని అందజేశారు.
నీటిపారుదల శాఖ ముఖ్య కార్యదర్శి ఎస్‌కె జోషి, ఆర్థిక శాఖ ముఖ్య కార్యదర్శి రామకృష్ణరావు, ఆంధ్రాబ్యాంక్ ఎగ్జిక్యూటివ్ డైరెక్టర్ ఎకె రథ్, డిప్యూటీ జనరల్ మేనేజర్ ప్రసాద్ ముఖ్యమంత్రితో సమావేశమై కన్సార్టియంలో బ్యాంకులవారీగా ఇవ్వనున్న రుణంపై వివరించారు. గోదావరిపై నిర్మించబోయే కాళేశ్వరం బ్యారేజి మొదటి దశ పనులకు రూ.7400 కోట్లు వ్యయం అవుతుందని కన్సార్టియం అంచన వేసింది.
తెలంగాణ ప్రభుత్వం చేపడుతున్న వివిధ కార్యక్రమాలకు ఆర్థిక సహాయం అందజేస్తూ తాము భాగస్వామ్యం కావడానికి ఆసక్తిగా ఉన్నట్టు బ్యాంక్ ఎండి సురేశ్ పటేల్ ఈ సందర్భంగా స్పష్టం చేశారు. కాళేశ్వరం ప్రాజెక్టుకు మాత్రమే కాకుండా తమ బ్యాంక్ మిషన్ భగీరథ పథకానికి రూ.1935 కోట్లు, పౌర సరఫరాల సంస్థకు రూ. 1000 కోట్లు, హైదరాబాద్ మెట్రో రైలు ప్రాజెక్టుకు రూ. 235 కోట్లు, విత్తనాభివృద్ధి సంస్థకు రూ.400 కోట్లు రుణంగా అందించబోతుందని సురేశ్ పటేల్ ఈ సందర్భంగా వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.